بفكر اشتري سيات 133 ياريت تردو عليا

**walidleeda** · 20-10-2011 12:40 AM

السلام عليكم ورحمة الله وبركاته
اولا احب اعرفكم بنفسي .. انا وليد طالب كلية تجارة من اسيوط .. المنتدى دة اكثر من رائع و انا حبيته جدا جدا ... دلوقتي انا محتاج عربية اروح بيها الجامعة لاني بيني و بين الجامعة 60 كيلو و مش مهم شكلها ولا اي حاجة اهم حاجة عرربية توصلني .. ففكرت في السيات 133 دي لاني لقيت اسعارها رخيصة و على قد الفلوس اللي معايا و خصوصا اني دي اول عربية بفكر اشتريها يعني هتعلم عليها السواقة كمان ..... اتمنى بقى من الاخوة انهم يقولولي رايهم في الكلام دة و العربية دي لو حالتها كويسة تعمل كام سعر يعني اعلى سعر ليها و كده و تقدر تسافر 60 كيلو ولا لا .... و شكرااااااااااااااا لكل من يساعدني

**Egyzizo** · 22-10-2011 12:13 AM

أفتكر ان 120 كيلو يومياً مشوار كبير جداً على سيات 133 خصوصاً أنها قدمت قوى وصعب تلاقى دلوقتى عربية حالتها حلوة.

**walidleeda** · 22-10-2011 02:01 AM

يا سلااااااااااااااام اخيراا في حد بيرد عليا ..... اولا بشكرك على ردك و اهتمامك جدا .. ثانيا سؤالي لو العربية حالتها كويسة جدا هتبقى في حدود كام و هتبقى فعلا كويسة ولا مفيش خالص كلو هيبقى تعبان

**windofchange** · 22-10-2011 09:23 AM

طيب مفكرتش في 127 توب بتبقي ب11 الف و12 في امكانية تعلي السعر ل11 او 13 الف ومفيهاش عيوب ال133 من السخونية الشديدة والتبريد بتاع الموتور فيها احسن من 133؟

**walidleeda** · 22-10-2011 02:10 PM

ما هو لو في امكانية كنت فكر في اعلى لكن حاليا مفيش غير كده انها اول عربية بجيبها اتعلم وعليها وكده يعني و بعد كده ابقى اجيب حاجة جديدة ان شاء الله ..... بس انا عايز اعرف هيا لو حالتها كويسة و معمولها التعديل باع التبريد دة مش هتبقى كويسة ولا ايه ؟؟!!

**adel1212** · 22-10-2011 03:07 PM

لو انت متمكن فى ميكانيكا السيارات وكهرباء السيارات
ومش مهم انك تروح الكلية كل يوم
تبقى تمام
تحياتى

**walidleeda** · 22-10-2011 03:23 PM

ايوة طبعا الكلية مش كل يوم هيا تلات ايام بس وبالنسبة للميكانيكا انا عندي فكرة بسيطة غير اني من النوع اللي بيتعلم بسرعة كبيرة الحمد لله .... طب سعرها هيكون كام في احسن الاحوال ؟؟؟ و بشكرك على ردك

**M.Alaa92** · 22-10-2011 03:30 PM

حوالى 5-6

**walidleeda** · 22-10-2011 03:36 PM

تمام اوي .... جزاك الله خيرا

**windofchange** · 23-10-2011 10:21 AM

اهم حاجة العربية تكون متعالجة ضد السخونة ولو مش متعالجة يبقي تنزل من سعرها تمن التعديل ده وفي ناس بتبقي مسقطه لها موتور 127 بتبقي اشد بيه طبعا واستهلاك اقل للبنزين واللي بيعدلها كبالن بدل الفلانشات والكبالن دي هي المسئوله عن حركة العجلتين الخلفيتين للعربية وهي احسن من الفلانشات اللي بتتقطع وتوقفلك العربية مش متأكد من صحة المعلومة دي بس ناس كتير معدلاها كبالن ,,,الا لو انت ناوي تجيبها فاضية خالص وتعدلها بنفسك وكده بس اكشف كويس عليها كمبيكانيكي وسمكري محترم ويكونوا امناء ويعرفوا ربنا وتقيس كبس موتور ب25 جنيه فالبنزينة زي شل في شارع دمشق مصر الجديدة وميقلش عن 75% عشان الموتور ميحتاجش عمرة او نص عمرة ويكون حالته كويسه ,,ودي شويه مواقع عربيات للبيع فمصر http://www.google.com.eg/#hl=ar&sour....,cf.osb&cad=b

الموضوع: بفكر اشتري سيات 133 ياريت تردو عليا

LinkBack

أدوات الموضوع

عرض

-

-

-

-

-

المواضيع المتشابهه

ممكن تردو عليا لو سمحتو لمبه الزيت بترعش فى السلانسيه

سؤال يا اخوانى ياريت تردو عليا فيه

اعمل اية ياريت تردو علياااااااااااااااا

ضروري تردو عليا بسرعه.... مشكله كبيره

ياريت تردو عليا

الكلمات الدلالية لهذا الموضوع

المفضلات

المفضلات

ضوابط المشاركة