-
علبة البيئة
من فترة بسمع صوت زنة جاية من الشكمان :fool: و كل شوية اقول حروح اكشف علية خصوصا انى لسة مغير العلبة الوسطانية من شهرين تقريبا . المهم و انا ماشى فى الحرفيين النهاردة الأحد و لأجل الحظ المهبب وجدت محل شمكانات شغال قمت داخل علية و حاكيلة حكاية الزنة الى بسمعها . رفع العربية و نزل تحتها و دور العربية و داس بنزين و قالى علبة البيئة هى الى تعبانة ممكن نركب غيرها أو ننظفها انا معجبنيش شكل الى حيغيرها كان باين عليها انها متجددة . قلت له ننظفها احسن . قام فكها و لقيته بيشيل حاجة زى الفلتر منها او شكلها زى الشبكة . انا قلت يا خبر اسود ايه الى بيحصل ده :arghh: و الدم ضرب فى نفوخى و قلت انت بتعمل ايه قلى ماهو الحشو ده باض و احنا بنظفة من جوا العلبة و نحط ماسورة مكانه . انا حسيت انى دخلت فى الحيط و انى بتعامل مع واحد مختل عقليا . و سلمت امرى لله . ما شال الشبكة خلاص و قعدت زى العبيط لحد ما خلص و قالى نطلع نجرب . قلته كفاية كده و حاسبته و خت العربية و روحت . المهم انا ملاحظ ان صوت الشكمان عالى . و لما شغلت التكييف الصوت على اكتر . و حاسس بصداع و سدت نفس من ساعتها . حد يعرف يقولى ايه الى حصلى ده و يا ترى صح و لا غلط و الحل ايه .
-
الصوت العالى الى انتا سمعه ده علشان ماشلش العلبه وركب الماسوره جواها علشان كده بترن وبطلع صوت عالى المهم ان المفروض انك تحس بتحسن فى السحب وراحة المانور لان كل الى شالو علبة البيئة قالو الكلام ده حاول تشيل العلبه وتخلى الماسوره بس هتلاقى الصوت قل وبقى طبيعى
-
انا كان معايا كيا سبكترا وبردة حصل نفس الفصل تقولش انت كنت بتحكي حكايتي
الموضوع انة لغالك علبة البيئة من اساسة
عملها باي باص .
طبغا الشبكة اللي شالها وتقريبا بيبقي فية حاجة زي الصوف الزجاجي اللي هيا اصلا السبب في اصوات الشخللة اللي كنت بتسمعها لان اللي بيحصل انك بتاخد مطب يجي في علبة البيئة فالمادة بتاعت الصوف الزجاجي بتتكسر وتتنقل علي طول الشكمان وبتخش في باقي العلب مما يؤدي الي زيادة صوت الشخللة والله اعلم.
كلام الاخ Ads مضبوط 100%
شيل العلبة وخلي الماسورة بس
-
هو ضحك عليك و اخد المادة المكونات اللى جوة العلبة... انا بعت علبة البيئة بتاعتى ب 200 جنية
MMamdouh
Content Relevant URLs by
vBSEO 3.6.0 PL2