صيانة ال 80000 للنوبيرا

**mnelmasry** · 22-10-2011 07:10 PM

السلام عليكم
النهاردة عملت صيانة ال80000 لنوبيرتي الغالية والحمد لله
وحبيت اشارككم قطع الغيار لعلها تكون مفيدة للاخرين
اولا قطع الغيار:
بلية كاتينة ثابتة ومتحركة جي ام ب 320 وموجود كوري ب 120 الاتنين بس انا فضلت الاصلي
بلية شداد كوري ب 55
سير كاتينة جيتز انجليزي ب70
سير مجموعة دايكو ايطالي ب 65
بوجيهات ان جي كي ب 50
فلتر بنزين جي ام ب 35
فلتر هواء كوري ب 25
فلتر تكييف كوري ب 50
جوان غطاء التاكيهات جي ام ب 65 وفية كوري ب 30
علشان كان فية نشع زيت خفيف بس قلت اغيرة بالمرة
وعملت تنظيف للبوابة وبلف الايدل
مصنعية 150
اما عن تغيير الزيت فانا كنت معتاد علي موبيل 1
بس المرة دي غيرت لزيت ليكوي مولي الماني الصنع ودة بعد ما قرأت عنة كثير واقتنعت انة افضل الموجودين-وفي انتظار التجربة الفعلية ليتم الحكم بشكل صحيح
والزيت نوعة لايت لوف من ليكوي مولي وهو احدث تكنولوجيsm
وسعرم 285 عبوة 5 ليتر
وجبت معاة كمان اضافة السيراتك ب 126
وموتور فلاش ب 29
ارجو ان تكون مشاركتي مفيدة . والسلام عليكم

**elnakshabandy** · 22-10-2011 09:26 PM

الف مبروك
بس ليه سؤال ماهى اضافه السيراتيك

**blazer** · 22-10-2011 11:31 PM

مبروك الصيانه
بس انا لى وجه نظر ان فلتر التكيف كنت تكتفى بتنظيفه ومتغيروش لان كدا كدا طول الوقت بنكون مشغلين الهواء تدوير داخلى واللفلتر مبيستخدمش يعنى

**Lord of the flies** · 23-10-2011 12:04 AM

حضرتك جبت انهى واحد من زيوت ليكوى مولى 5w-30 ولا 5w-40.
ويا ريت اسمه بالكامل و لون العلبة لان Leichtlauf فيها انواع كتير و شكرا

**mnelmasry** · 23-10-2011 04:39 AM

السلام عليكم
اولا اللة يبارك فيكم
ثانيا بالنسبة لاضافة السيراتك هي مادة تضاف مع الزيت تقوم بعمل طبقة رقيقة من مادة السيراميك حول البساتم لتقليل الاحتكاك
ثانيا بالنسبة لفلتر التكييف انا قمت بتغييرة لاني قمت بتنظيفة اكتر من مرة وهو لم يتغير منذ شراء السيارة وكان فعلا متسخ جدا
ثالثا بالنسبة للزيت فلون العلبة موف وعموما ممكن تدخل علي الموقع الخاص بالشركة وتدخل بيانات سيارتك وسيظهر لك اي من انواع ليكوي مولي المناسب لسيارتك طبقا للنوع والموديل
وفي النهاية اشكركم علي التهنئة والمشاركة