السلام عيكم
كنت عايز اعرف هو السبع فرع زهراء المعادى بيركب وحدات رفع زجاج للصنى و لا و اذا كان بيركب إيه رايكم فيها و هى بكام؟
السلام عيكم
كنت عايز اعرف هو السبع فرع زهراء المعادى بيركب وحدات رفع زجاج للصنى و لا و اذا كان بيركب إيه رايكم فيها و هى بكام؟
بصراحة ما سألتوش عنها بس عنده باركنج سينسور ب250ج والتركيب 150ج = 400ج و4 طبات
وكفر مرايات وابنوس ابواب وكماليات تانية ممكن تسألهم بالتليفون قسم المبيعات
اغلب الحاجات دى فى مودرن وبس
أنا سالت بالتليفون قالولى معندهمش. أنا محتاج أركبهم لأنة بأنسى الزجاج مفتوح بس مش عارف بقى هو ممكن اشتريهم من بره و هما يركبوهم و لا إيه؟ الراجل اللى رد عليا فى التليفون مش عايز يقول اى تفاصيل مش عارف ليه.
أنا اتصلت ثانى و اللى رد عليا قاللى انها بتاثر على البطاريه و ضفيره الكهربا و ممكن تطلع العربيه من الضمان. بجد حاجه تزعل دى العربيه مو ٢٠١٠ مش ١٩٠٠ عشان يقولوا الكلام ده
هي علشان مش عندهم بيقولك كده بس
لكن ناس بتركبها عادي في اي مركز لنيسان وبتروح تعمل الصيانة في اي مكان لدي نيسات برده
الكماليات يبقي عليك وعلي مودرن
غير كده ممكن نستني اوتو ونشوف ايه اخر اخبار الكماليات معاهم ان شاء الله
انا ركبتهم اول ما اشتريت العربية من سنة ونصف
في مودرن وشغالين زي الفل ومعايا مايسبت انهم راكبين في التوكيل
بص حضرتك عاوز كماليات روح مودرن
اي مشكلة تاني في العربية روح السبع
انا كان عندي صوت مجهول المصدر وبيتسنع في كل العربية
الوحيد الي عرفة السبع وفكوا السقف كلة والقوائم
اتصل ب مودرن
أنا متشكر لرد حضراتكم. أنا بس عايز أتأكد أنا لو ركبتهم عند مودرن و أنا باتعامل مع السبع على طول مش هيبيقى فيها مشكله؟ يعنى مش هيقوللى حاجه على الضمان؟ و المفروض اعمل إيه يعنى اقدم له فاتوره التركيب عند مودرن و لا السبع هيقوللى ايه
مش عارف حضرتك شاغل بالك ليه بكل ده
التركيب واى عيب يظهر بعدها او بسببها عند اللى هاتركبه مهما كان يعنى مودرن
وصيانة عربيتك الدورية مكان ما بتحب ومتعود يعنى السبع
وبعدين ما تسبقش بالضرر قبل وقوعه
فيه ناس بتركب حاجة وتقعد سنين من غير عيوب ولا اضرار
وناس تانية بتحافظ على كل حاجة وبتطلعلها حاجات غريبة بدون اى سبب واضح
خلاص ان شاء الله هروح لمودرن موتورز اركبهم . شكرًا لكم يا جماعه
بالتوفيق ان شاء الله .. بس يا ريت تقول لنا كلفت كام في مودرن وفي اي فرع عملتها ؟؟وخلصت في وقت قد ايه ؟؟وهل احتجت تحجز قبلها ..؟؟ يعني تقرير سريع كدة للموضوع يفيد اللي بيفكروا يركبوا وحدة زيها .. انا مثلا بانسى الزجاج مفتوح أحيانا وخصوصا اللي وراء لما بيكون معايا الاولاد .. وشكرا...
حاضر ان شاء. أنا ناوى اركبهم فى مودرن موتورز ابو رواش و اتكلمت سألتهم قاللولى اجى فى اى يوم ما عدا الجمعه بدون حجز من 9 الى 5 و التكلفه 330 و هما نوعهم تايوانى و الوحدات يترفع زجاج زجاج
أنا روحت النهارده الصبح مودرن موتورز ابو رواش و ركبت وحدات الرفع و التكلفه الإجمالية كانت 330 جنيه و جربتهم و شغالين كويس الحمد لله. الموضوع أخذ تقريبا ساعتين و بعد كده غسلوا العربيه و سلموهالى و بالمره حطيت نيتروجين بدل الهواء للكاوتش من عند بتوع غسيل العربيات اللى عندهم و التكلفه لل 5 فرد كاوتش كانت 50 جنيه. هو بس للامانه فى فرق كبير فى المعامله بين مودرن و السبع لصالح الاخير بدون شك . و كمان المشوار كان طوييييل و الدنيا زحمممممه بس الحمد لله يوم و عدى
الله يبارك فيك. أنا عارف بس عشان الشباب اللى مسحوا العربيه هما اللى ظبطوا الكاوتش و الحلاوه و الشاى والحاجات العجيبه الى كلنا عارفينها :bounty: