-
هما حسبوها بالقانون و احنا بنحسبها بالدين و الانسانيه اكييد احنا كشعب فينا سلبيات كتيير بس دى راجعه لفساد الحكام و الانظمه المتعفنه اللى كنا عايشين فيها بس برضه فينا مميزات كتيير و الخير فى مصر ليوم الدين
-
بالرغم انى كارهه مصر جدا الفتره دى علشان البلطجه وافلام الاكشن اللى احنا عايشينها دى
لكن فعلا الناس هنا بتحب تساعد بعض
انا مره العربيه وقعت فى حفره كبيره او بمعنى اصح يعنى مقلب زباله :POINTIy2[2]:
والله مش عارفه كميه الناس دى جت ازاى مش اقل من 20 واحد ونزلت وواحد تانى ركب مكانى والناس والله كانت بتحاول تخرجنى واى عربيه ملاكى تعدى يركن وينزل يشيل معاهم والناس وواحد وقف ينظم المرور علشان الدنيا متقفلش
والحمد الله خرجت بسلام بدون خساير والناس كانت متبهدله والله المكان كان وحش اوى والعربيه كنت سايبه فيها فلوسى والموبايل وشنطتى ومفيش قشايه نقصت
وراجل كبير كده مشى ورايا بالعربيه شويه لحد ما قربت على الطريق واطمن انى تمام ومشى هو
يومها بجد كنت حاسه انى فخوره ببلدى اوى
Content Relevant URLs by
vBSEO 3.6.0 PL2