ياريت كل الي معاهم بايكات او فيسب يشاركونا موضوع مهم اوي
:helloogreen:
ازيكم يا اجدع بايكرز في مصر
انا لفيت في المنتدى كتير ومنتديات تانيه برضه .. وتقريبا ملقتش ولا موضوع عن اسعار قطع غيار البايكات سوا صيني كانت او ياباني او حتى لفيسب
مع ان حاجه زي دي هتفيد ناس كتير اووي ممكن واحد بيفكر يشتري حاجه يعرف اسعار قطع غيارها هتنفع معاه ولا لا قبل ما يجيبها .. ويمكن واحد بيشتري حاجه بسعر ويلاقيها في مكان تاني بسعر ارخص
حتى مع اختلاف الاسعار وانها بتعلى وبتنزل بس معتقدش انها بتفرق كتير اوي وفيه حجات سعرها بيبقى شبه ثابت
انا جاتلي فكره حلوة ياريت لو كل واحد يكتبلنا سعر قطع الغيار الي جابها للبايك بتاعه سوا كان كاوتش او بطاريه او نوع زيت او جهاز انذار للبايك اي حاجه حتى لو قطعه تعديل عملها على البايك ...اي كان نوعها او موديلها ..يعني
هتحط نوع البايك بتاعك او الفيسبه وموديلها وتحتهم بقى تحطلنا اسم القطعه ايه ومتصنعه فين وسعرها ومنين جبتها لو فاكر ومثلا جبت كاوتشات صيني عجبتك ونوع تاني معجبكش مثلا حط الاتنين وفي الاخر قلنا انهي الي كان احسنلك في استخدامه وكده وبتنصح بايه
بس ياريت بجد نشارك وكل واحد يحاول يجمع اكتر معلمومات عن اسعار قطع غيار البايك بتاعه او الفيسبه حتى او اي كانت .. وانا في الاخر مستعد اجمع كل الاسعار واظبط الموضوع ده بطريقه تسهل على اي حد يعرف الرينج بتاع اسعار قطع الغيار واجمعهالكو في موضوع ويتثبت ونستفيد منه كلنا
ياريت بجد الاقي تفاعل في الموضوع المهم ده والي عنده زياده على فكرتي دي ياريت ميبخلش عليا .. شكرا لاحلى بايكرز في مصر ومعلش لو طولت عليكم
:bye::bye::bye: