لابد من اسكانر وكان لازم بعد الشغل الي اتعمل ده كله انك تحطها علي اسكانر حتي للاطمانان وبجملت المصاريف
عرض للطباعة
لابد من اسكانر وكان لازم بعد الشغل الي اتعمل ده كله انك تحطها علي اسكانر حتي للاطمانان وبجملت المصاريف
روحت دلوقتى مركز شيفورليه اللى فى بنزينه شل شارع التسعين بالتجمع و رفضو يحطو العربيه على الاسكانر عشان دايو
هحاول اروح لحد تانى بالليل بعد الشغل
فيه مهندس عنده اسكانر فى محطه كالتكس المقطم اسمه محمد هاشم .... حد اتعامل معه أو جربه قبل كده؟
روحت لمحمد هاشم و حط العربيه على اسكانر و كل القراءات طبيعيه
و على فكره أنا قست map فى عربيه واحد صاحبى لاقيتها زى عندى (يظهر ان الأرقام المكتوبه فى الموضوع المثبت بتاع الكشف على الحساسات مش تمام)
المهم الراجل شاكك ان الكاتينه مأخره أو ان الترس التحتانى مبوش أو مشروخ و المفروض هاروحله بكره بالليل نفك و نشوف
ياباشا معاك قلبا وقالبا
أنا عارف ان حاجة بسيطة ممكن تجنن الواحد واللف علي الصنايعية وحش اوي .. ياريتني كنت أقدر أفيدك
ربنا يعينك
الله يكرمك و يخليك يارافع معنوياتى
هيه فعلا حاجه تعكنن و خصوصا مع واحد موسوس زى حلاتى بس أدينا بنتعلم و بنحفظ العربيه
الميكانيكى بتاعى فى التليفون بيؤكد ان تقسيمة الكاتينه صح و انه مش ممكن يغلط الغلطة دى و مصمم ان اروح مركز الصفا اللى فى جسر السويس و بيقول فيهم شعر بس مواعيدهم لغايه 6 مساء و انا عندى شغل فقولت اجرب محمد هاشم لو طلع فاهم هينفع مستقبلا لأنه قدام بيتى و النهارده مارضيش ياخد حتى فلوس scan وقالى لما نوصل للعيب .... و ادينا هنشوف بكره و لو ما وصلتش لحاجه هابقى اروح للصفا يوم اجازه ان شاء الله
شوف الجزء ده من الكتالوج يمكن تفيدك في موضوع التاكيه:
OIL PUMP
The oil pump draws engine oil fromthe oil pan and feeds
it under pressure to the various parts of the engine. An
oil strainer is mounted before the inlet of the oil pump to
remove impurities which could clog or damage the oil
pump or the other engine components. When the drive
gear rotates, the driven gear rotates. This causes the
space between the gears to constantly open and nar-
row, pulling oil in from the oil pan when the space opens
and pumping the oil out to the engine as it narrows.
At high engine speeds, the oil pump supplies a much
higher amount of oil than required for lubrication of the
engine. The oil pressure regulator prevents toomuch oil
from entering the engine lubrication passages. During
normal oil supply, a coil spring and a valve keep the by-
pass closed, directing all of the oil pumpedto the engine.
When the amount of oil being pumped increases, the
pressure becomes high enough to overcome the force
of the spring. This opens the valve of the oil pressure
regulator, allowing the excess oil to flow through the
valve and drain back to the oil pan.
فيه الحتة دي كمان:
OIL PAN
The oil pan is mounted to the bottom of the cylinder
block. The oil pan houses the crankcase and is made of
pressed sheet ....l.
Engine oil is pumped from the oil pan by the oil pump.
After the oil passes through the oil filter, the oil is fed
through two paths to lubricate the cylinder block and the
cylinder head. In one path, the oil is pumped through the
oil passages in the crankshaft to the connecting rods,
then to the pistons and the cylinders in the cylinder
block. The oil then drains back into the oil pan. In the
second path, the oil is pumped through the oil passages
to the camshaft. The oil passes through the internal pas-
sageways in the camshafts to lubricate the valve as-
semblies in the cylinder head before draining back into
the oil pan.
لا بصراحة أنا مقصدش حاجة بعينها بس بفتحلك باب للتفكير عشان المشكلة متتكررش عندك تاني لا قدر الله لأن مستغرب ازاي عربية 2007 يحصل فيها كده الا اذا ممكن يكون فيه عيب ميكانيكي والله أعلم
ممكن يكون ده حصل فعلا والزيت مش بيوصل لفوق نتيجة لفتح الصمام ده مش غلقه بقي(لان الفتح معناه انه يرجع الزيت الزيادة للكارتيرة في حالة السرعات العالية فلو فضل فاتح زي ما هو هنيجي عند السرعات البطيئة والزيت مش هيوصل كاملا لكل أجزاء الموتور
ممكن برده يكون مصفة الزيت مسدودة
طريقة قياس ضغط الزيت موجودة في الكتالوج..دور علي : Engine Oil Pressure Inspection Procedure
أنا بقول كل ده افتراضات وأنا بصراحة مش خبير عشان أفتي بس أنا بفتحلك مجال للبحث ويمكن يكون مفيش حاجة أصلا وزي ما قال الميكانيكي إن السبب سوء خامة
الله أعلم
فيه كمان oil pressure test في الكتالوج
أنا مش عارف هل ده ممكن يكون سبب اللي عندك دلوقتي ؟ ممكن حد من الخبراء بتوعنا يفيدك بقي في كل الكلام اللي فوق
فيه حاجة تانية...هل عندك أي أصوات غريبة في الموتور .. دور برده علي الجزء ده في الكتالوج:
Noise diagnosis
علي فكرة ممكن كمان كانت مشكلة فلتر زيت مثلا واتحلت مع تغيير الفلتر بالاصلي
بس إيه كان شكل التاكيه لما طلع من العربية...قافش مثلا ...مفيش زيت كفاية واصله مثلا...ممكن برده ده يعرفك الوضع كان ايه لما اتكسر...أعتقد إنك ممكن تكون محتاج تقيس ضغط الزيت ومش عارف الجهاز اللي في الكتالوج ده موجود فين
للأسف محمد هاشم طلع مش تمام
قسم الكاتينه على مزاجو بطريقه بلدى (حسب كلامه) بدون ما يراعى علامات الترس العلوى و السفلى و للأسف العربيه بقت المراوح شغاله علطول و السحب سيئ جدا
محمد هاشم تتكلم معاه تحس انه فاهم جدا لكن للأسف ماشى بدماغ الميكانيكى اللى معاه (يعنى ايه زنب الفابريكه اللى فى التروس مش صح؟)
المهم ربنا يسهله بقى ....... انا ماعجبنيش الكلام و روحت للميكانيكى بتاعى و قسمنا الكاتينه صح على العلامات زى الكتاب ما بيقول و بدلنا كابل بوجيه بيشرز
العربيه اتحسنت بس لسه مخنوقه
فكينا egr وركبنا فى الفلانشه بتاعته جوان طبه زى ما الأستاذ عصام غنايم كان عامل فى الموضوع ده
http://www.nilemotors.net/Nile/176742-egr.html
طلعت اجرب لاقيت العربيه طياره .............. كده اتاكدنا من السبب
نظفت ال egr باسبراى و شغلت الرداخ بتاعه كذا مره و ركبته تانى لاقيت العربيه طبيعيه زى زمان (بس برده من غيره السحب المفاجئ أحسن للى عايز)
ثانى يوم روحت مركز الصفا نظفت رشاشات و حللت العادم و حطيناها على اسكانر و كله تمام و الحمد لله
بس كده خلصت المشكله
ظهرلى مشكله تانيه ان فيه صوت صوصوه (صو .... صو .... صو) بيظهر لما العربيه تكون سخنه ولو دوست دوستين بنزين بيروح و لو بارده مش موجود
شكينا فى الدينامو أو شداد سير التكيف ففكينا سير الدينامو و التكيف لاقينا الصوت شغال
الميكانيكى قال يا اما بليه كاتينه و أو طلمبه الميه و الاثنين جداد وأصلى للأسف
قولنا يمكن حشو الطلمبه الجديده بيطبع فاتفقنا انى امشى بيها اسبوع و لو الصوت ما راحش نهد الدنيا تانى و نعرف السبب
ياترا حد حصل معاه الصوت ده بعد تغير طلمبه الميه؟
دة شداد سير التكييف هيروح لوحدة كمان اسبوعين او شهر بالكتير قوى
والله انا بعد اما غيرت سير الكاتينه كنت بسمع صوصوة وراحت لوحده بعد اسبوعين لما رجعت للميكانيكى قالى دى بكرة شداد التكييف قلت مش مهم بعدها الصوت راح لوحد بفترة واختفى نهائى اصبر شويه وشوف الى الى هيحصل
تمام
و منتظر رأى الزملاء
تلغيه و تشوف الفرق
لو فرق كبير يبقى بايظ
لو فرق بسيط يبقى سليم
حبيت بس أكمل الموضوع لأخره
الصوت المذكور كان من حشو طلمبه الميه و بيظهر بعد تسخين العربيه و بيختفى بعد مشوار كبير و هكذا
الصوت اختفى تماما بعد 3000 كم
دلوقتى انا مشيت بالعربيه 5000 كم و استهلاك البنزين اتحسن مع الوقت و وصل لمتوسط 220 كم لكل صفيحه وده محسوب على 100 لتر فى جميع ظروف التشغيل (طريق طوالى زى الدائرى و وسط البلد)
وأعتقد ان ده مؤشر ان الصبابات حكمت كويس
و السحب الحمد لله تمام بعد الغاء بلف egr
الف مبروك علي حل المشكلة وإتمتع بقي بعربيتك وربنا ييسرلك طريقك
مبروك اولا على الاصلاح وربنا يكفيك شرها وشر الفتايين
وشكرا على كميه المعلومات ال الواحد بياخودها كل يوم بسبب الحوارات ال بينا
الله يبارك فيكم و شكرا على الاهتمام و المتابعه
كان الله فى عونك يا استاذ احمد
ليا كام ملحوظه
زيت شيل ال 10 آلاف جربته مره ومعملتهاش تانى
زيت ولا أسوء
بعد 7 آلاف كيلو منزل ال 3.5 كيلو زيت ( كيلو ونص شحم ) من كتر ما اتبخر
يمكن يكون مضروب يمكن تكون فى مشكله عندى مش مهم
المهم انى عمرى ما حطه تانى
بالنسبه للمبة الزيت
فدى مصيبه من ضمن المصايب
ليه ؟
مبتنورش ألا عند وصول مقدار الزيت فى المكنه الى اقل من 1 كيلو ( طبعاٌ المكنه بتكون روحت من بدرى )
اللى مش مصدق
وهو بيغير زيت بعد ما ينزل الزيت القديم يقفل الطبه ويحط 1 كيلو زيت بس يدور العربيه لحظه بس للتجربه
هيلاقى اللمبه منورتش
بالنسبه للegr
انا قلت انه بيشتغل على عدد لفات معينه وفى ظروف معينه فى حالة انه سليماقتباس:
البلف ده بيعمل فاقد في المكنة كده...بس موضوع عصام بيقول انه بيشتغل عند عدد لفات عالية
طيب نشيك عليه ازاي ؟
اما لو بايظ ومعلق مفتوح حتى لو بنسبه بسيطه اوى بيبرجل العربيه خالص وبيذود استهلاك البنزين وبيضعف الأداء
لذلك فمن الأفضل ألغائه
هوه زيت شيل أه بينقص زى اى زيت تخليقى بس مش لدرجه 2كج فى 7 الاف كم (على الأقل معايا فى عربيتى)
امال انت بتحط زيت ايه؟
لنل بافكر المره الجايه احك ليكوى مولى او فالفولين
تحياتي لكل الاعضاء و خصوصا / عصام و طارق و swimmer ....فعلا اراء ومشاركات مهمه ومفيده
أما احمد عزت ف فعلا قلبي معاك .... واللي باسطني بجد ان مشكلتك اتحلت .... الانسان الحساس اللي بيحس بكل تكه بيبقي تعبان قوي لو فيه اي صوت ظهر حتي لو طبيعي .....
بالمناسبه انا عندي صوت الصوصوه اللي ان ذكرته ...عربيتي لانوس 2011 ...15000 كم .... و دة ظهر لاني كنت بسمع صوت دبدبه من الجنب اليمين وانا سايق و ده وانا واقف في اشاره وطالع مثلا .....ف قالولي في التوكيل انهم حيظبطوا حاجةة في السيور الدينامو او التكيف مش فاكر........المهم بعدها ظهر صوت الصوصوه دة .....رحتلهم و قالولي ان فيه سير مرخي ....المهم الصوت راح ....بعدها باسبوع رجع تاني ......و بعد نصيحة اخويا كبرت دماغي عشان متجننش ....لاني حساس جدا
المهم و احد صاحبي حصل معاه نفس اللي حصل معاك ( موضوع التاكيه ) و عربيته لانوس 2009 ..... و تقريبا بيستعمل زيت معدني .
و كالعاده الميكانيكي قاله ان الخامه وحشه ....بس انا رأيي لو الخامه وحشه كانت حتظهر في موديل سنه معينه أو حتبقي مشكله عامه ....زي مثلا صباع الحراره اللي كان فيه مشكله تقريبا في سنه 2010 ....ف أكيد اللي حصل عندك و عند صاحبي ده موضوع له سبب غير موضوع الخامه .....( دي وجهه نظري ).....و الحمد لله انك ظبطت الدنيا و راضي عن عربيتك :-)
مع تحياتي
عمرو ابراهيم