الخلاصه في تعديل كاوتشات الهوندا سيتي

السلام عليكم
ده مرجع لكل الناس اللي محتاجه تغير كاوتش العربيه وبيدورا على مقاس اكبر. يارب يكون مفيد

العربيه: هوندا سيتي موديل 2009 - 2011

السيتي بتنزل موديلين ال Basic و Highline



[gdwl]لو هتركب كاوتشات جديده على نفس الجنط
[/gdwl]
البيزك فيها طاسات ومقاسها 15 بوصه وكاوتشها 175/65/15
وده ممكن تتعدل ل 185/60/15 والفرق هيكون بالسالب بنسبة 0.9 %
او ممكن تتعدل الى 195/60/15 والفرق هيكون بالموجب بنسبة 1.1 %


الهاي لاين فيها جنوط سبور مقاسها 16 بوصه وكاوتشها 185/55/16
وده ممكن تتعدل ل 195/55/16 و الفرق هيكون بالموجب بنسبة 1.8 %



[gdwl]لو ناوي تجنط
[/gdwl]
البيزك فيها طاسات ومقاسها 15 بوصه وكاوتشها 175/65/15
وممكن تجنطها الى 17 بوصه وتجيب كاوتش 195/45/17 والفرق هيكون بالسالب بنسبة 0.2 %


الهاي لاين فيها جنوط سبور مقاسها 16 بوصه وكاوتشها 185/55/16
وممكن تجنطها الى 17 بوصه وتجيب كاوتش 195/45/17 والفرق هيكون بالسالب بنسبة 0.4 %



[gdwl]طبعا في حالة تغيير الكاوتشات عن المقاس الاصلي برجاء مراعاه النقط التاليه:
[/gdwl]
- كل لما الكاوتش عرضه هيزيد من 175 الى 185 الى 195 هتلاقي الثبات بيزيد بس استهلاك البزين بيزيد
-كل لما الرقم اللي في النص بيزيد من 45 الى 55 الى 65 هتلاقي الكاوتش بيكون ناعم في المطبات والنقر اكتر
-لما نسبة الفرق بيكون بالموجب ده افضل من السالب عشان الكاوتش هيملى مساحه اكتر من بطيخة العربيه بتاعه الكاوتش
- لا يفضل ان يزيد الفرق عن 2.5 % والا ممكن الكاوتش يحك في البطيخه


وانا في الخدمه لو في حاجه مش واضحه

.
.

شكرا ياباشا على المجهود الجميل

وان شاء الله يفيد ملاك السيتى الشكل الجديد لو عايزين يغيروا مقاس الكاوتش

شكراً لمجهوداتك يا بشمهندس ... وياريت مواضيعك تزيد علشان نجيب رجل السيتاوية .

شكرا ليكم وياريت تحطوها في المواضيع المثبته عشان تبقى مرجع للناس

ألف شكر علي المعلومات وياريت لو تقولنا ما هي الماركات التي ينصح بشرائها والتي لا ينصح بشرائها خصوصا لعدم توفر معظم المقاسات في البريدجستون

اترك الاجابه عن هذه السؤال لمن لديه معلومات وخبره اكثر فانا لم اختبر اكثر من نوع بنفسي

شكرا على المجهود الرائع