الموضوع: البنك الاهلي المصري اداني فلوس مزورة ! !

المشاركة الأصلية كتبت بواسطة Ahmod

والله يا جماعة اللى حصل بالظبط اني سحبت امبارح الصبح مبلغ 3 الاف جنيه ده من موظف البنك من داخل البنك

وتاني يوم الظهر سحبت من المكنة مبلغ 1750

والفلوس اللى سحبتها سواء من موظف البنك او من المكنة اتشالت علطول في المحفظة ومتعملتش مع اي حد نهائي بيها لاني كنت جايبها لغرض معين

لا فكيت من حد ولا جمدت لحد ولا اي حاجة نهائيا

انا اكيد طبعا مش عارف ال 100 جنيه دي من المكنة ولا من الفلوس اللى سحبتها من البنك من الموظف

بس رجحت ان الفلوس المزورة من المكنة لان مافتكرش ان موظف البنك المسؤل عن الايداع والسحب هتطلع من تحت ايده فلوس مزورة نهائيا

افتكر انها صعبة حبتين لكن قلت جايز المكنة حد حط فيها ورقة زي كدة عشان كدة قلت المكنة

بصراحة انا مش عارف لكن ده اللى حصل بالظبط وبمنتهى الامانة

والحمد لله انها جت على قد كدة ومع محل امين وناس محترمة قدرت تتفهم الموقف

حكيت لصاحب السوبرماركت اللى تحت البيت عندي قالي احمد ربنا ان انت ماوقعتش في ايد ناس تانية كان ممكن يودوك الحبس الى غير البهدلة والمرمطة

وانا ان شاء الله بكرة الصبح هروح لمدير البنك عدل وهقول لحضراتكم اللى هيحصل وردة فعله وربنا يستر

نصيحه مني يا باشا هقولك تتصرف ازاي

لو متاكد 10000000000% ان محدش مس الفلوس دي غيرك وكان الراجل بتاع الكاوتش والجنوط بيعدها قدامك

ومحطش فيها اي ورقه او لف ضهره دقيقه

يبقي صراف البنك هوا الي عملها معاك

استبعد حوار المكنه خالص لان المكنه ممكن ساعات تهيس في العد وتطلع الفلوس ناقصه

او متطلعهاش اصلا وتتحشر وساعات يطلع نص الفلوس ومتعرفش تطلعها

لاكن مستحيل مستحيل تعد ورقه مزوره
________________________________________________

هتروح بكره تدخل علي الصراف واكيد فاكر شكله

وتحط موبايلك ومفاتيح في فتحة الشباك الي بتستلم منها الفلوس

هتقوله انا اخدت منك الورقه دي امبارح وعديت علي البنك امبارح بس كان الباب اتقفل

فلوس سمحت غيرهالي بدون شوشره ومشاكل

لو الفلوس دي منه وهوا الي طلعها استبعد تماما انه يعمل دوشه وهيصه وهيبدلهالك من سكات

لان دي فيها تحقيق معاه وتأخير ترقيه وحوارات

حاول تخليه يتكلم معاك اي كلمه تبين انه فعلا مزور وانه غيرلك الورقه
________________________________________________

تكون فاتح موبايلك علي مسجل الصوت وتسجل الحوار كله

تخلص الحوار وتطلع علي مدير البنك تسمعه التسجيل وتقوله هصعد الشكوي للاداره العليا

وتقوله انا عايز اسحب فلوسي كلها واصفي حسابي في البنك

وهروح اعمل محضر دلوقت

وتقدم الشكوي وانتا قاعد ولو زهقت هتسيب رقم تليفونك وبيانات عندك

هتلاقي مدير المنطقه بيكلمك

او مدير عام الفروع

وبيقولك بلاش محاضر ولا شوشره

بس خليك مصر علي موقفك

ومستني تخلص الجزء ده واقولك تعمل ايه بعد كده
__________________________________________________ __

اهم حاجه تكون متأكد ان محدش مس الفلوس دي غيرك

والحاجه التانيه انك تعرف تجرجر الصراف في الكلام وتسجله

A.Yakout