انا حابب اخد رايى اصحاب الخبرات انا عندى شركه بستورد منتجات رياضيه ومنتجات طاقه وموزع رسمى ولكن حابب اخد توكيل من الشركه الام وجيت كلمتهم فرضو عليا كميه معينه ودخلت فى رقم كبير
فهل اصبر شويه وافكر برضه اخد التوكيل ولا اكبر دماغى واشوف شركه منافسه ليها ؟
مع العلم ان عمر الشركه حتى الان 6 شهور فقط وراس مالها مش كبير
????????????????????????????????
نفس القصه عندى انا زيك بس انا فاتح من 2008 و محدد توكيل محدد بجرى وراة من ساعتها و مستعد استحمل شروطه الرخمه ايا كانت لانه كويس لمجالى لو انت شايف انك تقدر تقرب من التارجت المحطوط عليك اتوكل على الله وعيش حياتك و متخفش مش هيلغو التوكيل لو انت مبعتش كل الكميه المتفق عليها هيرخمو بس شيه
اقتباس:
المشاركة الأصلية كتبت بواسطة Dr_Mido
شكرا يادكتور لا والله هما مش هيلغوا ولا حاجه ومش عاملين حصه شهريه حتى هو قالى هشوف مبيعاتك لمده سنه لو الموضوع فعلا مجدى ومبيعاتك وتسويقك حلو هديك توكيل مصر والشرق الاوسط
المشكله ان الكميه مش كبيره لكن الفلوس داخله فى ربع مليون او اكتر فديه معجزانى شويه ولما بعت ميل انى اقلل الكميه شويه مردوش عليا :majd(4): وكانهم مش عاجبهم الكلام ههههههه
فمش عارف اعمل ايه هل الموضوع تمام ولالا ؟ هو التوكيل لمنتج باور بالانس اللى عامله فى التوقيع ده وخايف فى نفس الوقت الموضوع يجى فتره وميبقاش مجدى علشان كده قولت استشير الناس هنا افضل
هو اصلا انت المفروض تعمل العكس تعمل دراسه للسوق الاول وبعد كدة تقدر تحدد اننت تقدر حصتك بكام وتراسلهم على هذا الاساس مش العكس محدش عاف السوق هنا غير الشركات اللى شغاله فيه مينفع يبقى سوق منتج فى مصر كلها 10 مليون وي\طلب منك اك تاخد تارجت 15
اقتباس:
المشاركة الأصلية كتبت بواسطة dr_mido
الله ينور عليك انا فهمته كده وان السوق انا هنا ادرى بيه والكميه ديه مش هينفع اخدها كلها دلوقتى وفى خلال شهرين بالكتير هسحب كميه اكبر هو مصمم يدينى الكميه وخلاص والتوكيل طب دلوقتى فى منتجات كيتر منافسه واسعار مختلفه كتير فى المنتج و90 فى الميه من اللى فى السوق مضروبه كمان والناس بتشتريها علشان رخيصه فديه حاجه قلقانى اكتر فكل ده مخلينى اتراجع عن الموضوع شويه رغم ان فى شركات نفس المنتج فى امريكا لكن اقل شهره فهل اخد منهم وكاله لانهم اقل شروط ولا هيبقا صعب عليا فى مصر ان اسوق حاجه اقل شهره؟
على حسب عدد الناس اللى بتبيع عندك لو عندك ناس كتير وعملاء كتير هات المنتج الاقل شهرة واشهرة انت عادى وهيبقى احسن ليك
مش عايز حد معاك فى الوضوع دهاقتباس:
المشاركة الأصلية كتبت بواسطة mshawky
اصل انا بفكر اعملو و معرفش ان حضرتك شغال فيه
هل ممكن نشتغل سوا
بالنسبة لباور بالنس
انا واحد صاحبي جايب الاسورة والسلسلة بتاعتهم امريكا ودافع فيهم رقم كبير
المه انا وصاحبي ده كنا في تايلاند من اسبوعين ، ولاقينا حاجاتهم بتتباع برخص التراب ، فقولنا اكيد مضروبة
فاشتريت منها وقعدنا نقارن بتاعة امريكا ببتاعة تايلند وتاكدنا انها مش مضروبة ، انت لو بدلتهم مش حتعرف مين بتاعة تايلاند ومين بتاعة امريكا !
فاعتقد الموضوع ما يستحقش اوروبا خالص ، والله اعلم
فعلا يا فندم وشوفت منها صينى بنفس الكوالتى والكفائه بتاعت الامريكى بالاضافه للتيلاندىاقتباس:
المشاركة الأصلية كتبت بواسطة abou_ruqi
نجيب من تايلند يعنى ؟ طب تعرف تدلنى على موقع او سكه ليهم ؟
هو ايه معنى الكلام ده ياجماعه لحسن اتصدمت : ؟
Power Balance Bracelets Lawsuit -- Forced to Pay $57 Million, Expected to Close Shop | TMZ.com
وعلى العكس برضه فى اللنكات ديه ؟ مبقتش عارف اعلم ايه ؟
Power Balance saga shows sports survival strategies to “Fight On!â€. - Los Angeles Sports business | Examiner.com
نصيحة شخصية ده مش وقت استثمار ولا مجازافات....لما الدنيا تهدا وتبانلها ملامح ابقى افتح على الرابع
وانا مش عايز ابقى متشائم بس الناس افتكرت علشان المرحلة الاولى خلصت بسلام يبقى كله تمام....لسه السكة طويييلة ومش قبل نص السنة الجاية
فخلى قرشك فى جيبك واشتغل على الاد لما نشوف اخرتها ايه
والله يااستاذ احمد عندك حق ويمكن سعر الدولا يتعدل ويهدى الدنيا محدش عارف رايحين لسه على فين وهى فعلا مجازفه كبيره بس اهو الواحد قال يفتح شغل كويس ويبقا توكيل لمنتج ماشى فى السوق حاليا تمام الله المستعاناقتباس:
المشاركة الأصلية كتبت بواسطة ahmed4000
بص يا سيدي
انت لما قولت اسم المنتج انت كده نورت الموضوع
باور بالانس من الاخر موضه اولا واخيرا بغض النظر عن فوايدها -اللي بصراحه مش مثبته معمليا- معظم الناس اللي بتشتري بتشتري علشان موضه
فممكن بعد سنه او سنتين تلاقي بح طلع منتج تاني او خلاص الناس زهقت وبقي الاقبال ضعيف
ده غير كده الفيرست كوبي مغرق الدنيا وباسعار ارخص بكتير من سعر الاصلي
حقولك حاجه اول ما نزل المنتج ده كلو -الامن رحم ربي-كان بيحور ويقول انو اصلي مع ان السعر مش منطقي يعني هي ب 30 دولار من الموقع و بدون اي مصاريف تانيه يعني حوالي 180 جنيه وتلاقي الراجل بيبعها 120 طب ازاي
دلوقتي لان معظم البايعين اكتشفو ان الناس مهتمه بالشكل قبل اي حاجه بقو بيقولو بمنتهي الصراحه انها كوبي وبيبعوها باسعار اقل من 60 جنيه والناس بتشتري علشان هو فعلا يهمو الشكل انو يبقي لابس شبه بيكهام و رونالدو والمشاهير و مفيش حد حيجي يقولو والنبي تعالي اقيسلك الهولوجرام(هي بيقولو ليها تاثير برضو بس اقل من الاصلي)
حتقولي ما انا حاخد توكيلها في الشرق الاوسط كولو يعني معايا برضو دول الخليج (اللي معندهمش مشكله نسبيا في الفلوس وبيموتو في البراندات لزوم المنظره-برضو الا من رحم ربي بردو-) دا غير ان برضو في ناس هنا بتدور علي الاصلي علشان التاثير والقيمه وكده
حقولك الاسوره صغيره وخفيفه جدا ودا بيسهل اوي انها تتجاب من بره مع اي حد لانها مش حتعملو مشكله في الوزن مثلا ويقدر يجيب كميه منها بسهوله بالغه
تاني نقطه بتاعه دول الخليج اولا انت يااما حتفتح فروع وموزعين في الدول دي وده واضح انو بعيد عن امكانياتك حاليا(انا اصلا شاكك انهم بيلبسوك-لامؤاخذه في اللفظ- الكميه دي لانهم علشان يدوك توكيل لازم فروع رئيسيه ومنافذ توزيع زلا يبقو بيهزروا بصراحه) فحنستبعد الطريقه الاولي لضعف الامكانيات الماديه
الطريقه التانيه انك حتبيع اونلاين وطبعا احنا عارفين سهوله الشراء بالنسبه لدول الخليج اونلاين معظم الشركات بتبقي فاتحه الشحن ليهم-معرفش وضع التوكيل ده بصراحه-وهم اصلا معندهمش تعقيدات في الجمارك والتخليص زينا فبالتالي سهل انو يطلب من اي موزع في اي منطقه وحتجيلو
وزي ما قولتلك في الاول الموضوع موضه و فيه رسك عالي وممكن بعد ماتشتري الكميه دي تلاقي نزل نوع تاني زي ما حصل في ال2200 و ال3000 فتضطر تنزل علشان تبيع الستوك اللي عندك
انا بعتذر عن المشاركه الطويله جدا بس انا حبيت ابين الموضوع من كل الجوانب ومستعد لاي نقاش من حضرتك -رغم طول المشاركه لسه في حاجات مقولتهاش برضو-
والقرار طبعا اولا واخيرا لحضرتك
علي فكره لو حضرتك لسه متمسك بالفكره في طريقه كويسه فكرت فيها بس مش عارف حتنفع ولا لاء
رغم ان حضرتك قولت لي حشوف وارد عليك وما ردتش عليا ..لكن انا حرد عليك .. حضرتك لما تحب تأخد توكيل لحاجة خد توكيل حاجة اساسيه مش موضة مؤقتة علي سبيل المثال وفي مجال الاكسيسوارات الرياضيه مضرب تنس ماركه مثلا ولا مضرب تنس بشكل معين ممكن يشتغل معاك فتره وبعدين يقف بس مضرب التنس العادي حيفضل شغال ارجو اكون المثل واضح وفهمتني ...
ثانيا البور بلنس موضه زي اي موضه طلعت في مصر ليها وقت ورغبة الناس عليها حتقل واصلا اغلب زبائنها من الشباب الصغير سننا اللي كل يوم عندهم موضه جديدة ...
ثالثا ... البور بلنس دلوقتي في منها تقليد كتير جداااا واسعار كتير ارخص بكتير والناس او نسبه كبيره بتشتري الارخص ..
رأي المتواضع انك تفضل ماشي زي ما انت كده تجيب كميه صغيره ولما تخلص تجيب تاني علشان تقدر لو وقفت تطلع منها بسهوله وتسيل فلوسك تاني ..وما تفرحش بالتوكيل والشرق الاوسط والكلام ده .. وهما فاهمين كده كويس علشان كده عايزين يصدروك في كميه كبيره .. السوق في مصر لما يوصل لحد التشبع حيقف تماما والكوبي بيعجل بتشبع السوق ...
هذا والله اعلى واعلم
مشاركه جميله ووافيه جدا جزاك الله كل خيراقتباس:
المشاركة الأصلية كتبت بواسطة power
اول حاجه موضوع التوكيل ده لسببين :
اولهم انى بعامل ربنا فمينفعش اجيب حاجه من الصين واقول انها اصلى زى ناس كتيييييييييير جدا
تانى سبب التميز وانهى هقدر اسيطر على سعرها برضه بنفس السعر الرسمى ليها فى السوق اللى بيتراوح بين 220-250 جنيه
بالنسبه لموضوع الكميه والتلبيس اولا هى الامكانيات بفضل الله موجود وانا بالفعل عندى شركه مش لسه هفتح مشروع وهرمى فلوسى وبقالى فيها اكتر من سنتين شغال فيها من اول الناس اللى نزلتها مصر بشكل شخصى وعلى خفيف كده فالموضوع مش جديد بالنسبالى
بالنسبه لباور بالانس بره هما مش بيلبسونى لسبب بسيط انت لو حسبتها انك هتبقا وكيل مصر فيها كام واحد مصولوش المنتج لسه ولعلمك المنتج صلاحيته فقط 6 شهور وبعد كده مش هتحس بفايده ده غير ان عندى جهاز الايون تستر وانا الوحيد فى مصر عندى الجهاز ده لانه بيتعدى 10 الاف جنيه سعره واقدر اقيسلك اى اسوره او سلسله باور بالانس او غيرها ولعلمك مفيش اساور باور بالانس خالص 2000 ايون والكلام ده اقصى اسوره اتقاست وصلت 1800 ايون واللى ياكدلك كلامى خش على اليوتويب وانت تتاكد كمان فده كله كلام تجار وغش
بالنسبه انها موضه فديه ميزه مش عيب اول حاجه لما موضه تظهر وتبقا موزع رسمى ليها حتى لو سنتنن تلاته هتاكل التورتايه وتقدر تقفل الجمرك كله عليكى هتلاقى التجار دول كلهم واخدين منك ده غير ان انت مشه تعيش حياتك كلها باور بالانس بس سمعة ان شركتك توكيل ولو لمنتج مشهور زى ده فحاجه مش قليله على الاقل فى الوقت الحالى بين الناس لو نزلت منتج جديد الصبح فانت عندك مصداقيه انك اكتر واحد بيتع اوريجنال فى مصر لا وتوكيل كمان فجايلك وهو مغمض
ده رايى المتواضع
ايه هى اعرضها عليا ونتناقش فيها ؟اقتباس:
المشاركة الأصلية كتبت بواسطة power
اقتباس:
المشاركة الأصلية كتبت بواسطة solyelissa
اشوف ايه ؟ انا مش فاهم معلش قصد حضرتك ؟ احنا كنا اتكلمنا قبل كده فى حاجه ؟
انت كلامك صح طبعا بس مفيش توكيل الا ويلبسك كميه وفيه استثمار عالى والا بقت كل شركه فى مصر توكيل لماركه معينه وكانت بقت هيصه
لان التوكيلات ليها وضع تانى فى السوق على مستوى المجالات الرياضيه او الملابس او اى حاجه تانيه
وانا بفكر فى حاجه تانيه طبعا هكون وكيل ليها باذن الله فى خلال السنه الجايه بالكتير هتكون اساسيه لان كلامك صح فى النقطه ديه واكيد انا مش هعتمد على ديه بس
بس انا المقام الاول عندى مغشش حد وربنا عالم انى مش عايز اجيب حاجه برخص التراب زى الناس واقول انها اصليه وووو وكل ده حرام وغش للناس وبيدفعو فلوس
ايوه حصل يا فندم واتكلمنا في التليفون .. وكلمتك بخصوص البور بلنس الاصليه ...الخ وقولت لي طيب حوصل الشركة واشوف الموجود ايه وكمان السعر واكلمك ..وما كلمتنيش
والحق يقال الناس اللي قولت لي عليهم كلموني وبعتوا لي كام واحدة حستلمهم النهاردة ولكن مش الاصليه وانا تعاملت معهم فقط لترشيحك لهم وشكرك في منتجهم ولكن مدام بردة اللي عندهم كوبي فيظل الافضليه للسعر الاقل وسعرهم مش قليل .. واظل انا ابحث عن الاصليه لان المطلوب مني الاصليه علشان اكون صادق مع اللي حياخدها ..
اه تمام لا يافندم هو فى مشكله بالنسبه للاصليه حاليا مع الشركه فى امريكا والشحن هيتاخر شويه ونزلت رساله كامله بس تقدر تقول هاى كوبى وتقدر تاخدها بسعر مناسب وكويس جدااقتباس:
المشاركة الأصلية كتبت بواسطة solyelissa
بحث حضرتك عن الاصليه ده حقك طبعا ولكن اخشى ان حد يقنعك بشيىء ويغشك لان المنتج ده بالاخص انا واثق مليون فى الميه وانا بكلمك ان مفيش بنى ادم فى مصر بيجيب من باور بالانس نفسهم
لاسباب كتير اهمهم مش هيستحملو السعر والكميه وكل الاعتبارات ديه فبسترخص ويريح دماغه ويكسب اكتر فلو هتدور على الاصليه ومستعجل عليها تحرى الدقه جدا علشان عميلك ميزعلش وسمعتك تقع بحاجه بسيطه