دايو ولا شيفرولية لانوس

**ahmedezzat78** · 21-10-2011 02:26 AM

المشاركة الأصلية كتبت بواسطة abdm

يا باشا عشر سنين أية أنت بتتريق ولا بتتكلم جد . الشفرولية هى الدايو ما فيش أختلاف كبير خالص أن لم يكن مفيش أختلاف نهائى يعنى ما فيش فرق كبير محسوس بينهم .

نجى لنقط تانية أى عربية بعد 5 سنيين بتكون أتعرفت وأنتشرت .تقوم حضرتك تقول على الشفرولية اللانوس اللى هى أصلا دايو لانوس أنها لسة هننتظر أنها تثبت كفاءتها كمان 10 سنين

والشفرولية لانوس بقالها 4 سنين بتتباع بأسم شفرولية هما 4 سنين دول قليلين على عربية أصلا كانت موجودة وما أتغيرش فيها حاجة جوهرية أو من الآساسيات بتاعتها يعنى 4 سنين وقبلهم 9 سنين بأسم دايو لانوس يبقى 13 سنة .

الخلاصة : يعنى لو معاك فلوس الزيرو تشترى دايو لانوس موديل 2008 حالة كويسة بدون أى تعديلات أو أضافات . ولا تشترى شفرولية لانوس زيرو موديل 2012 .

والله الموفق والمستعان

زيرو طبعا

المشاركة الأصلية كتبت بواسطة xgogox

العربيه بتحتاج فتره علشان تقدر تحدد سوق المستعمل بتاعها كويس ولا لأ
كذلك إستخدام عدد كبير من المستخدمين وكلما زادت فترت الإستخدام
كلما قدرت تاخد معلومات تقدر عندها تكون متطمن ميه في الميه وتشتري العربيه

وبالنسبه للفرق بين الشيفروليه والدايو
في فرق وده مش كلامي
ده كلام ناس ركبو العربيتين وعارفين

ايه الفرق غير الكاسيت؟

**mero100** · 27-10-2011 10:14 PM

تحياتي للمهندس / احمد عزت علي مشاركاته البناءه و الهادئه ... و منطقيته في النقاش و المقارنات بدون تحيز ...

عمرو ابراهيم

**mailo** · 28-10-2011 02:33 AM

لأ كتير بصراحة

**ahmedezzat78** · 28-10-2011 03:06 AM

المشاركة الأصلية كتبت بواسطة mero100

تحياتي للمهندس / احمد عزت علي مشاركاته البناءه و الهادئه ... و منطقيته في النقاش و المقارنات بدون تحيز ...

عمرو ابراهيم

شكرا استاذ عمرو
أخجلتم تواضعنا

**minicooper20** · 28-10-2011 06:57 AM

هى هى

**nemo_1806** · 28-10-2011 12:30 PM

انا معايا شيفرولية لانوس 2010 وركبت كذا دايو كتييييييييير قبل كدة من اصحابى ومفيش فرق بين الاتنين غير الكاسيت تقريبا ودة اللى انا لاحظتة يمكن فية حاجات تانية مخدتش بالى منها!

**newcar2011** · 28-10-2011 05:14 PM

الى ملاحظه حاجه واحدة بس انى دى جديده ودى قديمه وصوت الشيفروليه لانوس اعلى حبتين بس عادى يعنى

**hf2m2002** · 30-10-2011 12:40 AM

اللي اعرفه انه مافيش فرق نهائي وده من خلال سؤال التوكيل والميكانيكية خارج التوكيل والله اعلى واعلم

**semsem_saad** · 30-10-2011 11:24 AM

أولا مع أحترامى الكبير لرأى الزملاء والمتخصصين فالتجربة هى خير دليل ....أولا أنا معايا جوليت 1 ولانوس 1 وركبيت اللانوس 2 ...ومن فترة قريبة روحت مع صديق ليا وأشترينا شيفرولية للانوس طبعا بعد ترشيحى بأعتبار أنها نفس العربية ومزاياها الكتير وعيوبها البسيطة المقدور عليها ..والعربية عاملة دلوقتى 10000 ك .........تقريبا أنا المسؤال عن صيانتها وبروح التوكيل معاة فى مرات الصيانة وطبعا بركب العربية أكتر منة ....
أولا النقطة إلى أهملها معظم الزملاء ومافيش حد أتكلم فيها وهى تقفيل العربية يعنى تجميع الأجزاء المتخلفة للعربية داخل توكيل منصور شيفرولية مع الأخذ فى الأعتبار الأجزاء إلى ممكن تكون صناعتها مختلفة زى الطرمبة والبوبينة وماخفى كان أعظم .......بعد التجربة الملاحظات
1- العربية فى المجمل هى هى الدايو
2- التفقيل من ساعة لما أتقفلت فى منصور شيفرولية التقفيل كلة مشاكل فعلا غير الأجزاء إلى ممكن تكون صناعتها صينى مش gm زى ماكن المعتاد من زمان يعنى على سبيل المثال
- ترشيح زيت من عند الجير بوكس والعربية زيرو
- عيوب فى علبة الدركسيون مع ترشيح زيت الباور
- تلف سريع لطرمبة البنزين
- تلف بلى العجل وخصوصا الخلفى بعد كيلو متر بسيط
- وجود عيوب بسيطة فى تقفيل دفيرة الكهرباء وبعض المشاكل الناتجة عنها فى الأضاءة وخلافة
دى بعض الحاجات إلى أنا واجهتا فى العربية إلى أشترينها وبعض الزملاء وكمان بعض سواقين التاكسى إلى بقابلهم عند الميكانيكى أثناء الصيانة ...وطبعا علشان أكون واقعى المشاكل دى مش شرط تظهر فى كل العربيات إلى متقفلة فى منصور يعنى كل واحد وحظة
بس فى النهاية عيب العربية الشفيرولية الوحيد هى تقفيلها داخل توكيل منصور شيفرولية ده غير ان معاملتهم فى التوكيل حاجة مهلبية بصراحة وأسئلوا طبعا مجربين غيرى وطبعا معظم العيوب دى ليها حل
ملحوظة واحدة كنت عايز أقولها عن تجربة التقفيل الكورى فى الدايو أو التقفيل داخل مصر فى بداية صناعة السيارة فعلا ممتاز ..كمان إلى مجرب وزن العربية اللانوس 1 على الطريق تحس أنها أتقل وماسكة نفسها أكتر عن تجربة يعنى بعد فترة من الصناعة ودة ملوحوظ أتقلل شوية وزن الصاج فى العربية
ثانيا وهو الأهم فية زميل فاضل كان بيقول أن العربية على الأقل تمشى العشر سنين وبعدين نحكم عليها طبعا عندة كل الحق لكن طبعا دلوقتى مافيش عربية هتتحمل كل الفترة دى
يعنى علشان أأكد كلامة أنا معايا العربية جوليت 1 موديل 99 ...أنا مافكرتش أعمل حاجة فى العربية غير طبعا الصيانة الدورية والرشاشات وبلى العجل إلا من سنتين تقريبا يعنى بأختصار مابدأتش تفتح بقها غير من سنتين وطبعا بغير فيها حاجة حاجة لكن كتر ألف خيرها طبعا ...