لو حبيت تجازف تشتري سكوربيو الهندي ولا كومودو الصيني؟وايه السبب
عرض للطباعة
لو حبيت تجازف تشتري سكوربيو الهندي ولا كومودو الصيني؟وايه السبب
كومودو عشان شكل أفضل و أكبر
سكوربيو طبعا علشان شركة اكبر بكتير و هندى مش صينى و انا شايفها شكلها حلو
كومودو شكل افضل و كماليات أكتر و ضمان أعلى
لو هجازف يبقي كومودو بس لو مش هجازف هجيب شيروكي 95 2500 سي سي 4 سلندر
لو هجازف هيبقى كومودو لنفس الاسباب اللى نادر قالها
و لية المجازفة ما عندك الميجان و الفيكترا و الأوكتافيا !
لو هجازف هجيب سكوربيو علشان قوة الوكيل : انما لو مش هجازف اجيب اى حاجة يابانى او اوروبى
أجازف .........
يبقى كومودو طبعا
لأن الماهيندرا دي مش مجازفة ........ده انتحار
لو هجازف يبقى من ناحية الجودة الماهيندرا لأن صناعة السيارات الهندية أفضل بكثير من صناعة السيارات الصينية حديثة العهد و الدليل على كدة العربيات التاتا و لو من ناحية الشكل يبقى الكومودو ..
و كل عام و أنتم بخير ..
:):)
كومودو طبعا لانها تبع الهيئة العربية للتصنيع
و هي هي اللي بتعمل الشيروكي برضه تبع الشركة العربية الامريكية التابعة للهيئة العربية التصنيع
يعني تبع الجيش و طبعا صناعتهم معروفة بالاتقان
كومودو لو لزم الامر
يبقى اختيار النوع ؟؟
دفع ثنائى ولا رباعى ؟؟
لو قلت رباعى يبقى وصلت لل 160 الف وبكده تبقى مجازفه عاليه جدا
ولو وصلت فعلا للمبلغ ده محدش حيأيد المجازفه لاى من العربيتين دول
ولو انا مكانك ساعتها حختار الاوبل فيكترا 2008 بدون تردد
او لو نفسك فى الدفع الرباعى اشترى سوبارو امبريزا
و بعدين أنا أصلاَ إيه اللي يخليني أجازف ..
:):)
كومودو الصيني
اوسع
اجمل
و اعتقد هاتكون اكثر اعتماديه
كلام مضبوط ميه الميهاقتباس:
و بعدين أنا أصلاَ إيه اللي يخليني أجازف ..
نصيحه لوجه الله بلاش المجازفه عشان حرام المبلغ ده كلو في اي عربيه من دول..
عندك اختيارات افضل بكتير من العربيتين دول ممكن تجيبها وانت مطمئن جدا.
انا مش عايز دفع رباعي بس لاني شوفت تقريبا اللي انا عايزه فيهم انا عايز حلجه تسع 6 ركاب وعاليه عن الارض وفى نفس الوقت شكلها حلو معتقدش ان في حاجه تاني في حدود 140 الف تسع 6 ركاب ويكون في منها اتوماتيك هو بس اكتر حاجه خنقاني من العربيتين دول الشكل الداخلي
بلاش المجازفات
و بعدين تكتر العتابات
شوف العربية الفولكس فاجن الفان الجديدة , اعتقد بتاخد 6 مستريحين
مش فاكر اسم الموديل
بس ممكن الاخوة يعرفوا قصدى ايه و يدلوك ....
عربية متجمعه تحت بير السلم والصيانة اضعف من الواد بليه صبي الميكانيكي
تاريخ اسواء سيارة في التاريخ : السيارة الكومودو.
ما يلي سرد موضوعي للمشاكل التي مريت بها مع السيارة السيئة كومودو منذ استلامها :-
1- ثاني يوم استلام السيارة وجد تسريب مياه من الموتور نتيجة تسرب المياه من كوع مياه
2- عطل بالمارش بعد استلام السيارة بخمسة ايام وذهبت إلي مركز الصيانة بأبو رواش ولم يستطيعوا معرفة كيفية إصلاح العطل وتم تحويلي ثاني يوم إلي مصنع الهيئة العربية وذلك بعد تركي السيارة يوم كامل بمركز الخدمة دون فائدة وتم إصلاح العطل بعد ستة أيام.
3- مجموعة من الأعطال والتي تم الإبلاغ عنها وقت عطل المارش وتم إصلاح بعضها في مركز الخدمة وفي المصنع والبعض الأخر مازال يسبب لي إزعاج إلي يومنا هذا وعلي سبيل المثال:
2-1- لمبة الفرامل لا تنطفئ بعد رفع الرجل عن البدال
2-2- لمبة Check Engine تضئ عند سرعة 80 كم/ساعة
2-3- عوامة تانك البنزين لا تعمل بصورة صحيحة
2-4- الفتيس الأتوماتيك يقف علي وضع P ولا يتحرك من مكانه أحيانا
2-5- تسريب مياه من الموتور
2-6- الكاسيت يمسح الذاكرة عند إغلاق السيارة نظرا لعدم توصيل كابل Backup
2-7- أحزمة الأمان الأمامية معكوسة
2-8- وجود خبط بالدريكسيون وعند رفع الرجل عن بدال البنزين أو الفرامل
2-9- ترمومتر الحرارة يعطي قراءات خاطئة داخل وخارج السيارة
2-10- وحدة رفع الزجاج عند غلق السيارة لا تعمل بصورة صحيحة ويظل الزجاج مفتوحا في أحد أو كل الأبواب
2-11- زجاج الأبواب يخرج من المجري الخاصة به عند الرفع أو يتوقف قبل أن يصل للنهاية
2-12- توجد سخونة في صالون السيارة في الجهة الأمامية يمين
4- لمركز الخدمة لعمل صيانة 1000 كم وقمت بإبلاغ الصيانة بالعيوب التي مازالت موجودة مثل عطل وحدة الرفع والأعطال الموجودة بماكينات الزجاج ولكن بعد استلام السيارة اتضح أن العيوب مازالت كما هي بالإضافة إلي أن زجاج السيارة الخلفي الأيسر أصبح يرتفع عند طلب إنزاله والعكس صحيح (تم عكس تشغيل المفتاح الخاص برفع الزجاج). تم الإبلاغ عن أن مقبض الباب الشمال الخلفي مخلوع وتالف وتم استبداله بمقبض سليم.
5- بعد عدة أيام ظهر رشح مياه من الموتور مرة أخري وقمت بالذهاب إلي مركز الخدمة وتم تغيير كوع مياه مُركب بالموتور حيث ظهر أنه يرشح مياه
6- قمت بالذهاب إلي مركز الخدمة مرة أخري حيث أن الفتيس الأتوماتيك لا ينقل النقلة الرابعة وعداد لفات السرعة يصل إلي حوالي 4000 لفة في الدقيقة عند الوصول إلي سرعة مائة كيلو متر في الساعة وتظل السيارة تعمل علي النقلة الثالثة وتم استبدال وحدة التحكم Control Block بأخرى وقمت بالانصراف من مركز الخدمة واتضح لي أثناء عودتي أن وحدة التحكم التي تم تركيبها تنقل الرابع ولكن تسبب رجه شديدة في السيارة بعد سرعة 80 كم في الساعة وبناء علي ذلك ذهبت مرة أخري وتم استبدال وحدة التحكم بأخرى ولكن علي ما يبدو أنها أيضا لا تعمل بصورة جيدة حيث أنني مازلت أعاني منها عند الوصول بالسيارة إلي سرعة 120 كم في الساعة إذا كان الطريق منحدر لأعلي فيحدث ارتجاج وتأرجح شديد في عداد اللفات من 3000 إلي 4500 لفة في الدقيقة وأكثر ذهابا وإيابا. أي يعلو الموتور ويصل عدد اللفات إلي 4500 ثم بعد ثواني ينخفض إلي 3500 ثم بعد ثواني يعود إلي 4500 مرة أخري وهكذا ، ويحدث نفس الموضوع تقريبا إذا كان المنحدر لأعلي قاسي عند سرعة 100 كم في الساعة.
7- ذهبت لعمل صيانة 5000 كم وطلبت تعديل وضع مفتاح رفع وإنزال الزجاج الخلفي يسار نظرا لأنه تم عكسه سابقا بمعرفة مركز الخدمة وكذلك طلبت عمل ضبط لفرامل اليد وإصلاح زجاج الأبواب ووحدة رفع الزجاج وتم ضبط مفتاح الزجاج ولكن عند عودتي للمنزل وعند الضغط علي الريموت كنترول لقفل السيارة فوجئت بالزجاج الخلفي يسار يفتح بدلا من أن يغلق مما اضطرني للذهاب مرة أخري لإصلاح هذا المفتاح (أي أن وحدة الرفع عند غلق السيارة تعمل كوحدة إنزال لهذا الباب)
8- بعد ذلك وفي ثالث يوم بعد اخر زيارة فوجئت بإنذار يفيد بارتفاع درجة حرارة السيارة واكتشفت أن المروحة لا تعمل وقمت بتوصيلها بسلك علي البطارية حتى تعمل وحتى استطيع أن أصل ثاني يوم لمركز الخدمة بابو رواش. وبناء عليه ذهبت مرة أخري لمركز الخدمة وبعد الاتصال بمدير الشركة ووعده لي كعميل كمودو (علي حد قوله) بأني سوف أستلم السيارة في أحسن حال وأبلغتهم بمركز الخدمة أيضا بأن الزجاج الأمامي يمين تلف نتيجة احتكاكه داخل الباب نتيجة لعدم ضبط الأبواب في جميع المرات السابقة بصورة صحيحة وتم في هذه الزيارة إصلاح عطل مروحة الموتور التي لم تكن تعمل وتم استبدال الزجاج بزجاج جديد ولكن مازال هذا الزجاج لا يعمل بصورة صحيحة حتى الآن وكذلك باقي الأبواب في بعض الأحيان.
والمحصلة النهائية مما سبق أن الجميع بالشركة بداية من مدير الشركة حتى اصغر عامل لا يهمهم مشاكل الجمهور ويكفي عمل زيارة لمركز الخدمة لمشاهدة معاناة الناس علي الطبيعة فهل من الطبيعي أن سيارة لم تستخدم لأكثر من سبعة آلاف كيلو متر (حتى لو كانت صينية المنشأ ومصرية التجميع) يكون بها كل هذه المشاكل والأعطال.
وما سبق هو خلاصة خبرتي مع هذه السيارة وكل واحد عقله في راسه يعرف خلاصة اذا اراد شراء او ركوب هذه السيارة الكثيرة الاعطال والمعيبة
وانا خسرت ثلاثين الف جنية في هذه العربية المعفنة عند بيعها
العضو المحترم
بالرغم من تسجيلك في منتدانا منذ اليوم فقط
الا أنك أرسلت 9 نسخ من نفس الرسالة
وفي أكثر من موضوع ...مما يوجب تحذيرك
برجاء مراجعة قوانين المنتدى
لعدم حصولك على انذار يستوجب الوقف
مشرف عام.2
طيب ما تفكر فى البيجو ال 307sw عربية جميلة و7 راكب
لاحول ولا قوة الا بالله
ربنا يعوض عليك يا استاذ خالد فى خسارتك
كل العيوب دى فعربيه عملت 7000 كيلو بس !!!!!
لو منك مش هاجازف و لا دي و لادي و ادور علي واحده شيروكي استعمال نظيف لو مصمم علي 4x4
اجيب العربية الماهندرا عشان ارخص يبقى المجازفة فى فلوس قليلة
وكمان 2000 سى سى وموتورها قريب من قوة موتور الكومودو بس 2400 يعنى كع ضرايب 2فى الميه +1000 يامعلم
الماهندرا 2000سى سى وارخص