-
مافيا الاعلاناااااااااات
نفسي يعملوا عندنا في مصر
جهاز اظن انه بقي موجود في اغلب دول العلم المحترمة
تكون كل وظيفته هي مراقبة الاعلانات ومدي الغش والتلاعب بعقول الناس
والنصب العلني فيها
يعني ايه الاقي اعلان عن مش عارف ايه يرجع الشعر ويعالج الصلع
وايه بيعالج الضغط والسكر والانميا والقلب وامراض الجهاز الدوري والتنفسي
وايه لالام الظهر والركب والمفاصل
وايه بيعالج الضعف الجنسي
وايه قال بينقي الجسم من السموم - حتة لزقة شاش بتنقي الجسم من السموم وتعالج نص امراض الدنيا
ده غير اشتغالات الاعلانات بتاعة الاجهزة المنزلية والرياضية وغيره
ومع الاسف اكتر قنوات شغالة في سكة النصب دي القنوات الدينية
بيبقوا مانعين طبعا اي مادة اعلانية تظهر فيها واحدة ست بشعرها او اي اعلان في اي شئ محرم
فتلجأ القنوات دي للنوع ده من الدعاية لتحقيق مكاسب
ليه مش يبقي عندنا في مصر جهة تحاسب النصابين دول
اعلنت عن منتج بمواصفات معينة وانا اشتريته وطلع اونطه
تتحاااااااااااااااااسب وتتسجن كمان
-
-
انت عارف انهم في اليابان بيمنعوا الاعلانات الاستفزازية
يعني علي سبيل المثال العربيات
مش كل الناس تقدر تشتري عربية لذلك ممنوع اعلانات العربيات
و هكذا
ربنا يرحمنا من العته اللي في الميديا بتاعتنا دي
-
ومش بس كدة
طقم الحلل الي معاه هدية طقم ملايات وكوبايات وصيني وكل لوازم العروسة
ولا اعلانات البرامج علي الموبايل بالزات الألعاب
ولا حمل واسمع اجمل اغاني المطرب .....
ياباشا انا بطلت اتفرج علي التليفزيون
هي قناة واحدة بس
nat geo
والله المستعان
،
،
-
بس انتوا متضايقين من النصب ده يعنى على الاقل فى قناعة ان ده نصب
المشكلة لو ناس وقعت ضحايا النصب ده ومصدقة، مافيش حاجة تحميهم
وبعدين ازاى اعلن عن منتجات طبية بدون رقابة او اعلن عن منتجات طبية اصلا
Content Relevant URLs by
vBSEO 3.6.0 PL2