ياجماعة انا الحمد لله حجزت صني 2012 اوتو وabs
من يونايتد جروب ناس محترمين جدا
انا عايز اشكر كل الاعضاء اللي ساعدوني برايهم للاختيار السليم
انا هاستلم كمان اسبوع وكنت عايز اعرف ايه الورق اللي هاستلموا
وايه اخبار الترخيص؟
وشكرا جزيلا
عرض للطباعة
ياجماعة انا الحمد لله حجزت صني 2012 اوتو وabs
من يونايتد جروب ناس محترمين جدا
انا عايز اشكر كل الاعضاء اللي ساعدوني برايهم للاختيار السليم
انا هاستلم كمان اسبوع وكنت عايز اعرف ايه الورق اللي هاستلموا
وايه اخبار الترخيص؟
وشكرا جزيلا
أولا الف الف مبارك انضمامك لينا ومبراك علينا عضو محترم وان شاء الله تستلم علي خير
ثانيا
هما هايظبطوا الدنيا وهايخلصوا حبةوو رق في مرور الدراسة .... ولما تستلم هاديوك فايل هتقابل بيه المندوب بتاعهم اللي هايرخص معاك ... ده بالنسبة لورق العربية
بالنسبة للعربية
هتاخد كتيب الضمان والكتالوج وضمان الكاسيت والبطارية .... الكاوتش عليه ضمان بس مش فاكر ضمانه بورق ولا لأ
وادام موزع معتمد ان شاء الله متقلقش :))
مبروك ورزقك الله خيرها وكفاك شرها
مبروك عليك الصنى ومبروك علينا انت يا اخ حسام
مبروك عليك الجميله نيسان صنى
واهلاً بيك معانا فى منتدى النيسان
مبروك عليك مقدما العربية الجديدة و مبروك علينا عضو جديد بقسم نيسان
و علي فكرة انا بقدملك موضوع من موضوعات القسم المتميزة و هيساعدك كتير قبل و بعد استلام العربية ان شاء الله
ترخيص السيارة (ثلاث سنوات)
اول حاجة اشتريت ورق ترخيص ثلاث سنوات وفحص تمنة 45 ج
ثانيا مهندس الفحص فحص السيارة وجبت طفاية حوالي ب 125ج
اخدة ورق الفحص ورحت الشباك طلب مني دوسية واصور البطاقة صورتين وجبت دوسية وصور والزي منة حوالي 10 ج
دفعت تامين اجباري ثلاث سنوات ب 215 ج اما تأمين اجبار لمدة سنة واحدة يعمل 80 ج وبيخفض لما تعملهم 3 سنين
ضريبة ثلاث سنوات + دمغات لوحات 807 ج
الراجل الي بيركب النمر كان هو والشكوش الي بيدق بيه ميفرقوش عن بعض كان عايز يركب النمر ويخرم الاكصدام من غير شنيور بمفك يعني المهم اديتة 10 ج وقلتله انا هركبهم حل عني
وديت النمر لسمكري ركبهم تمام التمام واخد 10 ج
المهم الاجمالي كان 1222 الف ومائتان واثنان واثنان وعشرون والسفاحين اخدوا 30ج والسمكري 10ج والواد بتاع المعرض الي جبلي الورق اخد 25 ج ومكنش عاجبه
يعني الاجمالي كان1267
شكرا لكل الاعضاء اللي باركولي وربنا يجازيكوا خير علي مساعدتكوا
وربنا يباركلكوا في عربياتكوا