الشرط انك تبني خلال 5 سنوات وليس سنة واحدة
والمفروض المرافق موجودة كلها والمواصلات كمان موجودة (انا بتكلم عن الشروق والقاهرة الجديدة ومعرفش الباقي)
عرض للطباعة
ازاي يا فندم...المفروض في نفس يوم القرعة بتعرف انت أخدت او لا لانها قرعة علنية ولو حضرت هتعرف
لو محضرتش المفروض كشوف الاسماء بتكون عندهم في جهاز المدينة او مقر الهيئة وميعاد الاستلام المفروض خلال شهر من القرعة وبعد كده فيه غرامات
وبعدين اللي لم يصبه الدور في القرعة أكيد دافع مقدم حجز ولازم يروح البنك يستلمه
!!!!!!!!!!
اسف- المقصود تشرع فى البناء خلال سنه- ولازم الهيكل بتاع المبنى يخلص خلال سنتين- لان ممكن واحد يرمى الاساسات ويطنش بعد كده- بالنسبه للمرافق - مفروض حاجه والواقع حاجه تانيه - الموقع صحرا جرداء- لا طرق- ولا مياه وطبعا لاصرف ولا كهربا- قلنا انه استهبال - انا مش زعلان الا على تمن الكراسه - هههههههههه-
لما بافكر ان فى ناس فى البلد اتباع لهم اراضى كاملة المرافق ب 3 جنيه المتر- زى احمد باشا بهجت- ولا ب 150 جنيه - زى مستثمرين فى اكتوبر والعبور- ومساحات بالهبل- ولغايه دلوقت فى منهم اللى سدد قسط واحد بس وبعدين طناش واللى باع بالوف
ويجو على المواطن اللى عايز يستثمر مدخراته فى شئ للزمن ويبيعوا له الهوا
لو بايدى احول كل رؤساء اجهزة المدن الجديده الحايين والسابقيين لمحكمه عسكريه- يحاكموا محاكمه عادله ثم اعدام
شكرا و تسلم ايدك
في جديد يا اخوانا
حد راح حجز او استفسر
بالنسبة لتوافر المرافق
مياه - كهرباء - صرف
اكيد طبعا الشوارع هتبقى ترابية لحد ال 5 سنين الاولى تعدي وبعد كده ايه الوضع؟
الواحد مبقاش عنده ثقة فى الجهات الحكومية بالمرة
ياترى دى هتبقا زى حوار الشقق اللى قالو عليها ف ابريل اللى فات بردو ولا بردو زى حوار القوى العاملة وكله يبعت ويشترى ف كرارريس وكشاكيل ورسوم ويلم من الشعب حبة فلوس ويأجل
ولما يثور يبدأ يوزع ف شوية طوب وصخر غير صالحين للادمين من غير ميا وكهربا ومرافق ولا بعد عشر سنين
حرام عليهم والله هما مش عارفين ان الشباب بيبقا معاه تمن الشقة بالعافية ده اذا كان مش سالف اكتر من نصهم ولا بايع دهب مراته علشان يكمل مقدم
ولا الحوار ده معمول للسماسرة واللى معاه فلوس بزيادة مش عايزها كمان خمس او عشر سنين فبيساهم بدوره ف ميزانية الدولة المفلسة !!
بص كل المؤشرات بخصوص الاراضي دي تشير بالتفاؤل
هي افضل حالا بكثير من ابني بيتك المشروع الفاشل اللي فعلا اصبح مثل العشوائيات بسبب صغر المساحة والنماذج الغريبة والتقسيم الشيء
طيب ايه الحل لو محاولناش ناخد من الدولة
نروح نشتري من ناس عاديين هم واخدين الارض وضع يد وتلاقيه بايعها لاكتر من شخص ومفيش مرافق ومفيش اي خدمات وممكن كمان تكون محظور التعامل عليها زي أراضي القادسية اللي الاعلانات مغرقة الدنيا ورغم كده الحكومة عاملة تحذير من التعامل عليها لانه غير قانوني
هو محدش راح لا حجز ولا سأل ؟