عربيتى 128 ابارث مفيش فى شكلها فى مصر :)
اخيرا صور عربيتى
بعد معملت فيها 90% من التعديلات اللى كان نفسى اعملها
وللاسف بفكر ابيعها :( بعد كل التعب ده
مبدئيا العربيه 128 ابارث موديل 77 موتور 1290cc انا شاريها استوك مفيهاش اى تعديلات حتى الجنوط الاسبور بتاع الابارث والطاره الالمونيوم والسقف الجلد بتاع الابارث كانو فيها بس متبهدلين وانا فضيتها كلها وشديتها وعملتها على مزاجى من جوه ومن بره
الشكل بتاع العربيه ده كله من تصميمى وكان فيه اسبويلر طياره خلفى بس شيلته فيه ناس قالتلى شكله مش كويس :(
التعديلات اللى فيها
كساحه فيبر
شبكه اسبور
فوانيس شبوره اكسنت
ستائر كبس 3 قطع
سنتر تايوانى
انزار سيمفونى لسه فى الضمان
كاسيت usb +بورده للسماعات معموله جلد احمر زى السقف والقوائم
فتح الشنطه كهرباء بالريموت او بزرار داخلى
ورق عدادات اسبور
فوانيس ليدات
رينجات
جميع اضائه العربيه ليدات حتى نور التابلوه وتحت التابلوه والصالون
جنوط اسبور تايلاندى (ومعمول ليهم مسمار بمفتاح للامان ضد السرقه )+ رينجات تيفلون+نيتروجين
فلتر اسبور
ديفل اصلى ماركه باور فول
بار (شداد) علوى للبطاحات
مساعدين غاز على زيت اسبانى (ناشفين شويه بس ثبات كويس)
مووطى السوست من الامام والخلف تقريبا 5 سمم وده عامل ثبات جميل فى المنحنيات وعلى السرعات
معدل فى بك الكربراتير بواحد اوسع لتحسين التسارع
زرار فصل لمنع السرقه
العربيه كلها فى مفتاح واحد بيعمل كل حاجه زى العربيات الحديثه
معمول عازل حرارى (لباد ) من تحت التابلوه لحد تحت الكنبه اللى ورا وطبعا تحتيه انتركوت
اللى كنت ناوى اعمله فى المستقبل
اسقطلها موتور تمبرا 1400 كربراتير بالتكيف او من غير حسب الميزانيه ساعتها
واغير الكراسى دى بكراسى جين 2 او ريكارو واعملهم احمر لون السقف والابواب والقوايم وكده يبقى الصالون كله رياضى
هى فى الحقيقه شكلها احسن من الصور لدرجه فيه ناس كتير بتفضل متنحه فيها وفيه ناس بتيجى تسألنى تبيع وانا بقول لا لان بيبقى شكلهم تجار او عاوزين يتفرجو على العربيه
وفيه ناس اللى ملهاش فى العربيات يعنى بتسألنى دى نوعها ايه ههههههههههه
لسه اول امبارح تاكسى فضل يجرى ورايا ويقلبلى نور قولت اعديه ده شكله رزل لقيته جه جنبى وبيقوللى تبيع يا باشا ههههههههه قولتله لا
نيجى للصور
قولو بسم الله ماشاء الله الاول :)
http://i49.servimg.com/u/f49/12/09/09/85/110.jpg
http://i49.servimg.com/u/f49/12/09/09/85/210.jpg
http://i49.servimg.com/u/f49/12/09/09/85/310.jpg
http://i49.servimg.com/u/f49/12/09/09/85/410.jpg
http://i49.servimg.com/u/f49/12/09/09/85/510.jpg
http://i49.servimg.com/u/f49/12/09/09/85/610.jpg
http://i49.servimg.com/u/f49/12/09/09/85/710.jpg
http://i49.servimg.com/u/f49/12/09/09/85/810.jpg
http://i49.servimg.com/u/f49/12/09/09/85/910.jpg
http://i49.servimg.com/u/f49/12/09/09/85/9910.jpg
http://i49.servimg.com/u/f49/12/09/09/85/99910.jpg
http://i49.servimg.com/u/f49/12/09/09/85/9999910.jpg
ودى صورتها وهيا بتترش الاسبوع اللى فات فى الفرن بتاع الدوكو ودى غير اول مره رشيتها فيها من سنه ونص تقريبا وكنت ساعتها مفضيها خااااالص
http://i49.servimg.com/u/f49/12/09/09/85/999910.jpg