الحقووووووووووووووووووووو وووونى

**hoss_salah** · 20-10-2011 11:02 PM

انا عايز اشترى عربيه ومعايا 35 الف جنيه وهتجنن كل يوم استقر على ماركه معينه وتانى يوم اغير رايى عشان الاقى واحد يطلع ويقولى انها فيها عيب

تاانا بفكر فى كيا سيفيا - بيجو 405 - دوجان - هيونداى اكسل - هيونداى اكسنت - هيونداى اكسنت

ياريت اللى يقدر يفيدنى ويقولى ايه المميزات والعيوب بتاع العربيات دى عشان اقدر احدد واختار اللى اشتريها بقا انا تعبت اووووووووى

**M.Alaa92** · 20-10-2011 11:24 PM

لو عاوز عربية شغل بس و سواقة تقيلة يبقى الدوجان
لو عاوز عربية فيها كماليات و سهلة ف السواقة يبقى الاكسيل او اكسنت بس الصاج ضعيف و ثبات ضعيف شوية
قطع الغيار متوفرة للاتنين ف كل مكاان

**Medo.Malek** · 20-10-2011 11:31 PM

هاقولك نصيحة ؟
مفيش عربية كاملة و مفيش عربية مفيهاش عيوب
حدد متطلباتك من العربية اية ( عائلية ولا شبابية - شغل و بهدلة ولامشاوير خفيفة واسعة من جوة - قطع غيارها موجودة جنبك ولا لا ... ) و بعد ما تحدد متطلباتك انزل بنفسك السوق و اركب كل عربية من دول و شوف بنفسك متطلباتك موجودة فيها ولا لا و لازم تبقى عامل حسابك ان اى عربية هايبقى فيها عيوب ..
بالتوفيق

**ahmedzizo131** · 21-10-2011 07:22 AM

بسم الله الرحمن الرحيم
نصيحة لوجه الله منى
فى راي " دايو لانوس 1 "موديل 1998 / 1999 / 2000
سهلة البيع / قطاع غيار متوفرة / اى حد بيفهم فيها / ..... الخ "

**blazer** · 21-10-2011 03:27 PM

اعتقد التمبرا عربيه كويسه
انا مجربتهاش بس كلام الناس عنها فى المنتدى كويس

**ZALABANY** · 21-10-2011 03:30 PM

لو بتفكر في الدوجان يبقى التمبرا اكبر وانعم واكثر كماليت واكثر ثباتا على الطريق

**hoss_salah** · 21-10-2011 09:49 PM

متشكر اوىى للناس اللى ردت
انا يا جماعه عايز عربيه تستحمل السفر واللف وكده - موفره فى استهلاك البنزين _ سحبها كويس - قطع غيار وصيانه سهله ياريت اللى يقدر يفيدنى يقولى اى عربيه ممكن اجيبها بالفلوس اللى معايا

**engineer05** · 23-10-2011 09:32 AM

ممكن الـ بولو موديل 1995 - 2000 تبقى كويسة ...
وممكن البرايد السايبا موديلا 2005-2008 بس ماتكونش عاملة كم كتير ... بس حتحتاج تجنطها لو عايز ثبات عالسرعات العالية

والأخوة في المنتدي يفيدوك إن شاء الله أحسن مني

**aboomar22** · 23-10-2011 10:23 AM

بص يا باشا اهم من نوع العربية حالة العربية يعنى مثلا حط اختياراتك بين 3 - 4 انواع ودور على الحالة الاحسن يعنى مثلا اكسيل حالة ممتازة احسن من اكسنت حالتها جيدة او مثلا تمبرا بالتكيف والباور وكماليات وحالة ممتازة احسن من اكسيل حالتها متوسطة طبعا زى ماقال استاذنا اللانوس رائعة بس اظن الحالة الكويسة قوى اعلى من 35 شوية وربنا يوفقك فى اختيارك

**SYD** · 23-10-2011 11:39 AM

دور في البولو والأبيزا

قطع غيار معمرة ومتوفرة
استهلاك ضعيف جدا في البنزين (1000 - 1300 سي سي)
سهلة في اعادة البيع
تستحمل سفر ولف طول النهار

والله المستعان
،
،