اللى يعرف معلومة عن التوفير، يا ريت يكتبها هنا...... متجدد ان شاء الله

بدون مقدمات طويلة و بمناسبة الغلاء المستعر، أكيد كلنا دورنا أو جربنا نوفر فى المصاريف بطرق مختلفة، ياريت بقى ندل بعض على طرق التوفير.

يعنى مثلا، حد جرب منتجات كارفور اللى باسمه؟ زى الصلصة و المناديل و الكلور و المكرونات و الخ الخ الخ؟

حد فكر اننا ممكن كل اول شهر نشترى حاجات بالجملة و تتقسم علينا؟ و مش لازم تكون بقالة بس، ممكن نعمل طلعة لسوق العبور و نتفق مع تاجر طيور مثلا اننا ناخد منه جملة كل شهر.

الخلاصة اننا يا ريت نبتدى بمنتدانا و نستغل اتصالنا المستمر ببعض و نتعاون على توفير ولو جنيهات، لو مش محتاجينها النهاردة، أكيد هنحتاجها بكرة

بعض أساليب التوفير اللي فكرت فيها :
1- شراء الخضروات و الفاكهة بالجملة بالقفص يعني .
2-الأصدقاء في منطقة واحدة أو الجيران في الشارع الواحد يشتركوا مع بعض و يشتروا عجل او عجلين حسب العدد و ذبحه .
3-إلتزام البخل :) في المنزل بخصوص المياه و الكهرباء و الغاز .
4-في حالة وجود سلعة رخيصة و ذات جودة و يمكن شراءها إبلاغ الأقارب و الأصدقاء بها ليشتروها - في مكرونة اسمها روزا مستوردة من الإمارات ذات جودة عالية و أحسن من الأنواع المصرية الموجودة في السوق و ثمنها 2.5 جنيه - :) .
5-عمل كشف مصاريف شهري يقيد به جميع المصروفات بلا إستثناء حتى و إن كانت تافهة ليساعد على التحكم في المصاريف .
بالإضافة إلى الإقتراحات اللي حضرتك ذكرتها سابقاَ ..
:):)

wlahy fekra gamda gdn ya rit n3mlha

انا بحاول اعمل كدة بقالي فترة وفكرة ممتازة انك تطرحها ونتبادل الخبرات مميزات وعيوب

اول حاجة
مش هاينفع تعمل اي توفير او تنظيم من غير ماتعرف انت اساسا بتصرف كام في الشهر.
ودة ممكن يحصل بانك تسجل كل حاجة كبيرة او صغيرة وكمان اللي ماسك الميزانية واااااااااااااااااااااااا ااااحد بس!
مش تبقي بتدي مدامتك المصاريف وسيادتك تصرف من معاك علي شاكلة هاتلي معاك او الفيزا اللي بتدفع بيها لما بتروح كارفور والجيب واحد وكدة يعني اظن كلنا فاهمييييييييين!!!!!!!!!!!!

نيجي لتاني حاجة
انت عاوز تصرف اد اية!؟
بمعني انا دخلي 100 فية اساسيات لازم تدفع
مثلا
5 نور
5 مصاريف مدرسة
5 مصاريف عربية مثلا او مواصلات
يتبقي 85 علي سبيل المثال
انا عاوز اصرف في حدود كام؟؟؟؟؟؟؟؟؟ 50 مثلا
يبقي احدد 50 كميزانية واجرب اول شهر مع الالتزام التام بالمبلغ المرصود
مرة هاتخرم
المرة التانية احسن والتالتة احسن وهكذا

ثالثا
لو فية عروض او اي بلا ازرق مالكش دعوة
\انت عاوز تجيب اية؟؟؟ جيبة وخلاص وماتبصش علي حاجة تانية ايا كانت المغريات

رابعا ودة مهم جدا
تحدد يوم او يومين بالكتير تجيب حاجات البيت مش اكتر
كل مازادت الخروجات زادت المصاريف النثرية

المهم عدم الياس لانة مافيش فايدة

فكرة رائعة
وبالمناسبة مسحوق الغسيل الخاص بكارفور كويس جدا وزى الانواع المشهورة

انا فعلا جربت منتجات كارفور وأعتقد هيا واخدة العلامة التجارية "نمرة 1" وبصراحة حاجات محترمة زي المناديل والصلصة وفرشاة الأسنان والزيت.

كمان كارفور كان عامل عرض على البامبرز الحجم الكبير ب 50 جنية بدل من 67 .... طبعا عرض تحفة ... بس كل عميل له عبوة واحدة :(

أنا هاتكلم من واقع خبرتى المحدوده فى الموضوع ده :
---------------

هاضيف بعض نقاط أو تعليقات على الكلام السابق للأخوة الأفاضل -

دلوقت لو هاتجيب الخضار و الفاكهة جمله و أقفاص هاتهدر كثير معاك يعنى الكيلو هايقف رخيص عليك لكن هاتجيب فوق حاجتك و إللى هاتشيله فى الثلاجة بعد وقت هايبوظ و يترمى

لو هاطبق فكرة مع بعض يبقى محتاج 2 - 3 بحد أقصى جيران ليك أكثر من كده أو أبعد هايبقى صعب و فى الحالة دى هاتروحوا مع بعض العبور بعربية واحده و تجيبوا على قدكم إنتم ال 3 مره فى الشهر و تجرب هاتوفر فعلا ولا إللى إتوفر راح وقت و بنزين ؟

السوبر ماركت - طلبات البيت عن تجربة الأكثر توفيرا هو المحمل أرخص من كارفور و سبينيس فى أغلب الحاجات روح الجمعه الصبح أنسب معاد - يوم بيكون فيه عروض و الناس لسه نايمة

و إحسب إستهلاكم فى الشهر من الجبن و البقاله و هاتها مره و خلاص لأن كل زياره فيها مصاريف أكثر


البطاقات الإئتمانية - خلى بطاقة واحده بس معاك و إصرف منها بالمعقول فى حدود إمكانياتك ماتنساش نفسك فيها و تفرقعها

أنا عن نفسى معايا واحده بس و بسحب منها على قد ما أقدر أسدد - مش بقسطها يعنى يجى معادها أسددها كلها مش بأجل بفوايد لأن لو أجل هادخل فى بند الربا ولو مش ربا هادخل فى بند إن طب إسحب و سدد على سنة و سحب يجيب سحب


الكهرباء و الماء و الغاز إنتى أكيد تعرف إذاى توفر فيهم

جمع مشاوير ال shopping و الطلبات يعنى جمع أيام الشراء مع بعض عشان تعرف توزن إنت صرفت كام على بعض بدل ما تلاقيى النهارده 200 و بعد بكره 100 و بعده 400 ... بيتسحبوا من غير ما تحس

ذى ما الناس قالوا إكتب كل المصاريف شهر بشهر

انا بعمل حاجة ظريفة اشتري مستلزمات البيت من اي سوبر ماركت كبير كارفور ...... عن طريق الفيز ثم سداد حساباب المشتريات علي شهرين السماح يبقي انت ضربيت عصفورين بحجر واحد التوفير والتقسيط

انا بحااااااول اوفر علي نفسي وجع الدماغ ده واهاجر بره البلد ديه وده احسن توفير فى رايي

[QUOTE=goodwave;274569]انا فعلا جربت منتجات كارفور وأعتقد هيا واخدة العلامة التجارية "نمرة 1" وبصراحة حاجات محترمة زي المناديل والصلصة وفرشاة الأسنان والزيت.



http://www.carrefour.com.eg/arabic/Number1.asp?PageNo=0 دة لينك منتجات نمرة واحد من كارفور

هوا انا بعمل حاجة بس مش عارف المحصلة بتاعتها بتوفر ولا لا
مابشتريش كل حاجة من مكان واحد
يعني من كل هايبر ماركت بشتري الحاجات اللى عليها عروض
و بكده اكون استفدت بالخصومات اللى عاملاها كل الهايبرات
بس طبعا ممكن التوفير ده ممكن يروح في البنزين و ان انا اشتري حاجات مش محتاجها

وعلى فكرة في هايبر ماركت جديد ايمه ماركاتو امام عباس العقاد (داخل العقاد مول )
اسعاره كويسة جدا و ارخص من كارفور و الخدمة فيه ممتازة

اقتباس:

---

المشاركة الأصلية كتبت بواسطة islamnabil

وعلى فكرة في هايبر ماركت جديد ايمه ماركاتو امام عباس العقاد (داخل العقاد مول )
اسعاره كويسة جدا و ارخص من كارفور و الخدمة فيه ممتازة

---

أن شاء الله انزله