مبدئيا كدا الله يكرمكم مش عوزين لمة...ولو في لمة مش عوزين تريقة

الهي ميحكم علي حد بالموضوع دا...السماعة...السماعة يابشر الله يخليكم... السماعة الطبية

المشكلة دي معقدني من زمان وفعلا بقيت شيفاها بعبع انا مش قدرة بجد..كل مرة البسها احس اني بعمل عملية اللووز...واقعد احارب احارب لحد مقدر اوصلها لودني...وبتبقي وجعاني بشكل غير محتمل من تحت الحجاب..دا غير انها بتبوظ الحجاب...

وبتسببلي طنين ف ودني مبقدرش استحمله حتي لو لبستها دقيقة...المشكلة زايدة بجد دلوقتي...حسة بوجع ف ودني غير محتمل عاملي دوخة وصداع باستمرار بقيت لما اشوف موقف لازم البس فيه سماعة بهرب منه باي طريقة حتي لو قياس ضغط والله...بقيت البعبع بتاعي

الله يكرمكم محدش عنده اي فكرة عن سماعة وايرلس...انا مش بتريق فعلا..

تكون ear piece صغيرة من غير الcurve البشع اللي فيها دا ..المشكلة كمان ان عندي حساسية من اي معدن غير الدهب...فبتفضل مكانها احمر وبيألمني جدا طول اليوم...

دا غير الارتكاريا اللي بتجيلي لاني مستحيل البس سماعة مكان شخص تاني...او استلفها من حد...ولو حصل ظرف وحد اخدها مني بغير فورا ال Ear piece اللي فيها..بجد مش لاقية حل للموضوع دا...اتصرف ازاي حتي لو تجنبتها فلحياة العامة..طب اتجنبها فلشغل ازاي انا وصلت لمرحلة ان جهازين الضغط اللي عندي اتصرفت فيهم عشان اتجنب اقيس لحد هنا فلبيت...اصل بقي واجب الضيافة عندنا دلوقتي شاي وعصير وقياس ضغط