المشاركة الأصلية كتبت بواسطة ayman20100
الحمد لله
العربية خلاص جابت اخرها معايا
ومحتاج موتور جديد رجاء الافادة والمساعدة ؟؟؟؟
انا طبعا زي ما كنت قولت قبل كده غيرت كل حاجة في العربية كل حاجة تقريباً وللاسف كله زفت واخر حاجة عملت نص عمرة واكتشفت ان الميكانيكي ضحك عليا
انا امبارح كنت خارج بالعربية ورايح مشوار في صلاح سالم والعربية سخنت مرة واحدة وبسرعة قفلت العربية ونزلت ولقيت العربية جايبه وش سليندر والزيت بقى ميه مش طحينة بطلع المقاس بتاع الزيت لقيته بينقط ميه
الحمد لله على كل شي ووقفت على صلاح سالم عند دار مناسبات الشرطة وبدأت رحلة البحث عن حل وبعد اربع ساعات تقريباً وصلت لان حد جابلى عربية نقل وقطرت العربية بتاعتي وخلال رحلة القطر ديه برضه باقي العربية باظ ياعني الجنش الحديد الى في العربية اتقطم والصاج الى تحت اتقطم ووقع والاكصدام اتبهدل واتخلع والعربية بقت خردة والحمد لله والراجل الاستغلالي اخد 200 جنيه في مشوار عبيط الحمد لله قدر ولطف
بس الكارثة اني روحت لميكانيكي جديد وفك قدامي وش السلندر ولقيت بلاوي اولا: الوش مش مظبوط وعاوز يتقشط مع ان البيه الميكانيكي الى عملتها عنده قالى انه وداها لخراط وطبعا ما حصلش البوجيهات راكبهة على كرسي يبقى برضه بتعرق زيت امال انا عملت الشنبر والحاجات ديه ليه وثالثاُ البيه مركب جوانين دبل عشان الوش بايظ والكبيرة بقى ان البيه قاطم مسمار في الماتور وعامله بمادة لحام وطبعاً ده ما يعالجش المشكلة واكتشفت ان الماتور برضه فيه لحام من تحت ياعنى الماتور بايظ خالص وللاسف انا اتكلفت فيه الايام الي فاتت اكتر من الفين جنيه بس الحمد لله على كل حال وهضطر اجيب ماتور استيراد بعد كل الفلوس الى اتصرفت انا لو قعدت احكي على الي بيحصلي مع العربية هقعد ايام طويلة احكي وانا زهقت بجد وبضايق لما افتكر الي حصلي والبهدلة الى شوفتها امبارح والشهر الى فات كلها ربنا يرحمنا برحمته يارب