عرض للطباعة
انا عايزة اشترى عربية مع العلم انى اول مرة اركب عربية ولسة بتعلم السواقة:) ... انا عرفة انه صعب ابتدى بعربية جديدة بس انا معرفش حد خالص و لا حتى فىحد فى اهلى ممكن يساعدنى فى شراء عربية مستعملة ... انا عايزة رايكم فى عربية تكون كويسة ... طبعا انا مش عارفة اية المواصفات الكويسة ويكون سعرها لحد الف70000
شوفي يا ستي..
الرقم ده ما شاء الله كويس قوي..
يعني ينفع تجيبي بيه اكتر من عربية و اكتر من اختيار..
بس معظمها كوري..
انا مش عارف انتي عايزة مانيوال ولا اوتو..؟؟!!
انا شايف الانسب ليكي.. الاختيارات:
كيا بيكانتو كاملة.. بحوالي 62 و الاوتو بحوالي 66 او تدخل علي ال 70
عربية محترمة جدا.. صغيرة حجما سهلة جدا في التعليم و السواقة..
توكيل محترم جدا.. قطع غيار منتشرة و عمرها كويس..
بديل تاني الهيونداي اي 10 و سعرها متقارب و امكانياتها متقاربة.. بس يعيبها توكيل الي حد ما مش مريح في التعامل..
بيحصل منه بعض الاهمال و عدم ارتياح العميل..
حجمها تقريبا نفس حجم البيكانتو..
بس البيكانتو انسب في رأيي..
دايو لانوس..
شكل قديم شوية.. قطع غيار منتشرة جدا و رخيصة جدا
وتوكيل نعقول و اي حد في الشارع بيعرف فيها و يصلحها..
حجمها معقول كعربية عائلية.. بس يعيبها استهلاك البنزين كتير شوية بسيطة..
يعيبها شكل قديم شوية.. و و تكنولوجي قديمة شوية.. بس عربية الشارع المصري..
شيفروليه افيو
بس دي هتكون مانيوال.. كوري بس سعرها ممكن يكون اعلي شوية من ال70..
كويسة متفرقش كتير عن اللانوس.. وفي نظري اللانوس انسب
هيونداي فيرنا او فيفا مانيوال او اوتو..
عربية برضه منتشرة انتشار رهيب في الشارع المصري..
يعيبها بعض عيوب التقفيل المصري. و توكيلها غبور.. السيء في بعض الاحيان..
عربية واسعه و بتجري و ناعمة و مرية في السواقة..
شكل كويس ووسع معقول.. و سيدان..
في كمان الرينو لوجان..
شكل وحش شوية.. قطع غيار لسة مش منتشرة
توكيل محترم جدا واسعه و تقفيلها مش وحش..
استهلاك البنزين معقول بس سعر اعادة البيع والله اعلم مش هيختلف كتير عن الرينو عموما..
قليل بدون سبب واضح..
دول العربيات اللي فاكرها دلوقتي..
بس في رأيي الشخصي..
عليكي و علي البيكانتو.. عربية حريمي و مناسبة جدا.. و محترمة جدا جدا..
فيه فكرة أخرى ومناسبة لثقافة السيارة النسائية ويابانى ومحترمة جدا بس لو تقدرى تزودى شوية بسيطة
الدايهاتسو سيريون
وفيه عليها موضوعات كتير جدا فى ساحة دايهاتسو فى المنتدى للمزيد من المعلومات
معلش يا مدام ان كان ليا وجهه نظر مختلفه شويه .. بس رأيي خليكي في المستعمل برضه .. للاسباب التاليه :
1- المستعمل قطع غياره متوفره و رخيصه نسبياُ مقارنه بالجديد
2-الجديد بيخسر فلوس مابيكسبش .. بمعني ... لو اشتريتي عربيه جديده .. و رخصتيها باسم حضرتك .. اول حاجه تخسرها ما يعرف ب"كسر الزيرو" .... تاني حاجه كل ما العربيه بتقدم بتخسر فلوس كتيره .. بمعني لو اشتريت عربيه النهارده ب 70 الف .. علقت نمر ... خسرت مثلاُ 5000 جنيه لو هابيعها ... لو حبيت ابيعها السنه الجايه تخسر 10 .. السنه اللي بعديها تخسر 15 من السعر الاصلي ... و هكذا ... و ده لارتباط سعر السياره باسعار العربيات الزيرو و بتخفيضات الجمارك و الكلام ده ....
3-الجديد محتاج صيانه في التوكيل و الكلام ده ... المستعمل لو عربيه نضيفه هاتحتاج الصيانه العاديه و خارج التوكيل ...
4-القلق اللي في السوق دلوقتي مايشجعش الواحد يشتري عربيه غاليه .. و ده لانهم هايطبقوا الجات علي الواردات من السيارات ... و الله اعلم ايه اللي هايحصل ساعتها ...
فيه عربيات كتيره مستعمله و استعمال نضيف جداُ .. و عربيات في رينج الاسعار المعقوله ... العربيات دي زي الفيات اونو ... الجولف 2 ... البيجو 205 ... و عربيات اخري كتيره حلوه ... بس اهم حاجه شرط الحاله .. و ممكن اي حد من المنتدي هنا يساعد حضرتك في شراء عربيه نضيفه
انا من التيار اللي بينادي بشراء عربيه مستعمله ...
لو زودتي 3 الاف ممكن تجيبي بونتو 1300 عربية محترمة جدا و ايطالي بالكامل
فيرنا او افيو دول كويسين اوي
انا فعلا كنت ناسي البونتو..
عربية محترمة جدا..
و التوكيل الجديد بيتهيألي محترم و بدأ يستقر..
اما بالنسبة للمعلم الكبير سبعاوي..
بيتهيألي السيريون مفيش اي جدال عليها..
عربية في قمة الاترام..
بس بيتهيألي هي اغلي شوية من الفئة السعرية دي..
معلش انا مش متابع الاسعار قوي..
بيشو.. الاخت الفاضلة بتقولك اول عربية.. و عادة سواقة الستات.. مش هيعرفوا يتعاملوا مع عربيات مستعملة..
يبقي الزيرو افضل.. عشان المشاكل و الصيانات..
علي الاقل هتدور و تمشي و خلاص..
وكل كام الف كم ترمي العربية للتوكيل صيانة و خلاص..
كده اسهل بالنسبة للبنات و الستات,., لكن لينا احنا كرجالة و غاويين عربيات بمزاج.. يبقي اكميد المستعمل افضل..
عشان هتبقي عربية اشد بكتير.. بس محتاجة شغل كتير..