عايزة اشترى عربية .. ممكن تساعدونى؟

**sokasoon** · 20-05-2008 06:55 AM

البيكانتو افضل اختيـــار

ويستحسن بلاش الـ i10

لان واضح انك مش هتكونى

فاضية لزيارة التوكيل كل شوية

**eng_nagwa** · 20-05-2008 02:38 PM

السلام عليكم
متشكرة جدا على اهتمامكم و ردودكم :).. بس ليه ككم مرشحين البيكانتو؟ للدرجة دى هى احسن الموجودين :) ... بس نفسى اعرف رايكم كمان فى فيات باليو ... منتظرة رايكم... سلام

**eng_nagwa** · 20-05-2008 08:36 PM

السلام عليكم

فى ناس قليتلى انa113 الِصينى كويسة قوى... ايه رايكم؟

**eng_nagwa** · 20-05-2008 08:39 PM

على فكرة انا روحت معرض و شوفت البيكانتو بس دى الشنطة بتاعتها صغيرة قوى و كمان حسيت انها اضيق من الاتوس (انا ركبت الاتوس بتاعت وحدة صحبيتى)... مش عارفة ليه حاسة ان سعرها كتيير عليها شوية!!

**bassam nagy** · 20-05-2008 08:51 PM

بلاش الصينى خالص
وشوفى هيونداى i10 وهى مختلفة فى الشكل عن الاتوس وقارنى بينها وبين البيكانتو

**hazem_khidr** · 20-05-2008 10:33 PM

المشاركة الأصلية كتبت بواسطة bassam nagy

بلاش الصينى خالص
وشوفى هيونداى i10 وهى مختلفة فى الشكل عن الاتوس وقارنى بينها وبين البيكانتو

+1
الصيني و الصغير دا كمن ابعدي عنه.
الشنطه لازم تكون صغيره ما تتوقعيش شنطه كبيره في عربيه ميني.
لو مش عاجباكي البيكانتو شوفي ال I10
هيا هيا البيكانتو باختلاف الشكل الخارجي

**eng_nagwa** · 23-05-2008 05:15 PM

السلام عليكم
انا روحت معرض لغبور و شوفت ال i10 شكلها حلو جدا جدا جدا:) ... تحفة بجد يا جماعة بس انتو طبعا عارفين ان البنات بتهتم بالشكل و امكانيتها كلنا عارفينها عشان كدة نفسى حد يكون جربها او يعرف حد اشتراه و جربها ا ويدينا تفاصيل عنه عن تجرية

**hani945** · 23-05-2008 05:17 PM

تويوتا ياريس أحسن بكتير من ده كله

الناس كلها بتشكر التكييف بتاع الياريس واقتصادية وكمان فيها Abs, و Ebd
والثبات بتاع العربية بيشكروا فيه
اللى يشوف العربية من برا يقول صغيرة لكن من جوه العربية مش صغيرة ولا حاجة وكفاية إنها تويوتا
أحسن بمراحل من العربيات الصينى

بلاش العربيات الصينى

فى واحد أنا أعرفه كان عاوز يشترى عربية وبعدين وجد الشيفروليه الأفيو

بس هو غير رأيه فى آخر لحظة واشترى هيونداى أكسنت الجديدة

بس أنا رأيى مفيش أحسن من السيارات اليابانية بالذات فى السيارات صغيرة الحجم

السيارات اليابانية جودتها عالية
أعطالها قليلة مع الحفاظ على السيارة
اقتصادية فى استهلاك الوقود
لكن يجب المحافظة عليها والعناية بها

إبعد عن الصينى وغني له :embarrassed2:

فى أوروبا والدول المتقدمة بيعملوا حاجة حلوة قوى اسمها اختبار التصادم (crash test) وبيعملوا التقدير من خمس نجوم - المهم العربيات اليابانى زى تويوتا كورولا حصلت على خمس نجوم فى اختبار التصادم يعنى العربية حصلت على أعلى تقدير والياريس لسة مش متأكد حصلت على خمس نجوم ولا أربعة نجوم المهم إن العربية تقديرها عظيم
العربية الصينى عليها لعنة الله حصلت فى الاختبار الأول على نجمة واحدة و بقت عاملة زى ما يكون داس عليها قطار ولما عدلوها شوية حصلت على ثلاثة نجوم إللى هى بريليانس جالينا اللى عاملين يتكلموا عليها
والاختبار بتاع العربية اليابانى تويوتا ياريس والسيارة حصلت فيه على تقدير عالى لإن صالون السيارة مازال سليم بعد التصادم
http://www.youtube.com/watch?v=DMLN_...eature=related

أما بقى اختبار التصادم بتاع السيارة الصينى تلاحظوا فيه إن المقدمة والقوائم وأبواب السيارة تهشمت
وكمان الإيرباج أو أكياس الهواء بعدت عن رأس السائق أثناء التصادم وتقدروا تشوفوا الاختبار على الرابط ده

http://www.youtube.com/watch?v=F06LjugtIUo

الاختبارات اللى إنتوا شوفتوها بتتعمل على سرعة 64 كم فى الساعة ( للتنبيه )

التويوتا ياريس بتتباع فى أمريكا بمبلغ 12 ألف دولار تقريباً
تقريبا بـــ 70 ألف جنيه مصرى
فى مصر العربية بتتباع بــ 90 ألف وإنت طالع

فيه موقع عن اختبارات التصادم فى الاتحاد الأوروبى تقدروا تختاروا نوع العربية وتشوفوا اختبار التصادم وتحكموا على العربية
الموقع اسمه
www.euroncap.com

ده فيديو عن التويوتا ياريس اللى بتنزل فى أمريكا
طبعا اللى بتنزل هنا مفيهاش نفس الخصائص

http://www.youtube.com/watch?v=K9JVJ7WivZs&NR=1

يرجى من العضو المحترم عدم اغراق القسم بمشاركات عديدة... المنتدى ليس ساحة سباق لجمع اكبر عدد من المشاركات... المنتدى مكان لتبادل المعرفة بين الاعضاء

مشرف القسم