كلاكيت ....... تانى مرة الكبوت اتفتح على سرعة 120كم\س

**bnoqo** · 22-10-2011 04:32 PM

بعد الحمد لله ماتعرضت لمشوار كبير جدا كان فى الفرامل وغيرت تقريبا كل سيستم الفرامل من ماستر عمومى ومواسير رئيسية وكل سيرفو وماستر فرامل خليفة وكنت الفرامل بتوقف العربية لحد ماكان التيل بيدخن الحمد لله اكتشفت ان الماستر العمومى الى كان عامل كل المشكلة ديه ان الماستر العمومى وهو جديد ونوعه فرنسى الجلد بتاعه قافش وماكنش بيرجع تانى لوضع الطبيعى بعد دوسة الفرامل والحمد غيرته بس بعد كل الميكانيكة رفضوا يشتغلوا فيها فاضطريت اعمله بنفسى وفعلا عملته ولكن اخوى الاصغر منى نسى يقفل الكبوت وبالتالى انا نسيت وفتح الكبوت على سرعة 120 فى شارع الهرم الرئيسى والحمد لله ان فى واحد كان بيعدى الشارع غير رأية قيل ما يعدى والى كان الله يرحمه وبحمد ربنا لانى كمان كان الوقت متاخر وماكنش فيه حد فى الشارع ولا كان خبطنى من ورا
الحمد لله الكبوت السمكرى صلحة والسقف كمان بس فى مشكلة ان فرش السقف تعبان جدا وخصوصا انه على كرتون ولازم يتعمل وانا الحمد لله بقيت على الحميد المجيد مفيش معايا ولا مليم فا مش عارف اعمل ايه الزق السقف بسليكون واركبه مكانه ولا اغير كل ده واعمل سقف جديد

مطلوب ياجماعة رأيكم لانى بعتز بيه جدا

اه بالنسبة للماستر العمومى انا اشتريته من عند ارزاق (( الله يكرمه )) ب،، 225 جنيه مرضيش ينزل جنيه

**الصيداح** · 22-10-2011 07:18 PM

حمدا لله على السلامة يا راجل
الله يكفيك شر الحوادث
وأحلى حاجة إنك تبدأ تشتغل بإيدك في عربيتك
المهم أنا من رأي تنتظر شوية وتعمل السقف عند سروجي محترم علشان يبقى كويس
ولو مؤقتا ممكن تلزقه بأي حاجة

**bnoqo** · 22-10-2011 08:47 PM

الله يخليك يادكتور
بالنسبة للشغل انا بعمل كل شغل الكهربا تقريبا بإيدى
يعنى ركبت الستنر وركبت النور الى تحت وركب حاجات كتيير اصلا الناس الى حواليا مش مصدقين العربية الى معايا انها داتشيا اصلا وانا لسه مخلص العربية حالا والعربية بس البوية بتعضم

اما بالنسبة للسقف فانا سمعت اسعار عاليه قوى يعنى الى كان بيقول 400 والى قالى 300 وكده اسعار عاليه

فانا شكلى كده هاركبه بالكرتونة الى فيه وامرى لله لحد ما اشوف نجار محترم واعمل سقف ابلاكاج وعلى فكرة انا حاليا بصمم موضوع فرش الابواب الداخلى علشان اعمله عند نجار خشب عموله واهو يبقى اقوى من الى راكب

والفرش هايكون عامل زى فرش الداتشيا سوبر نوفا انا شوفت الصور ومش ناقص غير التنفيذ

حاليا انا بعمل الجزء الخاص بالكوتش الاسبتن تحت العربية ويامسهل يارب ادعولنا ياجماعة

جارى رفع الصور بس بعد ماخلص خالص

**MaNoLa** · 23-10-2011 07:29 AM

أحمد ربنا بقى هوا بوز العربية من أدام مرفوع !!؟ ولا نازل لتحت ؟
يعنى شكل الكبوت أية يعنى ؟

**الصيداح** · 23-10-2011 09:29 AM

إمممممممممم
دا إنت شكلك عامل أحلى شغل طيب صبرنا بشوية صور كدة على ما تخلص
عموما ربنا يعينك ويوفقك
وأحلى حاجة فعلا أما تحس إنك عملت حاجة كويسة في العربية بإيدك بيبقى ليها طعم خاص هههههههه
بالنسبة لموضوع السقف ده هو غالي كدة ليه .... يا عم ظبط نفسك إعمل اللي إنت عايزه في عربيتك وسيبك من
الأسعار دي
وعلى فكرة أحلى حاجة إنك تتعلم على عربيتك المستعملة علشان بعد كدة تبقى فاهم كويس , ولما تجيب البي إم زيرو إن شاء الله كدة متحطش صباعك فيها هههههههههه
على فكرة عايزين نشوف عربيتك إرفعلنا كام صورة
ربنا يكتب لك الخير أينما كنت

**kar!m** · 23-10-2011 09:42 AM

حصلت لى مره زمان .. كان عندى عربية سوزوكى سويفت حمرا و خدت خبطه من ورا و قدام فى الدقلى جنب الشركة .. و كنت أياميها ساكن فى المعادى.

تانى يوم رايح من المعادى للزقازيق .. برده الكبود فتح و أنا ماشى .. شعور وحش أوى.

**mohsen128** · 24-10-2011 02:21 PM

حمد لله على السلامة يا احمد ،، ومنتظرين الصور

**bnoqo** · 03-11-2011 01:56 AM

على فكرة يادكتور صيداح انا مش ناسيك الموضوع كان على منتدى مصر موتورز وكان بيتكلم عن الداتشيا والمواتير الخاصة بيها وعلى فكرة سعر مواتير الرينو حاليا مقارنه بالفيات اسعارها رخيصة وعلى فكرة هيا مواتير قوية وتتحمل بس المشكلة كلها موضوع السخونة لو حليت الموضوع ده هاتبقى تمام

الصور قبل الرش ( عند السمكرى )

الصور

الصور بعد الرش

وديه الصوره بعد ماخلصت خالص

والصورة ديه بليل

**الصيداح** · 04-11-2011 09:45 PM

المشاركة الأصلية كتبت بواسطة bnoqo

على فكرة يادكتور صيداح انا مش ناسيك الموضوع كان على منتدى موقع وكان بيتكلم عن الداتشيا والمواتير الخاصة بيها وعلى فكرة سعر مواتير الرينو حاليا مقارنه بالفيات اسعارها رخيصة وعلى فكرة هيا مواتير قوية وتتحمل بس المشكلة كلها موضوع السخونة لو حليت الموضوع ده هاتبقى تمام

الصور قبل الرش ( عند السمكرى )

الصور

الصور بعد الرش

وديه الصوره بعد ماخلصت خالص

والصورة ديه بليل

تمام الله ينور شغل جميل جدا ربنا يبارك لك فيها
وبالنسبة لموضوعي أنا سقطت موتور الرينو 12 على الداتشيا عندي بالفعل الموتور رهيب
لكن موضوع السخونية كان بالفعل عائق لكن الحمد لله تم حله وسأفرد موضوع بعد قليل
يا ريت تقول لي رأيك فيه وأنا إندهشت لما لقيتك بتتكلم عن السخونية في ردك هذا لأن السخونية جننتني شوية فالظاهر إنه موضوع مشهور إلى حد ما

عموما أنا بشكرك جدا لإفادتك لي في هذا الصدد وربنا يوفقك

**bnoqo** · 04-11-2011 11:04 PM

موضوع السخونة ده موجود فى كل العربيات الاوربية ومن اشهرها الاوبل فيكترا انا والدى جايب اوبل فيكترا والعربية ديه اصلا علشان تمشى وتبقى سخنت العربية لازم تكون على حرارة 95 فما فوق
وعلى فكرة انا العربية عندى مش بستخن غير لما اقرص على الغيار الخامس بش مش السخونة الموجودة فى العربيات الاوربية الموضوع كله ان مواتير الرينو بتحتاج دورة التبريد ( المياه ) تكون مظبوطة يعنى لو تسريب بسيط يبخر المياه وتسخن العربية وعايزه ريداتير محترم ويكون كبير الى بيركب فى العربيات الجديدة وعلى فكرة انا العربية لما بستخن معايا بتكون على 80 فما فوق موصلتش حتى للــ 90 علشان كده بهدى شوية وعلشان كده انا حاطط ترموستات 60-80 حاجة زى كده واهو شغال
وعلى فكرة العربيات كلها فى 2 مروحة تبريد على سرعات وكمان ريداتير اكبر من الى راكب

على العموم مبروك على الماتور وان شاء الله ترتاح معاه وخلى بالك الرينو ناعم كتيير عن الداتشيا وبيفرق كتيير لو بحالته