ايه اللي بيحصل لو اتصورت ومحدش وقفك في اللجنه
السلام عليكم
النهارده كنت في القاهره الصبح ورايح الشغل ولقيت مراتي بتكلمني وتقولي والدتي هتعمل عمليه قمت شادد الرحال ونازل علي الأسكندريه زراعي وبعد نزلة الطريق الحر الجديد ده قبل كفر الزيات كان في افيو بيجري معايا وبعدين الطريق هدي شويه ولقيت لجنه وبتاع الأفيو جه قصادي وقالي احنا الأتنين اتصورنا قلت الحمد لله مع اني مشفتش اي رادارات بس كان في كام واحد بتاع بيجوه اجره ماشين في الشمال براحه قوي وحتي فضلت ازمرلهم عشان اعدي ومحدش فيهم قالي حاجه
المهم قصاد اللجنه الظابط كان موقف عربيه وانا عديت انا وبتاع الأفيو محدش قالنا حاجه وبعدها بتاع الأفيو قالي التالت اللي كان معانا اتقفش
انا مش عارف هو بمزاج الظابط يعني ولا انا فعلا متصورتش انا وهو ؟
ولو اتصورت يبقي ايه اللي هيحصل؟ والدي بيقولي هتنزل علي الرخصه
ياتري لو الكلام ده صحيح هيبقي بكام؟