مشكلة مزمنة في دورة التبريد

**amr_shaaban** · 20-10-2011 02:30 AM

المشكلة عندي من يوم ماجبت العربية فية ضغط زايد في دورة التبريد .... كل ما اصلح حتة تضرب حتة تانية ... خرطوم .. كوع .... تغيير ريداتير بواحد اصلي استيراد و ضرب فبرة ... غيرتها ضرب تاني

دلوقتي عاوز اغير الريداتير و خايف اجيبة يضرب برده ... عاوز اعرف ايه السبب للي بيحصل ده !!

المياة علي طول بتنقص حتي من غير ما تبان في اي حتة !!
كل ما انضف دورة التبريد الاقيها بعد فتر بقت بني!!
طلمبة المياة مغيرها قريب و شغالة كويس

هل جوان وش السلندر ممكن يكون ضارب فضغط بستم ممكن يكون بيهرب لدورة المياة ؟؟؟

وايه افضل ريداتير جديد ولا استيراد؟

**ahmedezzat78** · 20-10-2011 02:47 AM

احتمال يبقى جوان وش سلندر

شغل العربيه الصبح و هيه بارده تماما و افتح غطاء القربه و اقفل بايدك مكان الغطاء ..... لو لاقيت ضغط اتولد فى القربه يبقى جوان لأن الميه لسه بارده و مطلعش منها بخار ميه

حاجه تانيه لو جوان بايظ و دوره الميه فاتحه على الحريق فيه سلندر هيتملى ميه طول ما انت راكن العربيه باليل و لو شغلت الصبح تلاقى بخار مباه من الشكمان و العربيه دايره 3 سلندر فى الأول و بعدين تسلك

**amr_shaaban** · 20-10-2011 02:55 AM

كلامك مقنع جدا ... الله ينور يا هندسة

علي فكرة موضوع المكنة تكون متلتة ده ضهر عندي بقالة ايام ... بيحصل اول ما ادور ... بس اقوم مزود جامد دقيقة و تتظبط

هجرب و ارد عليك ان شاء الله

**MMamdouh** · 20-10-2011 02:55 PM

طالما فية ضغط زائد فى الدورة يبقى غطاء القربة تالف

غطاء القربة فية بلفين لمعادلة ضغط دورة التبريد... واحد بيدخل هوا لما ضغط الدورة يقل عن المسموح به... و التانى بيسرب الضغط الزائد لما الضغط يزيد

من اللى شرحتة واضح ان البلف التانى مش شغال

MMamdouh

**asas630** · 03-11-2011 02:11 AM

افصل الكهربا عن الموبينة عن طريق فيوز ال ignition الي موجود في الصالون ودور العربية كذا مرة مش احتدور طبعا وبعد كدا افتح غطا الاربة وشم المياة لو ريحتها بنزين يبقي جوان وش سلندر

وانشاء الله خير