زرار الفوج لايت

**ahmedezzat78** · 22-10-2011 06:42 PM

المشاركة الأصلية كتبت بواسطة ahmedalshora

ممكن لو سمحتوا صوره للزرار ده اللى بيتحكم فى الايريال الكهربا يعنى عايز اشوف حجمه عشان الشكل العام للتابلوه .
وهل ممكن اتحكم فى الايريال ده من غير زرار يعنى مثلا ما يشتغلش الا اما اشغل الراديو فقط لكن مع تشغيل السى دى لا يرفع هل فيه حل لكده عند كهربائى يكون شاطر

بيركب مكان الطبه اللى على شمال الساعه و هوه نفس شكل وحجم زرار الانتظار

الاريال بيشتغل مع تشغيل باور الكاسيت بغض النظر راديو أو cd

**VANTROY** · 22-10-2011 07:48 PM

ممكن تجيب زرار مكان الطبة اللى قصاد زرار التكييف ... دا للى عنده رزرا الشبورة جنب الساعة

**maka** · 23-10-2011 12:16 AM

المشاركة الأصلية كتبت بواسطة ahmedezzat78

انا دخلت المفتاح على التوالى مع سلك الاريال اللى طالع من الكاسيت
يعنى عشان الاريال يطلع لازم الكاسيت يكون شغال و الزرار مضغوط

فكرة فى الجون اشكرك عليها استاذ احمد

المشاركة الأصلية كتبت بواسطة elpasha1

بالعكس انا كنت عاملة زرار فصل وكان محدش ملاحظ اى حاجة
اللى بيدور بيدور فى الاماكن المستخبية لكن عمر ما فى حرامى هينور نور الشبورة علشان يسرق العربية

هههههههه

كده المنتدى كله عرف انى هعمله زرار فصل !!!! ادور على مكان تانى احسن

**elsapagh** · 14-11-2011 05:45 PM

كنت عايز أسئلكم يا جماعه أنا جبت زرار الشبوره ده اللى جمب الساعه بس من غير فيشه .فى مشكله ان الكهربائى يتصرف فى موضوع الفيشه دى ولا لازم أدور عليها .ودى ألاقيها فين؟
وكنت عايز أخذ رأيكو كنت عايز أغير لمد فوانيس الشبوره ب لمد ألمانى زرقأء لان الاضاءه بتاعة اللى جيا مع الفوانيس وحشه أوى.أرجو الرد سريعا و شكرااا

**VANTROY** · 14-11-2011 07:01 PM

المشاركة الأصلية كتبت بواسطة elsapagh

كنت عايز أسئلكم يا جماعه أنا جبت زرار الشبوره ده اللى جمب الساعه بس من غير فيشه .فى مشكله ان الكهربائى يتصرف فى موضوع الفيشه دى ولا لازم أدور عليها .ودى ألاقيها فين؟
وكنت عايز أخذ رأيكو كنت عايز أغير لمد فوانيس الشبوره ب لمد ألمانى زرقأء لان الاضاءه بتاعة اللى جيا مع الفوانيس وحشه أوى.أرجو الرد سريعا و شكرااا

بالنسبة للفيشة فاشتريها استيراد بـ 10 جنيه
وبالنسبة للمبات الزرقاء فدى مالهاش اى لزمة غير الشكل العام فقط لكن ما تتوقعش منها اى انارة حقيقة الا فى الشوارع المظلمة تماما

لو حابب تزود نور الفوانيس فاشترى لمبتين المانى 100 وات هايفرقوا جامد معاك

**elsapagh** · 15-11-2011 01:23 AM

شكرا على الرد ياباشا
أنا أشتريت لمبتين ألمانى مكتوب عليهم 100 وات الواحده ب 20 جنيه بس بيقولو عليها لمبه زرقا ألمانى..هل اللى أشترتها دى هيا اللى أنت بتقول عليها ياباشا؟؟؟؟؟؟

**VANTROY** · 15-11-2011 08:22 AM

اللمبة الزرقاء دى هاتديلك نور ابيض -بالنسبة للمبات الشبورة - .... وهاتلاقى الزجاج بتاعها لونه ازرق .... وعلى ما افتكر ما فيش لمبات زرقاء المانى .... كله كورى

اما بالنسبة لنور الفوانيس فانصحك انك ما تجيبهم ابيض ... لانك مش هاتشوف بيهم الا الاكصدام قدامك فقط