زيت ماتور الجين 2 2011

**Raul_7** · 22-10-2011 01:42 PM

المشاركة الأصلية كتبت بواسطة tamerosman

الرقم الاولانى الى فى كتالوج 2010 الى هو 20 ده الحد الادنى للحرارة يعنى لو الزيت الى بتستعمه يشتغل فى حرارة 5 كحد ادنى يبقى هيشتغل فى حرارة 20 برضه فى اشتاء ( يعنى الرقم الاولانى الى هو 20 مش مشكلة ننزل عنه و نستعمل زيت رقمه 5 ) خصوصا ان الحرارة فى مصر فى الشتاء ممكن توصل 10 او اقل

الرقم التانى 50 معناه ان الزيت ممكن يشتغل فى حرارة اقصاها 50 يعنى لو علينا هنه و استعملنا زيت يشتغل فى 60 درجة مش مشكلة

الفكرة الى انا استنتجتها ان الجين 2 الى يتنزل مصر مواصفات خليجى علشان كده حطين فى الكتالوج زيت يشتغل فى حرارة من 20 الى 50 فى حين ان درجة الحرارة فى مصر تتراوح من الشتاء للصيف من 10 الى 40 و بتالى مش لازم نحط زيت 20 الى 50 لانه هيبقى تقيل فى الشتاء لما درجة الحرارة تنزل عن العشرين و فى نفس الوقت درجة الحرارة عندنا فى عز الحر اخرها 35 او 40 و عمرها ما بتوصل 50 زى الخليج

يبقى زيت 5 /40 مثلا مناسب اكتر لجو مصر ( و ده استنتاج شخصى )

أعتقد كلامك صح فعلا و كان اتقال قبل كده في مناقشة في موضوع تاني.

**eldode** · 22-10-2011 01:47 PM

المشاركة الأصلية كتبت بواسطة raul_7

أعتقد كلامك صح فعلا و كان اتقال قبل كده في مناقشة في موضوع تاني.

يعنى نتوكل على الله و محط 5w-40
طب فيه حاجة كمان انا داخل على صيانة 5000 فهل ينفع احط كاسترول ولا استنى علشان لما اروح صيانة 10000 حينزلوه و يحطوا زيت تانى
ولا فيه نوع منه بيقعد 5000 كيلو

**Raul_7** · 22-10-2011 02:23 PM

المشاركة الأصلية كتبت بواسطة eldode

يعنى نتوكل على الله و محط 5w-40
طب فيه حاجة كمان انا داخل على صيانة 5000 فهل ينفع احط كاسترول ولا استنى علشان لما اروح صيانة 10000 حينزلوه و يحطوا زيت تانى
ولا فيه نوع منه بيقعد 5000 كيلو

ماتقلقش تقريباً كل الي حاطط كاسترول للجين هنا حاطط ايدج و كله بيشكر فيه.

بالنسبة لسؤالك هو الزيت بيقعد ل 15000 كم استعمال, و كريم منير صاحب الموقع قعده في عربيته 16200 كم و قال الزيت كا نازل لزوجته كويسة, فممكن تحطه 15000 , أنا شخصياَ مشيت بيه بتاع 12400 كم.

ممكن لو مش عايز تقعده كل ده تحط كاسترول ماجناتك ده معدني, حطه 5000 كم بعدين غير لايدج.