الموضوع: التاكيه اتكسر فجأه

المشاركة الأصلية كتبت بواسطة ahmedezzat78

الموتور دار تمام و طلعه شويه دخنه فى الأول و راحت و صوته كان مش قوى فى الأول و بعد تشغيلها ساعه سلانسيه و مشوار 60 كم الصوت اتحسن لكن لسه فيه غلطه مع صوت تكه خفيفه بتحصل كل 10 ثوانى و الموضوع ده مش مريحنى و كمان مخنوقه زى ما تكون البوجيهات بايظه و الميكانيكى بيؤكد ان كل ده هيختفى بعد 500 كم لما الصبابات و الكوستيبانات تطبع ............ ايه رأيكم؟

الخنقه و الغلطه اللى فى الموتور طلع سببها كابل بوجيه مهرب (بصيت على الموتور كويس فى مكان ضلمه لاقيت شراره بين جراب الكابل و جسم الموتور) و غيرت الكابل بواحد من الأطقم القديمه اللى كانت عندى

العربيه سلكت بس فاضل بس ان فيه نخعه بتحصل اول كل غيار لما أدوس بنزين و لما أرفع رجلى عن البنزين ....... دورت لاقيت السبب ان الميكانيكى كان مرجلش واير السلانسيه على الأخر يعنى مخلى دواسه البنزين على الشعره زى ما بيقولو ...... فكيت تيله رجلاش الواير و رحلتها سنه واحده للخلف و طلعت جربت لقيت العربيه زى الفل و بنقل الغيارات بسلاسه

المشاركة الأصلية كتبت بواسطة ahmedezzat78

انا كنت ناوىأغير زيت النهارده وانا راجع من الشغل و معاه فلتر ان شاء الله
هل من رايك أغير طلمبه الزيت احتياطى و بعدين احط الزيت الجديد؟

غيرت زيت و فلتر و مشيت 100 كم بعدها و الصوت اتحسن نسبيا

عايز اقول ان التجربه دى اثبتت ان البطاريه ال 70 امبير مفيده .... ليه؟

لما العربيه عطلت انا سيبت الانتظار شغال 5 ساعات و الكاسيت اشتغل بتاع ساعتين و محاولات الدواره اثناء العطل و بعد الاصلاح

لو كانت بطاريه 55 امبير ممكن كانت ممكن ما تستحملش كل ده

المشاركة الأصلية كتبت بواسطة swimmer25

مبارك ان كل حاجة طلعت تمام وهي شوية تظبيطات بسيطة


غيرت زيت ايه ؟

المشاركة الأصلية كتبت بواسطة swimmer25

مبارك ان كل حاجة طلعت تمام وهي شوية تظبيطات بسيطة

الحمد لله الوضع احسن لكن لسه مش طبيعى تماما يعنى لسه فيه تقطيعه خفيفه اثناء التسارع مش عارف ده ليه علاقه بعدم تطبيع الصبابات على قواعدها (عدم عمل الروديه بضمير) و الا ممكن يبقى حاجه تانيه؟

طيب لو الروديه مش تمام ممكن الصبابات تطبع مع الوقت و الا صعب؟

المشاركة الأصلية كتبت بواسطة swimmer25

غيرت زيت ايه ؟

شيل هيلكس 10 الاف مش عارف ليه مرتاحله نفسيا
المره دى ركبت فلتر GM ب 30 جنيه و كنت قبل كده باركب Hingest الألمانى بنفس السعر

موضوعه التقطيعه أو الرعشه اثناء التسارع ده خنقنى جدا و بدأت أفكر فى الحساسات

قرأت الموضوع ده
http://www.nilemotors.net/Nile/182370-a.html

و شكيت فى حساس map و حساس الأوكسجين

المشاركة الأصلية كتبت بواسطة M.Zaher

4- حساس MAP

وظيفته : يقوم بقياس ضغط الهواء بداخل المانفولد ويقوم بتحويل تلك القياسات الى اشارات لوحدة التحكم

- اختبار الفولت

- يتم توصيل الفولتميتر على الطرفين A & C في وضع تشغيل السياره مع خلع الحساس من مكانة
القيمة المثالية = 5 فولت

- اختبار الاشاره

يتم تركيب الحساس مكانه و باستخدام الفولتميتر
- توصيل على الاطراف B و ارضي تكون القيمه لا تقل عن 4 فولت عند بداية التشغيل
- توصيل على الاطراف B و ارضي تكون القيمه من 1 :1.5 فولت في السلانسية
- توصيل على الاطراف B و ارضي تكون القيمه من 4.5 : 5 فولت مع الضغط الخفيف على البنزين


11- حساس الاوكسجين
اختبار الاشاره

يتم تسخين السياره و التاكد انها في درجة حرارة التشغيل الطبيعية
يتم توصيل الفولتميتر بين الطرف البنفسجي و الارضي
القيمة المثاليه
متذبذبة بين 0.1 : 0.9 فولت
نايل موتورز

بقياس حساس الأوكسجين طلعت القراءه 0.7V يعنى فى المعدل الطبيعى

بقياس حساس MAP طلع اختبار الفولت 5 فولت (تمام جدا)
اختبار الاشاره 1.6V (شبه طبيعى) عللى السلانسيه و 1.2V مع فتح البوابه (مش طبيعى)

دلوقتى انا شبه متأكد من تلف MAP Sensor وهحط العربيه على اسكانر خلال اليومين الجاين و أتاكد وأغيره وأقولكم اخر التطورات

طيب الأعراض الموجوده دى تتطابق مع أعراض تلف ال map ؟ مع العلم انى فكيت البوجيهات لاقيت حرقها مش تمام

روابط مفيد عن map

Manifold Absolute Pressure MAP Sensors

MAP Sensor and Barometric Pressure Read Solenoid