اعرف ازى ان علبه البيئه جابت اخرها؟
انا ساعات بشم ريحه عادم لكن بتاع الشكمانات قالى تمشى
عرض للطباعة
اعرف ازى ان علبه البيئه جابت اخرها؟
انا ساعات بشم ريحه عادم لكن بتاع الشكمانات قالى تمشى
+11111 متابع نفس المشكلة
لما العربيه تتكتم فى السحب
هناك اعراض ظاهرية
1 - سخونة من اسفل فرملة اليد
2 - سحب العربية مكتوم
اعراض اخري بعد الفك
اختبار عمله الفني بتاع ابو اليزيد لما فك الماسورة الي داخلة عليها مد مفتاح مشرشر داخل زور العلبة وشافه وقف فين وحدد المسافة المتبقية قد ايه وقالي لسة ادامك كتير كان المفتاح غطس بداخل العلبة حوالي 20 سم
طيب لو باظت الافضل تتغير ولا تتلغي لاني سمعت انها بتسخن العربية
الافضل تتغير لو الميزانية تسمح علشان تحافظ علي البيئة اما لو الميزانية لا تسمح تتلغي ومش مهم البيئة ههههههههههههههه
أنا شايف إن ملهاش أي لازمه
شيل ياعم شيل
ده حتى إسمها (بيئه)
في الحالتين شيلها مش فيه ضرر
بالعكس
أبسونوتلي
في ناس كتير شايلنها والحياه عادي
أنا بفكر أشيلها إن شاء الله
بص انا شيلتها وشاكلى هركبها تانى... كانت بتسخن الكونسول فى المشاوير التقيلة... خنقة العربية كدا كدا عندى من رشاشات الأكسنت.. الماسورة بالفلانشتين تبقى كابس بنزين مثلا وانت على السلانسيه وتسيب تحس بهزة كدا فى العربية او تحس ان العربية بتنعر فى الآخر ودا هحله إن شاء الله عند بتاع الشكمانات يإما يشوف حل فى الموضوع دا أو أركبها تانى.. ونصيحة كان محمد ممدوح قايلها أوعى لو شيلتها تسيبها لبتاع الشكمانات خدها معاك
لو انته بتابع صوت الماتور متلغيهاش لانى للاسف لاغيت علبه البيئه وندمان
لان صوت العربيه بيتغير وبتحس بنعره رخمه فى الشكمان
أولا : طيب هى ثمنها كام
ثانيا : لو حبنا نغيرها أية اللى هيركب مكانها . هل بيركب وصلة شكمان من غير مشاكل .
ثالثا : طيب أن سمعت قبل كدة تقريبا من محمد ممدوح أنة ممكن يركب فلتر رياضى مكانها هل الكلام دة صحيح ولا أنا قريت الموضوع غلط . وهل الفلتر الرياضى أفضل ولا علبة البيئة ؟
وجزاكم الله خير ا
الفلتر الرياضى بيركب مكان فلتر الهواء لزياده الأداء و ده موضوع تانى خالص غير الشكمان و علبه البيئه
علبه البيئه لما بتتلغى بيركب مكانها حاجه من اثنين:
1- ماسوره بفلانشتين ( حاجه بتاع 20 او 30 جنيه)
2- علبه شكمان صغيره بفلانشتين (حوالى 80 جنيه)
اللى عملو الحل الأول اشتكو من صوت الشكمان
انا عملت الحل الثانى و شايف ان صوت العربيه طبيعى جدا
ده شكل الشكمان من غير علبة البيئه
http://i757.photobucket.com/albums/x...1007141724.jpg
ا/ احمد عزت ...تحياتي
الراجل يا جماعه جاب من الاخر :-)
هوة بيقول انه مجرب الحل التاني ..اللي هوة تركيب علبه شكمان صغيره .. و الصوت طبيعي جدا ... و دة اهم حاجة
لكن فيه سؤال هنا ...علبه البيئه بقالهاا تقريبا سنه معايا و عربيتي لانوس 2011 .... مهندس من التوكيل كان قاللي لما يمر عليها سنه حنشلهالك .....ايه رأيكم ؟؟
تحياتي
عمرو ابراهيم
علبة البيئة تمنها تقريبا 300 جنية
شكرا جزيلا ليك يا أستاذ أحمد على التوضيح الممتاذ دة .
بالنسبة للحل التانى طبعا أفضل لكن بعض الآخوة الآعضاء فى الموضوع المرفق الينك بتاعة فى الموضوع بتاعنا فوق عملوا الحل التانى بطريقة تانية وهو :
وضعوا وصلة ماسورة شكمان داخل علبة البيئة يعنى لغوا وظيفة علبة البيئة وظيفيا لكن خلوها موجودة شكليا فقط وبردوة أرتاحوا وبقى ما فيش مشاكل . فيا ترى أية رايكم فى الحل دة .
وجزاكم الله خيرا
ما هو دة الفرق يا باشا بين الفرنا واللانوس أن حاجة اللانوس أرخص وأحسن ..هههههههه أنا بهزر طبعا .
نجى بقى للجد حضرتك دية ثمنها غالى قوى كدة لية أمال لو جديدة ثمنها كام ... ولية حضرتك ما فكرتش تركب وصلة شكمان أو علبة شكمان بدلها وتقضى الغرض .
والله الموفق والمستعان
كان فيه ناس نصحونى بانى اشيا علبة البيئة من الفيرنا وهلاقيها صاروخ اكتر ما هي
عملت كدا وركبت الوصلة والعربية اصبحت طيارة
بس للاسف الحلو ميكملش كان فيه صوت رنة مزعجة جداً لما كنت بزود بنزين
قمت جايب واحدة استيراد ومركبها تانى لانى كنت بعت الاولانية بـ 350 جنيه والصوت راح بس كمان السحبة راحت
صوت الرنه يتعالج ياباشا
أنا كان عندي سنفونية بتهوفن تحت العربيه
ومكنتش شايل حاجه وعلبة البيئه موجوده
رحت للشكماننجي حط العربيه عالحفره ونزل تحت عشر دقايق وقالي جرب
الأصوات راحت
إنما لو الموضوع ده بيفرق في السحب زي مبتقول
وشيل البيئه ملهوش أي أثار جانبيه يبقى أشيل وانا متطمن
ياريت الناس إللي جربت والخبره تقولنا في أثار جانبيه ولا لأ