تجربتى فى تصليح مراية الفيرنا بالصور
السلام عليكم و رحمة الله و بركاته
الاسبوع اللى فات ربنا كرمنى بعربية نقل من بتوع الكهربا اعجبت بالمرايا الشمال و خدتها معاها
و كانت النتيجه كالتالى
http://www.m5zny.com/upfiles/jus62421.jpg
المهم طبعا فكرت انى اشترى واحدة جديدة لقيت اللى فى السوق كله صينى و تعبان اوى
فكرت اصلحها عند حد سمعت كلام غريب اللى يقول مش نافعة و اللى يعمل افلام و قصص
المهم نويت انى اصلحها بنفسى و زى ما تيجى تيجى مهى هى اصلا بايظة
نزلت فكيت المرايات من العربية زى ما متوضح فى الصور
اولا هتلاقى الفيبره دى ن جوا و متركبه كبس - فكها بس براحه علشان متتكسرش
http://www.m5zny.com/upfiles/15r62421.jpg
و بعد ما تفكها هتلاقى ثلاث مسامير زى كدا
http://www.m5zny.com/upfiles/lci62421.jpg
و خلى بالك امسك المرايا من بره علشان متقعش اول لما تفك المسامير
و بعدين روحت لبتاع الحدايد و البويات قولتلو عايز لصق يلزق الفيبر و يكون زى الحديد راح مطلعلى لصق عبار عن انبوتين بيتخلطوا وعلى بعض و لونهم شفاف و سعره عشره جنيه و دى صورتهم
http://www.m5zny.com/upfiles/kpc62421.jpg
و اشتريت لصق عريض علشان اثبت بيه المرايا بعد لما احط اللصق و دى صورته
http://www.m5zny.com/upfiles/uog62421.jpg
و بعد كدا توكلت على الله و روحت
و جبت المرايا و نضفت مكان الكسر كويس علشان مايبقاش فى اى اتربة او اوساخ
و خلطت المعجون و كله تمام
و لصقت المرايا و لفتها بالصق العريض و سيبتها لمدة ساعة علشان تنشف زى ما مكتوب على اللصق
و توكلت على الله و ركبتها
و كانت النتيجة ممتازة الحمدلله و دى الصور بعد التركيب
http://www.m5zny.com/upfiles/utw63675.jpg
http://www.m5zny.com/upfiles/02d63675.jpg
http://www.m5zny.com/upfiles/9jj63675.jpg
و الحمدلله بقت جامدة جدا ما شاء الله
تحياتى للجميع