كلام حضرتك مظبوط وده الصح علشان حضرتك ماتشيلش غلطه غيرك وتتورط وانت صاحب الحق
عرض للطباعة
ان شاء الله هتلاقيه وربنا يوفقك ومن غير مجامله كلام طنانى والله صح لان فعلا فيه اداره اسمها الافراجات وبأعتبار ان مرور الدراسه هو المرور الرئيسى لمحافظة القاهره فممكن أوى يكون الافراج اوالمبايعه لسه هناك وف طريقها بس انت معلش اتعب شويه وربنا معاك ولم اقصد انك ترفع قضيه زى اخ فاضل فى مشاركه سابقه مبيقول ولكن قصدى انك تشرك البائع معاك وتعرفه للى بيحصل معاك لانها مسئوليته وفى رأىى اما انك تلاقى الورق وده بنسبة 99% واما تحميل المسئوليه بما فيها شراء موتور والتصرف بشكل قانونى افضل مليون مره حتى لانقع فى مشكله كبيره بسبب مشكله حلها سهل والله اعلم
اتفق مع حضرتك تماما فى ان الغرض هو حل المشكله بأسرع وأبسط الطرق وحفظ الحق وعدم الدخول فى دومات وقضايا ولكن يجب ان يحدث ذلك بدون الدخول فى مشكله اكبر وفى رأيي المتواضع ليس هناك سوى ثلاث حلول
1 - ورق الموتور نجده فى مرور الدراسه فى وجود البائع او بمساعدته معنا
2 - بشكل ودى البائع يتحمل المسئوليه ونشترى موتور أخر
3 - وهذه ترجع للزميل الفاضل صاحب الموضوع اذا اراد (له الحق فى اتخاذ اجراءات قانونيه ضد البائع )
وفى النهايه اشكرك على الاهتمام والرد وعموماً الاختلاف فى الرأى لا يفسد للود قضيه
يارب يا استاذ مجدى لان والله الموضوع ده تعبنى نفسياً ومسببلى عقده ومش عاوز اعمل اى حاجه ارجع اندم عليها او على الاقل مش هابقى مستريح نفسياً .. خلينا ماشين صح لغايه لما نشوف اخرتها هاتبقى ايه وان شاء الله تكون خير
ياباشا اليومين دول متضمنش الظروف مهو ممكن يقولك ان كده فى عربيه مسروقه وانت واخد منها ماتور يا اما يلبسك سرقه العربيه التانيه دى يا اما وربنا يستر وده الى انا خايف منو ان الماتور يكون مسروق فعلا و صاحب العربيه الاولانى اشتراه وركبو ومسئلش عن ورق
ياااااارب
انا من ساعه لما المهندس قالى ان البصمه مش مطابقه كلمت الى انا واخد منو العربيه وعرفتو كل حاجه قبل ما اتحرك من المرور وهو قالى انو هايسئل المالك الاول وهايرد عليا من على نور من اولها ومشاركو فى المشكله من اساسها
الجديد بقى انى كلمتو النهارده وقالى ان المالك الاول للعربيه بيقولو ان العربيه اصلا كانت مرور مصر الجديدة واتنقلت النزهه وهايلاقى ورق الماتور ده فى مصر الجديدة ،، وشرط على الراجل بالغصب وبعد حوارات انو رجلو على رجلى بكره فى مرور مصر الجديده والنزهه لغايه لما نلاقى ورقها لو ملقتوش هاخطفو على مرور الدراسه وده اخر حل وربنا يستر بقى لان بعد الفه دى كلها ولو ملقيتش الورق ساعاتها والله خاطف الراجل نفسو وهاطلب من اهلو ماتور فديه :00020140:
وانا متفق معاك جداً يا ابراهيم وفعلا المشكله دى ملهاش حل تانى غير كده
بس تفتكر لاقدر الله فى حاله ان ملقيناش ورق ويارب منوصل لكده هل اى اجراء قانونى هايفيدنى فى حل المشكله دى بسرعه اكيد طبعاً لاء ..
ساعتها انا هاخد اجراء غير قانونى وانى بجد هازعلو وهاعمل معاه الغلط ،، ويارب الامور متوصلش لكده
انا ناقل عربيتين من مرور عين الصيره لمرور فيصل
مفيش الكلام بتاع حضراتكم ده
و فى التجديد بتجدد سنه و سنه و فى التالته لازم تعمل فحص و ساعتها بياخد بصمه و يطابقها
و لا ده كمان مبيحصلش؟ و لا حضرتك عندك موكل بيخلص لك الشغل ده؟
فى النقل اللى بيحصل انه بعد ما بياخد البصمه و الجواب اللى انا اتكلمت عليه و يشوف الرخص و يلاقى الارقام زى بعض بيطلع لحضرتك رخصه مؤقته 3 شهور لحين ورود الملف
و بيديك جواب استعجال توديه المرور الاصلى عشان يبعتوا الملف من المرور الاصلى
حضرتك مبيتجيبش الملف من المرور القديم للجديد بنفسك و ممنوع اساسا تمسكه فى ايدك
و بيفضل يديك رخصه مؤقته مرتين تلاته لحين ورود الملف او لحد ما سيادتك تدخل لرئيس الوحده و تشتكيله يقوم مطلع لك الرخصه الدائمه
ده اللى حصل معايا فى المرتين
و اخر مره عامل فحص و تجديد للعربه اللى ناقلها من 2003 كان سنه 2010 و لحد التاريخ ده ملفها الاصلى موصلش لمرور فيصل
مهندس الفحص الفنى اختصاصه انه يعاين الجثه فقط و يبص على الرخص
اللى بيعاين الاوراق و يطابق الارقام بملف العربيه هم موظفين الشباك
فى حل تانى تشوف واحد بتاع استيراد يعملك ورق للموتور من عنده ومتهيلى ده حل ممكن ينفع وياخد مبلغ على الورق الاى ممكن يخلص بيه الموتور
ممكن تتصل بالبائع وتطلب مساعدته
لو لقيته بيتهرب منك حاول تسجله مكالمة يكون بيعترف فيها
بعدين هدده واطلب منه انه يرجع فى البيعة من اولها فى مقابل انك هتقاضيه من غير متعرفه ان انت سجلت له
ولو لاوع معاك هتضطر ساععتها تمشي رسمي وتقاضيه و بالمكالمة المسجلة هتجيب من الاخر بس هتغرم مصاريف المحامي
انما لو لقيت الراجل متعاون يبقى معلش اصبر وامشي لنت وهو فى اي اجراءات
انما انك تضرب ورق حتى لو انت مظلوم مظنش ان هو دا الحل
وعلى فكرة ممكن لما الراجل كان بيرخص الناس في المرور بتاعه غلطو فى الرقم - وعلى فكرة ناس كتير اوى كانوا بعد ميستلوا الرخصة بيراجعوا بياناتها ويلاقوا غلط فى البيانات ويدوها للموظف فى الشباك يصححها
المهم ان الواحد اتعلم انه لما يشتري عربية سواء جديدة او قديمة يطابق الرخصة مع الشاسيه والموتور كاجراء احترازي
واسف لو كنت طولت عليك
يا جماعه
هى تعب بس سهله
للأسف اللى اعرفه اتنقل فى حركة الشرطه للأمن العام
و مبقاش يعرف حد فى المرور لأنها اكبر حركة فى الداخلية
ما علينا
قاللى خللى صاحبك يمشى ورا العربية واحده واحده
يعنى انت دلوقتى فى مرور كذا
و منقوله من مرور كذا
تروح تشوف فى المرور الأقدم
لو ليها ملف فى مرور سابق و مش لاقى ورق الأفراج فى مرور العربية السابق يبقى تروح للمرور التالت
و هكذا لغاية ما توصل لصل العربية اللى ممكن يكون راحله الورق
معلشى هى تعب بس ده الأجراء الوحيد
الدراسه بقى مشكله رهيبه لو مش عارف اسم التاجر و رقمه اللى اتاخد منه الموتور