Foot Patch detox اللاصقات المزيلة للسموم
حد يعرف عنها حاجة غير اللي مكتوب على النت
هل هي فعلا مساوية للحجامة ولا برضه زي اساور الطاقة وغيرها
لو حد ليه تجربة معاها يا ريت يفيدنا
لو في راي علمي من مكان موثوق منه يا ريت يفدنا برضه
عرض للطباعة
Foot Patch detox اللاصقات المزيلة للسموم
حد يعرف عنها حاجة غير اللي مكتوب على النت
هل هي فعلا مساوية للحجامة ولا برضه زي اساور الطاقة وغيرها
لو حد ليه تجربة معاها يا ريت يفيدنا
لو في راي علمي من مكان موثوق منه يا ريت يفدنا برضه
الاعلانات ماليه التليفيزيون. ولما الاعلانات بتبقى كتير اوي كده وبطريقه مستفزه عاده بتكون اشتغاله
بس برضه مستنين رأي متخصص
والله وانا كمان
انا من كتر الغش اللي في السوق توقعت انها مادة بتغير لونها مع العرق او حجب الضوء او الهواء
يا ريت فعلا اللي يعرف يفيدنا
استاذ كريم
لو قصدك ع اللزقه اللي بتتباع في التلفزيون دي بتتلزق ع الرجل دي ب100 جنيه
دي الحاج جابها و بيقولي ملهاش لازمه و اللزقه مش بتسود اوي زي ما باين في الاعلانات
هاتلك حاجات الحجامه اسمع انها بقت رخيصه اوي دلوقتي .. انا كان جايلي هديه الكاسات بتاعت الحجامه ال5 و الجزء اللي بيتشد ده و بعملها للحاج وطريقه عملها سهله و بتريحه فعلا
اشتغاله اى فنى معمل من اللى بيحضرو المعامل للطلبه ممكن يركبلك اى مادة تسود بعد فترة محددة حتى لو مش لازقها مادة بتتاكسد بالهواء ولا ااقراص علاج الكبد اللى بيعرضهلنا الشيخ ابو بدقن العلامه بتاعه مركز الصفاء الله يرضى عنك متفكرنيش بالنصب العلنى ده لحسن بيعليلى الضغط وبيخلينى يقول كنت وفرت التعليم وفلوسه وطلعت نصاب
اي حاجة عليها كلمة detox تبقى نصب لان مفيش حاجة اسمها detox اساسا
مش معقول ده كله نصب يعنى .. يمكن الناس مش عارفه تستخدمها صح.
ياجماعه الموضوع ده ليه ابعاد كبيره مش مجرد النصبايه في المنتج لا النصب علي كبير وعلي واسع
1-شخص معاه قرشين حلوين ينزل الصين وينقي اي بلح في بتنجان يكون بتراب الفلوس
2-اعلان محترم في التلفزيون (وهي دي المصاريف)
3-اسم شركه من الهواء(اسم مزيف)+مقر مزيف (مفيش شركه من دول هتحاول توصلها هتلاقيلها مقر مستحيل)
طريقه البيع بجد فيها ابتكار وامان علشان النصاب يعرف يخلع
اولا كلنا بنلاقي كلمه (+مصاريف الشحن)
الكلمه دي فيها الليله كلها
ازاي
انت بتتصل بالشركه والشركه بيقولولك هنوصلك خلال يومين الي اربعه ايام
يقوم يجمع الاوردرات عنده وبتيجي شركات شحن متخصصه في الكلام ده ياخد الاوردارات كلها ويحاسب عليها كاش من مكانها ويوصلها الي الزبون وياخد الشحن اللي بيكون من 30 الي 70 جنيه حسب المكان
طبعا لما ياخد 50 طلب يوميا في 30 جنيه في القاهره هو اللي كسبان (وطبعا الطلب عباره عن علبه تتشال في الجيب)
طيب لما ياخد 200 طلب يوميا في 40الي 70 جنيه لوجه قبلي
علشان كده بيخلوهم يحاسبوا كاش علي البضاعه وكمان الشركات بتتخانق علي اللي ياخد اكبر كميه
طبعا في اي وقت الشركه تقفل ويتضح انها شقه مفروشه وبعدها بكام يوم ينزل الصين وينقي تاني اي بلح في بتنجان وينزله اعلان جديد واسم شركه جديد ويطلع الشعر ويبيض الجسم ويشد الوش ويخسسك وطولك ويرفعك وهكذا....الخ
شفتوا المكسب اللي من الهواء جاي ازاي للتاجر اللي بيبيع الهواء والراجل اللي بيوصل الهواء (انا جاني برد من كميه الهواء دي)
والشركات دي كلها شغاله بالطريقه دي
واتعرض عليا اكتر من مره افتح مكتب شحن واشتغل معاهم
أستاذ أحمد .. أنا كنت قريت عن الdetox pads من فترة وهى فعلان موجوده وناس كتير جربتها وكاتبين عليه reviews فى موقع أمازون ...
Amazon.com: detox pads
وأنا جربتها قبل كده واحد صاحبى جبهالى من السعوديه بس سعرها زى أمازون تقريبا بـ120 ريال 4 pads بس .. وهى فعلان كانت بتسود ولونه بيتغير والكلام ده .. بس أنا محستش بأى جديد الصراحة ..
هى الفكرة ممكن اللى موجوده هنا تبقا مضروبة .. علشان ال 10 بـ 100 جنيه فقط .. وعلى فكرة مكتوب فى العلبة بتاعتها من جوة إن علشان تحس بفرق لازم تستخدمها فترة كويسة وأول لما تلاحظ إن اللون بتاعها مبقاش يتغير يبقا أنت كده تمام ومفيش سموم فى جسمك .. طبعا الكلام ده فيه خراب بيوت .. علشان كده انا جربتها مرة واحدة وخلاص .. من وجهة نظرى الحجامة أفضل بمراحل .. غير إنها سنه الرسول عليه أفضل الصلاة والسلام ..