جين 2 ولا ياريس .... ارجو الافااااااااااده

**ahrashed** · 20-10-2011 06:39 PM

جين 2 اوتوماتيك ولا ياريس 1300 اوتوماتيك ............ انا بصراحه دوخت

**AutoTycoon** · 20-10-2011 07:00 PM

الجين احسن بمراحل
الياريس دي تتقارن مع النيو اكسنت و هي غالية عشان عليها علامة تويوتا بس...لكن مش شايف فيها اي ميزة غير المحرك الكويس

**ramy01011** · 20-10-2011 07:51 PM

نصيحة لوجه الله و عن تجربة ب 4 سنين هات اليارس الاوتوماتك بس هاتها رقم 1 جناح و جنوط هتفرق معاك في الثبات كتير , العربية مشاكلها تقريبا ما فيش و موفرة بطريقة غريبة في كل حاجة , كان معايا قبلها بيجو 307 الفرق كان في الثبات فقط غير كدة كانت مشاكلها كتير عكس اليارس , واحد صحبي كان شاري معايا وقتها اوبترا و بردو غير في العربية حاجات كتيير . والدي معاه كورولا 2003 الكورلا اوسع طبعا بس الباور بتاع اليارس افضل و كرسي السواقة اعلي و كمان اعلي من الكورلا في المطبات

**JapRuleZ** · 20-10-2011 08:35 PM

الجين كماليلات ... اليارس تكنولوجيا اعلى - جودة - موتور - اوفر صيانة - يبانى بمعنى الكلمة

**إبراهيم المصرى** · 20-10-2011 09:39 PM

الياريس اكيييييد اعتقد انها اعتماديه اكتر بمراحل عن الجين تو والايام هتثبت ذلك لان بالمنطق اسم تويوتا ووراه اليابان اكيد مش كلام له وزنه والسابق والتاريخ يشهد بذلك

**Dawns_Mist** · 21-10-2011 03:17 AM

قوة موتور و تسارع ... جين تو
راحة داخلية .. ياريس
ثبات و أمان .. جين تو
قطع غيار و صيانة .. ياريس
كماليات .. جين تو

مع سعر الجين تو الممتاز جدا ... أنا شايفها تتفوق
و عموما لو الأهم عندك النعومه في السواقه و قطع غيار رخيصة خليك في الياريس
لكن لو بيهمك الأداء الرياضي ..الجين تو أفضل بمراحل عن تجارب عديدة

**Dawns_Mist** · 21-10-2011 03:23 AM

بالنسبة للاعتمادية .. جين تو موجوده في السوق من 2006 ، و ياريس من 2007 .. و حتى الآن ماحدش بيشتكي من جين تو غير فقط من التوكيل بتاعها .. و الياريس كل الناس بتقول عيبها الثبات لإنها خفيفة جدا ، و مابتسحبش أبدا أبدا أبدا ( عن تجربة شخصية ) سحبها فعلا ضعيف ... لكنها موفره في البنزين جدا و اقتصادية في قطع الغيار و سهله في الصيانه فعلا ...
بس كل حاجة ليها ثمن .. هتدفع 90 ألف زيرو .. و تاخد أداء رياضي جداااااا و ثبات ممتاز جداااااااا .. هتتعب شوية مع التوكيل ...وهي د ي الضريبة ..

**JapRuleZ** · 21-10-2011 04:46 AM

المشاركة الأصلية كتبت بواسطة Dawns_Mist

و الياريس كل الناس بتقول عيبها الثبات لإنها خفيفة جدا ، و مابتسحبش أبدا أبدا أبدا ( عن تجربة شخصية ) سحبها فعلا ضعيف ...

محدش قال عن اليارس ابدا ان سحبها ضعيف .... بس كويس انك قولت عن تجربة شخصية و الا كنت زعلت
اليارس مشكلتها ان سحبها العالى مخلى الناس تفتكر انها خفيفة ... ليه ؟
لأنها اصلا عربية 1300 بتوصل ل 200 km توب سبيد
فى عربيات 1600 اخرها 180
بتوصل160 بسهولة و عربية عالية على الارض وكاوتش رفيع و طيارة
اتحداك اى عربية 1500 تطلع منها ماعدا ال city
, ولا المانى ال 1600 ماعدا ال 116i و ال TSI
لأ اى فرنساوى 1600 نهائى الا 206 cc
و الباقى كله تقريبا 1600 ميجبش معاها غير ال cerato و الelantra
, و اسأل لو مش مصدق و اقرا فى المنتدى

ال يارس دى لو اتجهزت نفس تجهيزات العربيات ال 1600 هتبقى زيها و احسن

**ahmad--ezzat** · 21-10-2011 04:51 AM

تويوتا افضل وانعم مع الوقت والزمن والاستخدام

**ramy01011** · 21-10-2011 11:02 AM

الياريس كل الناس بتقول عيبها الثبات لإنها خفيفة جدا ، و مابتسحبش أبدا أبدا أبدا ( عن تجربة شخصية ) سحبها فعلا ضعيف ...

مع كل احترامي لكلام حضرتك اخر حاجة ممكن تتوصف بيها اليارس 1300 ان سحبها ضعيف
لمدة اربع سنين ماشي بيها علي طريق السرعة فيه لحد 160 و بعدين بقت 140 و فيه طبعا اماكن ما فيهاش ردارات و بشد مع عربيات كتيير منها الانسر 1600 بتاعت زميلي في العمل و كمان الاوبترا بتاعت وميل ليا تاني و اليارس بتطلع منهم بمنتهي السهولة رغم ان العربيتتين 1600 و هي 1300