جلب مقصات اللوجان مبوشة

**ahmedbakr50** · 10-11-2011 05:51 PM

طيب ده حالة وحيدة لعربية حضرتك
ولا كل اللوجان بيتغير الجلب بعد فترة قصيرة ؟

**zkralla** · 11-11-2011 01:03 AM

المشاركة الأصلية كتبت بواسطة ahmedbakr50

طيب ده حالة وحيدة لعربية حضرتك
ولا كل اللوجان بيتغير الجلب بعد فترة قصيرة ؟

مش عارف بس اتمنى انها تطلع حالة فرديه
لغاية دلوقتى فى ثلاثة فى القسم كله الاخ dizel والاخ super وانا يعنى بالنسبة لعدد العربيات الى فى القسم محصلش واحد فى المية وطبعا ديه نسبة قليلة بس على الجانب التانى هل قدام هيبان حالا ت اكتر .... اتمنى لا
على فكرة المشكلة ديه موجوده فى النوبيرا على ما اذكر
انا حجزت صيانة يوم 23 / 11 وأن شاء الله اروح واقولكم الى حصل

**mohamed ghazi** · 12-09-2018 01:40 AM

سلام عليكم
معاى نيو لوجان 2015 منوال عامله 43000 مابمشيش بيها كتير لاكن للاسف شغلى بيضطرنى امشى فى طرق مكسره
من فتره بدئت اسمع طقه او خبطه جايه من ادام واعتقد من اليمين رحت مركز صيانه لانى مش متابع الحقيقه مع مراكز صيانة رينو اسعارها غاليه
والمهندس بص على العربيه من الكابوت وقالى عندك قاعدة فيتيس ديه خفيفه عايزه تتغير

الحقيقه مااهتمتش وركنت العربيه لانى ماكنتش فاضى بعدين المركز قفل ورحت لمركز تانى لاكن المره ديه بليه عايزه تتغير وقلت للمهندس على المشكله القديمه وان فيه مركز صيانه قالى قاعدة فيتيس وبعد ماجرب العربيه وكشف عليها قالى لايابيه ديه جلب مقصات انت محتاج تغير مقصات طبعا انا كده قلقت كل حد يقولى حاجه شكل لكن المهندس ده متاكد وقالى ممكن تغير الجلب بس على المقصات بتاعتها
هل فعلا ممكن يكون الصوت ده جلب مقصات؟
بيظهر معاى دبه خفيفه وانا واقف وطالع لادام وانا كاسر العجل شمال ,ياريت اعرف الجلب بتتجاب منين سعرها كويس وصناعه ايه

وكل عام وحضراتكم طيبين وبخير