الموضوع: الاحساس بالذنب

المشاركة الأصلية كتبت بواسطة hugan

حاجه غريبه جدا حصلت اليوم
ابني في الصف السادس الابتدائي
بياخد درس عندي في البيت هو ومجموعه من فصله
انا كل يوم تقريبا بروح البيت بعد انتهاء الدرس وبصراحه والدته اللي متابعه دروسه
انا تقريبا باخد فكره عامه عن احوالهم في المدرسه يوميا
النهارده روحت بدري
الميس بتاعتهم نزلت الاول
وانتظر ولد ين من زمايله انا وقاف امام باب الشقه بسلم علي ابني والولد زميله كان بيلبس حذائه وزميله التاني كان منتظره وابني واقف لحد ما ينزلوا
سالت الولد الاول
اسمك ايه قالي احمد هشام
وخلاص انتهي الكلام
الولد التاني
اسمك ايه
اديب
اديب ايه
اديب مينا نظمي
طبعا انا بيني وبين نفسي فو جئت ان له زميل بياخد معاه درس مسيحي
بالنسبه لي عادي جدا ومفيش اي حاجه
لكن انا تلقائي لقيت نفسي بهرج مع اديب واتكلم معاه واخبارك ايه وعامل ايه في المدرسه ويحيي ابني عامل ايه معاك
وكل الكلام المعتاد
وبعد مادخلت الشقه فكرت مع نفسي انا ايه اللي خلاني اعمل كده مع اديب والولد التاني مجرد اني سلمت عليه وخلاص
عقده الاضطهاد والذنب
الاخوه المسيحين في مصر نجحوا وبجداره في ايصال احساس ان المسلمين والدوله مضطهده المسيحين ويكرهوهم
انا اجباري بيني وبين نفسي عملت كده
تحليلي لنفسي بعد ما فكرت شويه
اديب ممكن يروح بيتهم ويقول لاهله ابو يحيي شافني وكان مكشر في وشي
علشان انا مسيحي
الخوف ان الامر يتحول في كل حاجه الي احساس اننا نكره المسيحين ومش طايقنهم
وكل تصرفاتنا معهم بحساب علشان ما نغلطش ويفهموا تصرفاتنا غلط
مش عارف انا وصلت الفكره صح ولا غلط

فعلا...إحنا حاسييين بعقدة فى الموضوع ده مع اننا ما عملناش حاجة! ده اللى يسافر بره - خصوصا اوروبا - يشوف العجب والله!

كان لى مدير امريكي يعمل كل اللي عايزه طوووووول الاسبوع والويك اند وبعدين يروح الكنيسة يعترف عشان يطهر نفسه ويبتدي تاني الاسبوع اللي بعده ، على أساس لو مات يتحاسب عن اسبوع واحد بس!!!!!!!!!!

هنا على الأقل المسيحيين متدينين مش بلاستيك زي الأجانب....!

تحياتي.