ايهما أفضل ؟؟

**zalat** · 22-10-2011 11:51 AM

ايهما افضل من حيث الأداء والثبات على السرعات العالية , وارجو الإجابة عن تجربة منكم وجزاكم الله خيرا

الانسر 2006 اتوماتيك ام الاوبل استرا 2006 اتوماتيك ؟؟

**M.Alaa92** · 22-10-2011 03:11 PM

الاوبل و الانسر عربيتين لا غبار عليهم الاهم هو الحاااااالة
وراى الشخصى يميل للانسر و خصوصا لو سام (sam)

**apoadel_vip** · 22-10-2011 06:54 PM

اعتقد الانسر تكسب وخاصة لو سوبر اكشن

**النوبي** · 23-10-2011 01:35 AM

يعني ياجماعه انتوا بتقولوا ان الانسر افضل من الاوبل الالماني
؟؟؟؟؟؟؟؟؟؟؟؟؟؟؟؟؟؟؟؟؟
يمكن

**benmatar** · 24-10-2011 03:03 PM

السلام عليكم
بالطبع الأوروبي يهتم بمعاملات الأمان والثبات والاتزان عن أي تصنيع آخر، ومما لا شك فيه أن الألماني أعلى توصيف أوروبي يليه السويدي في معدلات أمان السيارات وبالأخص في السرعات العالية، وهذا أمر ملاحظ علما بأن أوبل مرتفعة عن سطح الأرض أكثر من ميتسوبيشي وفي نفس الوقت أكثر إتزان في الدورانات والسرعات العالية.

**Ahmed Nasser** · 24-10-2011 06:08 PM

الالمانى طبعاااااااااااا

**MOK3336** · 24-10-2011 08:17 PM

انا و الله بحب الألمانى جدا ده كفاية في اي ماتش كورة يقولك علي الفريق الماكينات الألمانية :)

**M.Alaa92** · 24-10-2011 08:31 PM

المشاركة الأصلية كتبت بواسطة النوبي

يعني ياجماعه انتوا بتقولوا ان الانسر افضل من الاوبل الالماني
؟؟؟؟؟؟؟؟؟؟؟؟؟؟؟؟؟؟؟؟؟
يمكن

للاسف ف مصر اليابانى يكسب
اعادة البيع اعلى
قطع الغيار متوافرة و اسعارها حنينة مقابل الالمانى ( الاصلى)
اى واحد بيفهم فيها
عربية اثبتت كفاءة ع كذا جيل للانسر
و العربية تتروق ( تعديل خفيف لو شاب ) و مناسبة برضو للدكاترة :)
واسعة برضو مش ضيقة
انما الالمانى طبعا ك تقفيل و وسائل امان اعلى من الانسر العادية مش ال سام :)

**szaalouk** · 25-10-2011 12:38 PM

شوف انا راكب لانسر من 2005 و قبلها كان عندي اوبل فكترا 2000 سي سي اوتوماتيك و قبلها 1600 مانيوال .
الأوبل عربيات تحس انك قاعد جوه قطار و خصوصا لو علي طريق السفر لا تشعر بالطريق مطلقا
طبعا صاج حدث ولا حرج ، وسع مقبول و ثبات رهيب علي الطريق .
عيوبها كثره زياراتها للصيانه و ارتفاع تكاليف صيانتها .
اللانسر ناعمه جدا ، مريحه في السفر ، انا شخصيا باقدر اوصل ل 180 كم / ساعه بس مش اكتر من ربع ساعه مثلا لكن لو طريق زي الغردقه ممكن افضل ماشي شويه علي 160-170 و العربيه مش متضايقه
طبعا عزل الصوت فيها مش زي الأوبل اقل شويه ولا ثباتها زي الأوبل لكن مقبول بصوره جيده يعني
مش ماشيه تلعب معاك علي الطريق .
أهم حاجه في الياباني عموما :
التبريد..... يعني عمرك في عز الصيف و التكييف شغال و مركون علي كوبري اكتوبر بالساعه و تشتكي من سخونه المحرك ( الأوبل ياما عملتها معايا ) .
تكاليف التشغيل أفضل بكتير من الأوبل .
سعر اعاده البيع طبعا اللانسر تكتسح بفارق رهيب .

تحياتي