الموضوع: محتار من اللي بيحصل في سوريا

انا كنت سعيد جدا بالثورة في تونس
واسعد طبعا بالثورة في مصر
ومبسوط باللي حصل في ليبيا
وفرحاااااااان باليمن

لكن سوريا
مش عارف
بجد مش عارف
. . .
النظام السوري هو النظام العربي الوحيد الواقف شوكة في حلق اسرائيل
هو الكيان الوحيد اللي بيدعم المقاومة اللبنانية سرا وعلنا
اه بشار قفز علي الحكم
وكانت فضيحة انهم يعدلوا الدستور عشان البيه يركب
مقدرش يعملها حسني مبارك بكل جبروته وهو لسه عايش
عملوها هم بعد حافظ ابوه ما مات
انا انتهاكات حقوق الانسان هناك علي ودنه
وامن الدولة شبيه اوي باخوه المرحوم اللي كان عندنا في مصر
وكانهم راضعين علي بعض
اه هو سفك دم كتير من ساعة ما بدأت الثورة
لكن لما يبقي البديل الناس اللي بتتاجر بسوريا وبشعبها دلوقتي
وبتروح تعمل اجتماعات ومشاورات وتحضر ندوات وتاخد معونات اجنبية
وتدعو لتدخل دولي في سوريا
لما يخرج علينا معارضين سوريين وكتاب ومفكرين محترمين يقولوا ان المتحدثين باسم المعارضة السورية دول خونة
وان بشار برغم كل اللي عمله انظف منهم
طب ايه الحال لو سقط بشار وركب هؤلاء مكانه ؟؟؟؟؟؟

مش عارف .. اول مرة الاقي نفسي متلخبط بالشكل ده ومش قادر احكم علي موقف

عين في الجنة وعين في النار زي ما بيقولو
نفسي يقعد لاني مش شايف في البديل ليه اي خير وفي نفس الوقت شايف في دعمه للمقاومة ومعاداته لاسرائيل حاجة كده وان كان ملهاش تأثير ملموس
لكن كفاية انها ترفع من الروح المعنوية للانسان العربي المقهور

لكن اللي عمله في شعبه وبحر الدم اللي سفكه عشان يقعد علي الكرسي
الاعراض اللي انتهكت والدماء اللي ملأت الشوارع
تخليني اقول يغووووووووووووور ويتعدم في ميدان عام
ويبقي ربنا يستر في اللي هييجي بعده

مش عارف

اخوي اولا بالنسبة ان الاسد ونظامه هم شوكة في حلق اسرائيل وداعم للمقاومة اللبنانية والفلسطينية
فده كله كلام فاااااارغ ودحك على الناااس ... انا بدل ما اقف مع المقاومة في اي بلد اقوم انا احرر ارضي المحتلة (الجولان)
الاسد هو احسن دفاع للحدود الاسرائيلية ولاكم المقاومة كله تمثيل في تمثيل
الاسد الكلب عنده استعداد يقتل نص الشعب عشان يفضل على الكرسي هوا ونظامه الاوسخ 1000 مرة من النظام المصري
ابوه عمل مذبحة 82 في حماة وحلب وقتل عشرااات الاااف ودمر حماة بكل معنى الكلمة ,,, ومن وقتها والشعب عايش في خوووف ورعب لا يوصف ,, يخاف يتكلم عن اي شيء سياسي او اي شيء له علاقة بحافظ الكلب الملعون
وكان انك -استغفر الله - تكفر وتشتم المولى عزوجل اسهل واهون من التكلم على الاسد
فالشعب وصل لمرحلة مع الثورات العربية ان هوا لازم يتكلم وياخد حقوقه الطبيعية لاي مواطن
والثورة وصلت لكل سوريا ما عدا حلب ودمشق .. اهم مدينيتين في سوريا لنجاح الثورة
والسبب يرجع ان كل مواطن في دمشق وحلب قصاده شبيح واقفله في الشارع وتحت البيت وحتى جوا البيت
والنظام الكاذب كل شوية يقولك دولا مجموعات مسلحة وشوية يقولك سلفيين ومش عارف ايه
فلو الكلام ده صحيييح يبقى كده الجيش السوي خسر خسارة كبييرة وفادحة عشان لو شوية مجموعات مسلحة مش عارفين نقضي عليها ازااي لو دخلت اسرائيل على سوريا
والمشكلة الكبرى في سوريا ,, ان كل سني يرفض دخول ابنه الى الجيش العلوي ما عدا القلائل
فتجد معظم الجيش علوي والسني دفع فلووس وطلع ابنه من الخدمة
الوضع في سوريا الان صعب في كل المجالات ,, ليا اقارب في حلب ودمشق وحمص
اللي في حلب ودمشق مش قادرين يتكلموا وخايفين يعملوا اي حاجة والدنيا غليت اوي الحاجة اللي كانت بجنيه بقت ب 3 جنييه
حتى هما لما جم على مصر في رمضان ,, عيالهم الصغيرة كلها قاعدة بتهتف كل شوية الشعب يريد اسقاط النظام
طبعا لو كلمة دي قالوها في سوريا العيلة كلها حتتاخد وتشوووف اياااام ما يعلم بيها الا ربنا
ودمشق و حلب في مظاهرات في ارياف المدينة
اما حمص فهي من المدن اللي شافت انتشار الجيش والشبيحة كدرعا وحماة وعدة مدن
بالنسبة للمجلس الوطني السوري انا عاوز اعرف من حضرتك مين اللي قال عنهم خونة
اظن على قناة السورية او قناة الدنيا اللي عايشين في عالم اخر وبيحاولوا باي طريقة يعرفوا الناس ان ما فيش حاجة والوضع كله تمااام
هوا الوضع في سورية ملخبط شوية ومافيش اعلام يساعد الثورة زي مصر وليبيا وتونس
بس بإذن الله النصر قااادم والحرية قرربت
وربنا يلعن رووح حافظ ويلعن الحمار بشااار
(دعاائكم يا رجالة لاخوانا في سورية واليمن)