كلكم عارفين الحكاية من طقطق لسلام عليكم
المهم بعد ما المهندس الفاضل احمد عز اللي ورا جامعة القاهرة بعتني 3 -4 مشاوير لحد ما زهقت و كل ما اكلمو لسه المهندس مش جاه ( عرضت عليه اروح اخده من بيتو و اوديه العربية و هرجعو تاني للبيت بس يحللي المشكلة و الل يعايزة ياخده - قالي لأ )
بصراحة دمي فار من تعامله و خاصة اوي الصنايعي اللي ماشك الورشة عنده محمود لما بيقولي لو لك صرفة غيرنا حاول عشان انتا عارف ان احنا الوحيدين اللي بنعمل الكلام ده !!! )
المهم واحد قريبي ربنا يكرموا كلمني و قالي انا لقيتلك الحل
في واحد في المنصورة اسمو شكري بيصلح الكلام ده
المهم راحلوا و بعت معاه كنترول و طقم الدوارة كامل من المنصورة
و قريبي ده جالي و ركبناه في العربية
المهم العربية برضو مش قاريه فتيس و لمبة الاعطال منورة
كلمناه و قالنا هاتوه العربية المنصورة طالما بتمشي
و انا هصلح كل حاجة مش تقلقوا
المهم قريبي اخدها و نزل المنصورة تاني يوم الساعة 3 العصر ( اللذيذ ان الساعة 11 الصبح لقيناه بيكلمنا و يقولوا انتا فين انا قاعد مستنيك - مش زي بقية الناس الف وراه السبع دوخات و ابوس ايدو عشتن يصلحها - زي المهندسين ( للاسف ) احمد عز و احمد سعيد و لا الحج هيثم اللي بينزل الورشة الساعة 5 )
المهم روحنا بالعربية كشف عليها مضبوط و فتح الضفيرة و لم كل العك اللي كان معمول بس طلع ان كنترول الفتيس طار !!!
المهم جبنا من عندو كنترول فتيس ب 800 حنيه
و اخد مصنعيتو 150 جنيه علي الشغل و الكشف بالجهاز و اللذي منه
و طبعا تمن الكنترول 3500 جنيه من غير القديم
طبها المهندس احمد عز كان هيدهوني ب 2500 و كده في فرق الف جنيه بس بصراحة طظ في مقابل المعاملة الكويسة و اللي يحسسك انه خايف علي اكل عيشو مش منتهي الاستهتار في التعامل مع الناس
المهم العربية بسم الله ما شاء الله رجعت وحش زي الاول ( الموتور كنت كابسه في مقار قبل الشراء كان عامل كبس 82 % ) اللذيذ ان بشوات مقار محدش عرف اللي كان في العربية ده كلو و معايا الكشف كمان
الحمد لله علي السراء و الضراء
بس بجد حسبي الله و نعم الوكيل في كل صنايعي و لا مهندس و لا اونطجي بيعذب الناس عشان يقضيلهم مصالحهم
تحس انهم مستغنين عن الشغل اصلا
طب ايه اللي مشغلك ؟؟
المفضلات