انا هقولك علي اللي أعرفه فيها
انا معايا نوبيرا 1 من حوالي شهر
ومعايا أوبترا اللي هي نفس موتور النوبيرا 2
هتكلم عن 1 الأول
هي 1500 كامتين بتخرج 110 حصان وعزمها متأخر شوية وده بيأثر علي الأستهلاك لأنك لازم تحرق لو عايز كل العزم
ومع ذلك استهلاكها معقول ... علي السفر تقريبا 300 في الصفيحة بالتكييف علي سرعة 100
جوة البلد تفرق حسب الواحد ... بس انا بقف في زحمة مش كتير يعني ... ممكن 160 في الصفيحة بالتكييف
العربية واسعة جدا جدا وعريضة
ثباتها جيد جدا ... انا مجرب لغاية 180 ... وباخد غرز علي 160 مستريح جدا
الموتور ممتاز جدا
تقدر تجيب موديل 97 حالة ممتازة معدية ال 100 ألف كم بال 45
النوبيرا 2
الموتور هتكلم من خلال الأوبترا والعربية نفسها من خلال تجاربي ليها وطبعا أصحابها هيساعدوك
الموتور 1600 كامتين بيخرج 106 حصان وعزمه متوسط مش بدري ولا متأخر
وده المفروض ينعكس علي الأستهلاك
في الأوبترا ... بتعمل 320 برة البلد بالتكييف علي سرعة 100
جوة البلد ... حسب برضه وممكن تعمل 160 بالتكييف
علي النوبيرا 2 .. انا بسمع أرقام خيالية
يعني أسمع 200 بالتكييف في الصفيحة علي سرعة 100 !
وجوة البلد مابتجيبش ال 140 في الصفيحة !
يعني من الأخر سفاحة !
العربية نفسها كثبات وتسارع كويسة جدا
تقدر تجيب موديل 2002 حالة ممتازة معدية ال100 ألف ب 45
الأختلافات بين ال1 و ال 2
الفوانيس والطابلوه وبعض قطع الغيار
قطع غيار 2 متوفرة جدا
1 مش زي 2 بس موجودة
ال1 تقفيل كوري 100%
ال2 مش عارف من أمتي بقت مصري
أهم حاجة بقي ونصيحة مني
أهم حاجة الحالة أولا وأخيرا
نفترض عجبتك عربية كعربية قبل ما تشوفها
وشفت عربية وواحدة حالتها أحسن
يبقي الحالة الكويسة أيا كانت بقي منهم
ربنا يوفقك
المفضلات