الموضوع: معني كلمه الاوكتان (الفرق بين ال80 وال90)

انا حشرح لكم الفرق بين 92 و 90 و 80 شرح علمي عشان تعرفوا ان كلمة انقى وانظف دي كلمة غلط
بصوا ياجماعه البنزين فيه مركبيبين واحد ثماني جزيئات الكربون والثاني سباعي الثماني اغلى وميزته انه بيستحمل ضغط عالي من غير مايتحرق لوحده يعني لما السيليندر بيضغط مزيج البنزين والهواء المركب ثماني الكربونات بيستحمل ومابيولعش الا لما البوجيه يولعه فده يخلي العربيه مظبوطة اما المركب ذي السبع جزيئات على حسب الضغط يعني لو المواتير عفيه وبتضغط جامد مش حيتسحمل ولما السيليندر يطلع عشان يضغط مزيج البنزين والهواء المركب يولع قبل ما البوجيه يولعه فده يخلي الانفجار قبل معاده فالسيليندر يرجع والعربيه ساعتها تحس انها ملغبطه عشان كده لما تحول ل80 لازم تظبط الكهربا عند كهربائي بيفهم فدلوقتي هما عملوا البنزين مزيج من الاتنين (ودي نسبة الاوكتان الثماني الهيبتان السباعي 90و80و92و95 ) عشان يخلو سعره معقول والضغط اللي يتحملوا هو ضغط معظم مواتير العربيات لاحظ ان مافيش في الخليج بنزين 80 لان المواتير معظمها عفيه وضغطها عالي مش غني ولا يحزنون دي حاجات محسوبه يا جدعان سوق وماركت بتتدرس ولو تفتكروا زمان كان البنزين فيه رصاص وكلنا كنا فرحانين باليافطه اللي البنزينه بتحطها بنزينا خالي من الرصاص انتوا عارفين كانوا بيحطوه ليه عشان الرصاص كان بيزود قدرة خليط المركبين ان يتحمل ضغط اعلى دون ان ينفجر قبل الميعاد ولعملكم حتى وقتنا هذا الرصاص لسه بينضاف للوقود المستخدم في محركات الطائرات عشان مافبش مركب لوحده يقدر يستحمل الضغط داخل محرك الطائرة دون ان يحترق
فالموضوع ببساطة ممكن تدور في كتالوج عربيتك او تخش تدور على النت على ضغط الماتور بتاعك Compression ratio
وممكن تلاقي انك حطيت 90 او 92 او 95 زي بعضه لو ان ضغط عربيتك اقل من الضغط اللي بيتحرق عنده البنزين ال90
ساعتها انت اولى بالبريزه لان مالهاش لازمه لا انظف ولا حاجةوحتلاقي عربيات زي البورش ماينفعش تشتغل ب90 الماتور يلغبط عشان الضغط بتاع الماتور عالي جدا
هو فيه حل ممكن الشركات تعمله انها ترجع تحط رصاص تاني للبنزين ساعتها ممكن تحط 80 عادي لانه حيستحمل معاك المشكلة ان الرصاص بيبوظ الماتور على المدى البعيد بس بقولكم ايه من الاخر الماتور حيبوظ كده كده من الحرق اللي احنا بنحرقه قبل ما يبوظ من شوية رصاص واكيد انتوا فاهمين حد حيقول استنى والبيئة حتبوظ حقول البيئة كده كده بايظة والجيل الجاي حيعيش بكمامات
ارجو بس من الشباب المساعده وكل واحد يفتح كاتلوج عربيته ويحط ضغط ماتوره الاحتراق التلقائي للبنزين 80 و92 و90و95


يمكن توصيف رقم الأوكتان بأنه قدرة أو مقاومة الوقود للطرق أو الخبط في محركات الاحتراق الداخلي التي تعمل بالشرارة، حيث يتم تحديده في المختبر بالمقارنة بينه وبين أنواع معروفة من المواد الهيدروكربونية خليط الأيزواوكتان والهبتان، ورقم الأوكتان هو الخاصية المهمة التي تحدد نوعية البنزين الذي تستخدمه السيارات المستعملة حالياً في جميع بلدان العالم، ويتم التعامل في تسويق بنزين السيارات في أغلب الأسواق العالمية طبقاً لرقم الأوكتان، والذي يمكنه أن يصنف البنزين إلى نوعين هما البنزين الممتاز، ويمثله رقم أوكتان بطريقة البحث Ron لا يقل عن 91 والبنزين الممتاز premium ويمثله رقم أوكتان والذي لا يقل عن 95، وبسبب الملوثات المنبعثة من عوادم السيارات في الماضي، خاصة مركبات الرصاص وما ينتج عنها من أضرار على الإنسان والبيئة، فقد تم إيجاد بديل لمركبات الرصاص يضاف إلى الوقود مؤدياً نفس الأغراض المرجوة من الرصاص رفع رقم الأوكتان، ولكنه لا يؤثر سلباً على الإنسان والبيئة، هذه المادة البديلة هي ميثيل ثلاثي بيوتيل الإيثر mtbe، وهو ضغط بخاري عالٍ ويذوب في الماء بدرجة كبيرة نسبياً، ويحضر في محطات تكرير البترول بتفاعل خام الأيزوبيوتيلين مع الميثانيول، وذائبيته في الماء أعلى من ذائبيته في البنزين النقي 50.000 ملغم/ لنزلا mtbe مقارنة مع 1.780 ملغم/لتر للبنزين النقي، وقد يصل رقم الأوكتان فيه إلى 116 وتضاف عادة مادة Mtbe للبنزين الخالي من الرصاص بغرض رفع رقم الأوكتان وزيادة محتوى الأوكسجين فيه، فالبنزين الذي تخلط فيه هذه المادة يسمى البنزين المؤكسد oxygenated وهو الذي يساعد على ضبط اشتعال البنزين في المحركات مما يـــــؤدي إلى خفــض انبعاث غاز أول أكسيد الكربون والهيدروكربونات، الأمر الذي يقلل من مخاطر تلوث البيئة من الغازات المنبعثة من عوادم السيارات وغيرها.

هذا الموضوع أفادنى وأرجو أن تعم الفائدة

تم تغيير لون المداخلة, اللون الاحمر خاص بالادارة... برجاء مراجعة قوانين المنتدى

مشرف القسم

مشكووووووووووور
بجد معلومة مفيدة جداً بالنسبالي , صحيح في بعد المصطلحات مفهمتهاش بس في النهاية إستفدت جداً