مشكلة غريبة فى بداية تشغيل الكمبيوتر

**grand hand** · 22-10-2011 11:31 PM

اشتريت حجر جديد بنفس قيمة ومواصفات الحجر القديم والمشكلة زى ماهى، عملت system restore لعشر ايام فاتوا والمشكلة متحلتش ورجعت عملت undo my last restoration، عايز اعرف لو نزلت نسخة وندوز جديدة فى امل 1% ان المشكلة تتحل ولا مفيش لانى بصراحة خايف العب فى اعدادات البيوس تحصل كارثة زائد انى مش بثق فى بتوع الصيانة اللى حواليا عن تجارب سابقة؟؟ وشكرا لكل اخ فاضل حاول يفيدنى.

**Dr_Mido** · 22-10-2011 11:45 PM

لا ملوش علاقه بنظام التشغيل للاسف

**SHNORY** · 22-10-2011 11:55 PM

ملهوش علاقه بالويندوز يا باشا
كده لازم تفلش بايوس جديد فبدل المخاطره لو كنت اول مره تعمله
استحمل العيب وخلاص

**adel1212** · 23-10-2011 12:44 AM

ا/ محمد تحياتى
1- لما شيلت البطارية ورجعتها لازم تعمل اعدادات البيوس من جديد(ضرورى جدا)
2- غير وصلات الساتا 90% المشكلة منها
3- عمل صيانة للجهاز وبالذات مروحة البرسيسور / تنظيف الرامات/ مراجعة وصلات الباور في الكيسة
اتمنى تتحل معاك المشكلة
تحياتى

**brown-eyes** · 23-10-2011 01:13 AM

المشاركة الأصلية كتبت بواسطة mohamadfawzy

الجهاز دسك توب شغال تمام انهاردة بشغله لقيت المروحة بتاعة البروسيسور شغالة بسرعة عالية وصوتها عالى جدا (العادى ان صوت المروحة بيبقى عالى فى اول 5 ثوانى بعد التشغيل وبعد كدة بيختفى تماما) والجهاز مش عايز يفتح، حاولت كتير مفيش فايدة، قمت فكيت حجر البوردة اللى شبه حجر ساعة اليد ومسحته وركبته تانى الجهاز اشتغل وبدات المشكلة الرخمة، الجهاز مش بيشتغل على طول كالعادة لا بتظهر شاشة سودا فيها شوية كلام وفى الاخر الجملة دى

ERROR
Patch for installed CPU not loaded. Please run the BIOS flash update diskette.
Press <F1> to resume, <F2> to setup.

بدوس اف واحد بعد كدة الجهاز بيشتغل عادى
وبرضه اصبح عند توصيل مشترك الكهربا قبل تشغيل الكيسة الاقى الكيسة اشتغلت لوحدها لمدة ثانيتين وفصلت تانى لوحدها، انا خايف الهارد يبوظ ولا حاجة

المطلوب
1- عايز حل لمشكلة ان الكيسة بتشتغل ثانيتين وتفصل لوحدها فى بداية توصيل الكهربا
2- عايز الجهاز يبوووت على طول زى الاول بدون الضغط على زر F1

وان شاء الله الاقى حل عند خبراء المنتدى

كده لازم تعمل رفلاش للبيوز ويستحسن تنزل اخر اصدار وده هتجيبه من موقع الشركة بتاعة الجهاز لو هو مش تجميع ولو تجميع هيبقي من موقع الماذر بورد

المشاركة الأصلية كتبت بواسطة mohamadfawzy

نقطة تانية الكهربا لما كانت بتقطع والجهاز شغال وترجع تانى الجهاز مكنش بيشتغل غير لما اشغله من زر الباور وكنت مبسوط جدا من الخاصية دى من شوية النور قطع ورجع لقيت الجهاز اشتغل لوحده من تانى، فى طريقة ارجع بيها للنظام الاول؟؟؟؟؟؟؟؟

ده اوبشن في الاعدادات بتاعة الماذر بورد ممكن تقفله من
setup < power option < restore in power lose < off

**grand hand** · 23-10-2011 11:51 AM

المشاركة الأصلية كتبت بواسطة adel1212

ا/ محمد تحياتى
1- لما شيلت البطارية ورجعتها لازم تعمل اعدادات البيوس من جديد(ضرورى جدا)
2- غير وصلات الساتا 90% المشكلة منها
3- عمل صيانة للجهاز وبالذات مروحة البرسيسور / تنظيف الرامات/ مراجعة وصلات الباور في الكيسة
اتمنى تتحل معاك المشكلة
تحياتى

شكرا جزيلا استاذ عادل على النصيحة قريب جدا هفتح الكيسة واعمل صيانة شاملة للجهاز وتغيير وصلات الساتا وتزييت المراوح وكل شئ، لكن هل فى طريقة معينة اعمل بيها اعدادات البيوس من جديد ولا استرجع الاعدادات الافتراضية فى كل شئ؟

**grand hand** · 23-10-2011 11:55 AM

المشاركة الأصلية كتبت بواسطة brown-eyes

ده اوبشن في الاعدادات بتاعة الماذر بورد ممكن تقفله من
setup < power option < restore in power lose < off

مش عارف اشكر حضرتك ازاى، دخلت عالبيوس ومن power دخلت على
Power failure recovery
واخترت disabled
والحمد لله رجع زى الاول وبطل يشتغل ويفصل تانى لوحده
اشكرك كثيرا سيدى الفاضل

**adel1212** · 23-10-2011 02:02 PM

المشاركة الأصلية كتبت بواسطة mohamadfawzy

شكرا جزيلا استاذ عادل على النصيحة قريب جدا هفتح الكيسة واعمل صيانة شاملة للجهاز وتغيير وصلات الساتا وتزييت المراوح وكل شئ، لكن هل فى طريقة معينة اعمل بيها اعدادات البيوس من جديد ولا استرجع الاعدادات الافتراضية فى كل شئ؟

فى البداية الحمد الله ان المشاكل بدأت فى الحل
بالنسبة للاعدادت
1-استرجع الاعدادات الافتراضية
2-اضبط الفرست بوت على السدى دى وبعدين الهارد ديسك واغلق الفلوبى تماما
3-راجع اعدادات الباور اللى انت ضبطها
واخيرا الصيانة فى اقرب فرصة
تحياتى

**grand hand** · 23-10-2011 02:23 PM

المشاركة الأصلية كتبت بواسطة adel1212

فى البداية الحمد الله ان المشاكل بدأت فى الحل
بالنسبة للاعدادت
1-استرجع الاعدادات الافتراضية
2-اضبط الفرست بوت على السدى دى وبعدين الهارد ديسك واغلق الفلوبى تماما
3-راجع اعدادات الباور اللى انت ضبطها
واخيرا الصيانة فى اقرب فرصة
تحياتى

تحياتى العطرة لحضرتك والف شكر على تعبك معايا استاذ عادل