استشارة فى الفتيس الأوتو ( بومة )

عرض للطباعة

21-10-2011, 05:03 PM
ahmedfra

استشارة فى الفتيس الأوتو ( بومة )

السلام عليكم
الأخوة الأعزاء ارجو المساعدة و سرعة الرد .
من كام يوم اشتريت عربية لانسر بومة 2007 اوتوماتيك . و كنت كشفت عليها فى البنزينة . و رفعوها و كشفوا عليها و قالوا كويسة و توكلت على الله .
النهاردة قلت افتح الكبوت و ابدأ اتعرف على حوض العربية . و المفاجأة ؟؟؟؟؟؟
لقيت الفتيس به سليكون لونه برتقالى كالح !!!!!!!!!!!!!!!!!!!
يا نهار اسود كده فى شغل فى الفتيس .
المهم رحت لميكانيكى و حكيت له . بص و قالى دا عادى هى كده دا سليكون الفبريكة !!!!!!!
هل دا صحيح ؟؟؟؟ احسن انا منكد و عندى مغص
ارجو سرعة الرد
21-10-2011, 07:40 PM
أبو إياد

فعلا ممكن يكون بتاع الفابريقه وخصوصا لو 1600 لانه ماينفعش يتصلح انا عندى واحد فتحته وفضيته كله لقيت انه ماينفعش فعلا يتصلح فيه حاجه انما لو 1300 ممكن يتعمل فيه شغل
21-10-2011, 08:17 PM
ahmedfra

طمنتنى انا كنت مرعوب مش مقتنع بأن عربية بتنزل من المصنع باين فيها سليكون .
طيب عندى بقة شوية استفسارات : -
1- امبير الـ rpm فى حالة المور أو الوقوف فى الزحمة و الفتيس على الـ d بيكون على كام ؟
عشان عندى يكون على واحد كمتوسط و بعدين لو طولت فى الزحمة بيقل لغاية 700 تقريبا و بحس بترتيل فى بالعربية .
2- لما انقل من p الى d يكون بسرعة و لا امشى باليد براحة و اعدى على r و بعدين n و بعدين d .
3 - لما انقل الى p بعض الأحيان احس بخبطة خفيفة ؟
21-10-2011, 09:06 PM
أبو إياد

ياريت تقولى عداد العربيه كام وحاله العربيه عموما
بالنسبه للتعامل مع الفتيس الاوتوماتيك عادى مافيش مشكله بس الافضل انك تتعامل معاه بعنايه شويه يعنى بلاش تجيبه مره واحده من الاول للاخر واحده واحده اكيد هايكون افضل اما عن الخبط اللى فى ال p يفضل التقليل من استخدام p وعند الاستخدام يجب ان يكون العجل متوقف تماما وتكون العربيه على الn وفى وضع ثبات لما تيجى تجيب ال p هتلاقيه سلس جدا معاك ومافيش اى صوت
21-10-2011, 11:53 PM
MR . Gold

اقتباس:

المشاركة الأصلية كتبت بواسطة أبو إياد

ياريت تقولى عداد العربيه كام وحاله العربيه عموما
بالنسبه للتعامل مع الفتيس الاوتوماتيك عادى مافيش مشكله بس الافضل انك تتعامل معاه بعنايه شويه يعنى بلاش تجيبه مره واحده من الاول للاخر واحده واحده اكيد هايكون افضل اما عن الخبط اللى فى ال p يفضل التقليل من استخدام p وعند الاستخدام يجب ان يكون العجل متوقف تماما وتكون العربيه على الn وفى وضع ثبات لما تيجى تجيب ال p هتلاقيه سلس جدا معاك ومافيش اى صوت

السلام عليكم اخي ابو اياد انا معايا بوما 1600 اوتو نادرا لما اقف علي ( p ) دايما لما بقف او اركن في اي مكان بستعمل ( n ) وبرفع الهاند ومرتاح جدا لكدة في اي مشكلة مستقبليا اني بعمل كدة ولا عادي وافضل للفتيس .. وشكرا لحضرتك
22-10-2011, 12:06 AM
أبو إياد

اقتباس:

المشاركة الأصلية كتبت بواسطة LANCAR

السلام عليكم اخي ابو اياد انا معايا بوما 1600 اوتو نادرا لما اقف علي ( p ) دايما لما بقف او اركن في اي مكان بستعمل ( n ) وبرفع الهاند ومرتاح جدا لكدة في اي مشكلة مستقبليا اني بعمل كدة ولا عادي وافضل للفتيس .. وشكرا لحضرتك

:x1[1]: هو ده الصح
بالنسبه للزيت انا راءى الشخصى زيت فتيس موبيل
22-10-2011, 11:57 AM
ahmedfra

بالنسبة للعداد عامل 88000 كم
و ان شاء الله حعمل للعربية السرفيس بتاعها فى اقرب وقت ( شراء عربية مستعملة )
لكن طمنى على موضوع الـ rpm الى قلت لك علية فى المشاركة السابقة .
و ملحوظة كمان مع كل حركة للفتيس من p الى r الى n الى d بحس بتغير فى الـ rpm على خفيف
و ساعات اسمع صوت مع كل حركة و ساعات لأ .
اسف على الإطالة و يارب تطمنى
22-10-2011, 07:55 PM
MR . Gold

اقتباس:

المشاركة الأصلية كتبت بواسطة ahmedfra

بالنسبة للعداد عامل 88000 كم
و ان شاء الله حعمل للعربية السرفيس بتاعها فى اقرب وقت ( شراء عربية مستعملة )
لكن طمنى على موضوع الـ rpm الى قلت لك علية فى المشاركة السابقة .
و ملحوظة كمان مع كل حركة للفتيس من p الى r الى n الى d بحس بتغير فى الـ rpm على خفيف
و ساعات اسمع صوت مع كل حركة و ساعات لأ .
اسف على الإطالة و يارب تطمنى

بعد اذن ابو اياد علي الرد بهذا الموضوع .. موضوع صوت اثناءحركة الفتيس راجع علي قواعد تثبيت الفتيس لان لو فيها حاجة عايزة تتغير تعمل صوت كدة اثناء حركة الفتيس في الغيارات .. وموضوع الار بي ام والترتيلة اللي في العربية دي ممكن يكون فلتر البنزين عايز يتغير وتنظيف البوابة والبوجيهات وخصوصا انك بتقول العربية عاملة 88000 كيلو فابالضروري انك تراجع علي تلك الحاجات وضروري الكشف علي الكتينة وزيت الفتيس ضروري لانك لاتعلم ان صاحبها القديم غير الحاجات دي ولالاء .... والف مبروك عليك العربية وربنا يسترها عليك ويكفيك شر الطريق ويباركلك فيها يارب
23-10-2011, 08:49 AM
أبو إياد

اقتباس:

المشاركة الأصلية كتبت بواسطة lancar

بعد اذن ابو اياد علي الرد بهذا الموضوع .. موضوع صوت اثناءحركة الفتيس راجع علي قواعد تثبيت الفتيس لان لو فيها حاجة عايزة تتغير تعمل صوت كدة اثناء حركة الفتيس في الغيارات .. وموضوع الار بي ام والترتيلة اللي في العربية دي ممكن يكون فلتر البنزين عايز يتغير وتنظيف البوابة والبوجيهات وخصوصا انك بتقول العربية عاملة 88000 كيلو فابالضروري انك تراجع علي تلك الحاجات وضروري الكشف علي الكتينة وزيت الفتيس ضروري لانك لاتعلم ان صاحبها القديم غير الحاجات دي ولالاء .... والف مبروك عليك العربية وربنا يسترها عليك ويكفيك شر الطريق ويباركلك فيها يارب

الله ينور عليك بالظبط ده اللى اللى يتعمل بالاضافه لتنظيف حساس الايدل مع البوابه وموضوع الكاتينه ده مهم جدا وماتكسلش فيه
23-10-2011, 06:57 PM
ahmedfra

الف شكر على ردودكم يا جماعة و شكرا على الأهتمام .
و إن شاء الله حعمل الصيانة المطلوبة و ابلغكم بالأخبار .
و سؤال اخير يا ترى ممكن الاقى كتالوج العربية pdf مع حد من القسم ؟