السلام عليكم اخوانى الكرام
النهاردة انا جيت اغير كنترول abs على الضمان زى ما كنت قولتلكم فى تقريرى عن صيانة ال 10000 كم وكمان اشتكيت من صوت تزييق فى الطارة مع لفها ناحية اليمين وطلبت انها تتغير على الضمان .. انا سلمت العربية الساعة 9:40 ص وحاليا فى داندى مول بتسوق وبضيع وقت لحد لما العربية تخلص اروح استلمها
ان شاء الله لما تخلص العربية وارجع ارض الوطن هوافيكم بالاخبار وايه اللى تم عمله فى العربية زى ماعودتكم
بالتوفيق
هو انت لسه فى داندى مول !!!!!!!!!!!!!!!!!!!!!!!!
فين التقرير يا معلم ............................
الحمد لله تم تغيير الكنترول والفرامل اتظبطت ولو انهم ريحوا دواسة الفرامل اوى وانا مش متعود على كده لكن واحدة واحدة اتعود عليها
تم تغيير بليتين للبطاحات امامى شمال (للمرة التانية) ويمين والدنيا بردو اتظبطت والحمد لله
ربنا يجعلها اخر الاحزان
مش عارف ليه التغيير الكتير كده للام11 , زي بلية البطاحه وكنترول abs
بس المهم انها اتغيرت ومجانا
وافينا باخر الاخبار
سوء الخامات المستخدمة يا باشا هو السبب - يعنى لما تبقى عربية زيرو ومغيرة 3 بلى بطاحة وكنترول abs وملاحظات كتيرة (تم حلها) خلال 6500 كم فطبيعى يكون السبب سوء الخامات والتقفيل .. عامة انا مدفعتش مليم احمر فى كل اللى اتغير والحمد للهاقتباس:
المشاركة الأصلية كتبت بواسطة ALshahba
ولكن
والله فعلا العربية نفسها محترمة كأداء وثبات وارتفاع عن الارض وكماليات
عامة انا اتعرفت على مهندس هناك وقالى بمنتهى الامانة ان اسبرنزا عربية كويسة جدا على الاقل كصاج ووسائل امان واقسملى ان التوكيل معذور فى حاجات كتيرة من اللى بتضايق العميل لان الشركة الام نفسها فى الصين بتعت ليهم قطع غيار اى كلام وبتتاخر عليهم فى بعتها وانهم مقرفين وحاجات كده كتير
الحمد لله انها اتغيرت والاجمل انها مجانا , يعني كأنك ماخسرتش حاجه غير شوية وقت ... وده المهم انك ماتخسرش ماديا ولافنيا
اما موضوع الخامات فانا بشك ان ابو الفتوح هو اللي بيجيب خامات تعبانه علشان ارخص ويكسب اكتر ... ولو كانت الخامات هي اللي مش جيده فبرضو هو بيبيع العربيات باغلي من المفروض عليها ..... يعني انا فى رايي الشخصي لو كانت هي دي الخامات فلابد ان ينزل فى سعر كل نوع من اسبيرانزا مش اقل من 15الف , لان الاسبيرانزا تقريبا جميع الانواع بتنزل بحساسات خلفيه وطاره متعددة المهام ووسائد هوائية ... فلو عايز ماينزلش فى السعر فمن حقنا نحنا ناخد الكماليات دي
حضرتك معاك حق فيما يخص سوء الخامات وتعلقها بغلاء الاسعار يعنى فعلا يا اما يقلل سعر العربيات شوية او يحطلها الكماليات اللى بتنزل بيها كلها وان كنت انا من وجهة نظرى شايف ان وجود كل الكماليات اكسب من فرق الفلوس لو يعنى هيقلل تمنهااقتباس:
المشاركة الأصلية كتبت بواسطة alshahba
فعلا الحمد لله ان الحاجات دى اتغيرت مجانا وانا مخسرتش غير شوية مشاوير مملة للتوكيل ومناهدة معاهم وان كان بردو مش من المنطقى ان عربية زيرو يكون فيها المشاكل دى بس المهم انها اتحلت
بس برضو ياجماعه مينفعش ابقى جايب عربيه زيرو وكل شويه اجرى اروح التوكيل يغيرولى الحاجه اكتر من مرة !!
حضرتك معاك حق فى كلامك حاجة فعلا تضايق .. ده سببه سوء قطع الغيار المستخدمة .. فالمفترض ان اللى يشترى عربية زيرو ينساها 3 او 4 سنين ميغيرش فيها حاجة الا لو لا قدر الله حصلت حادثة او اى خبطة تبوظ اى جزء من اجزاء العربية.اقتباس:
المشاركة الأصلية كتبت بواسطة smsm_hamada
عموما حاليا العربية تعتبر بلا مشاكل وهى بصراحة كعربية محترمة ومناسبة جدا بالنسبة لسعرها مقارنة بامكانياتها وانا اتمنى ان ابو الفتوح يتقى ربنا شوية ويصلح من حالها اكتر من كده ويرحم ملاكهاز
تحياتى وكل سنة وانتم طيبين