الموضوع: مدرسة المرور

بسم الله الرحمن الرحيم
انا روحت النهاردة اعمل الرخصة و قلت ادخل مدرسة عشان عرفت ان المدرسة بتسهل طلوع الرخصة شوية المهم روحت للشباك قالي صور شهادين الباطنة و النظر و البطاقة و ادفع 220 جنية في الخزينة روحت دفعت اداني وصل و كتب عليه نوفمبر 2011 رجعت للشباك قالي خلي الورق معاك و تيجي في الميعاد اللي قالك عليه انا بقي عندي كام سؤال
1- انا بقي المفروض اروح اسال في اول شهر نوفمبر علي ميعاد المدرسة ؟
2- انا كنت بسمع قبل كده ان اللي بيدخل مدرسة بيطلع الرخصة بعد 3 شهور دلوقتي المدرسة في نوفمبر اول ماتخلص هامتحن ولا ايه اللي بيحصل بعد كده ؟
3- انا باعرف اسوق في مش ناوي اروح المدرسة ده عادي ولا في مشكلة ؟

يا ريس طالما بتعرف تسوق طب كنت اسال الاول تروح مدرسه ولا لا طبعا متروحش مدرسه وكنت هتروح تحجز ميعاد الامتحان بس وده بيكون فيه نوعين نوع مستعجل بحوالى 150 ونوع عادى ب50 جنيه المستعجل بيكون بالكتير اسبوع او اسبوعين العادى بياخدله شهر ولا حاجه فمكانش ليه داعى المدرسه خالص هتروح قبل الامتحان الصبح وتاخدلك ساعه ع التراك اللى بيمتحنو عليه وتبقى زى الفل بالنسبه للامتحان الاولانى اللى هو الاشارات وده بيكون كمبيوتر وبيدولك كرت ب 15 جنيه بيديلك رصيد بيكون فيه نماذج امتحانات بتتدرب عليهم والامتحان غالبا بيجى منهم وشرط انك تجيب ف الامتحان 85% عشان تنقل بعد كده ع الامتحان العملى وتمنياتى بالتوفيق انا راييى ممكن ترجع تانى للظابط المسؤول وتقوله انا دفعت 220 للمدرسه والمدرسه هتطووول وانا راجل باسوق كويس فعاوز بالفلوس اللى دفعتها احدد ميعاد للامتحان علطووول وهيدلك ميعاد ان شاء اللله وفكك م المدرسه