حتى ضباط الجيش متكبرين؟

**AhMeD MeTwAlY** · 22-10-2011 09:04 PM

الحمد لله ربنا عفاني من الجيش
بس فعلا ظابط الجيش بيطلع عين ام العسكري وانا كنت داخل الجيش وكنت بشوف وسطه عشان اكمل ظابط عشان مفيش حد يتنطط عليه ولما كنت في منطقة التجنيد هنا صاحب اخويا في النيابه العسكريه روحت معاه في عربيته وشوفت المعامله هنا للعساكر عامله ازاي وللناس الي زيي لسه هيسمعو دخلين ولي لا
يعني تلقي واحد ملوش اي تلتين لزمه بيشتمك بابوك وامك ولسه ملازم وعنده بتاع 35 سنه
انا شوفت كده قولت يا ظابط يا اما يا بلاش عشان مش اقضي الجيش حبس ولما عرفت ان انا ليه 90 يوم بس حبس زعلت وربنا

**omrkhaled** · 22-10-2011 11:22 PM

دا فكر مغلوط عن ضباط الجيش ويمكن الى شاف او تعامل مع الرتب الصغيرة لانك كل ما تعامل رتبة اكبر تلاقية اكثر احتراما وكل فئة فيها الكويس والوحش وعموما الجيش من الشعب يعنى ذى ما الشعب فية وفية هتلاقى كل موسسة فيها وفيها

**i_Boy** · 22-10-2011 11:40 PM

المشاركة الأصلية كتبت بواسطة mrghost

الظاهر اننا هنفضل متخلفين طول عمرنا

تقريبا كله فاكر ان العيب مش فيه
في الناس التانيه

**zizo50001** · 22-10-2011 11:58 PM

لسة قدامنا كتير اوى علشان نستوعب ان احنا عملنا ثورة
وفعلا كل فئة فيها الحلو و الوحش الا اتنين (الجيش و الشرطة)قليل اوى اوى لما تلاقى بجد حد محترم ومش متكبر

**grand hand** · 23-10-2011 12:19 PM

كل مكان فيه الكويس والوحش والطبع غلاب فى النهاية

**تامر.محمد** · 23-10-2011 12:33 PM

يا باشا الاصل مش في شخص ظابط الشرطة ولا وكيل النيابة ولا ظابط الجيش

الأصل في احساس شخص او فئة انه فوق القانون و بالتالي فوق باقي العباد , ده بيغري ضعاف النفوس لاستغلال النقطة دي

و طول ما هي موجودة في البلد انسى ان اي حاجة تتصلح !

**Elawany13** · 23-10-2011 12:33 PM

المشاركة الأصلية كتبت بواسطة zizo50001

لسة قدامنا كتير اوى علشان نستوعب ان احنا عملنا ثورة
وفعلا كل فئة فيها الحلو و الوحش الا اتنين (الجيش و الشرطة)قليل اوى اوى لما تلاقى بجد حد محترم ومش متكبر

السلطة والنفوذ إبتلاء من الله عز وجل
لما ربنا بيهبها لمن يشاء بيبتليه وبيختبره بيها
والسلطة هيه اللى بتظهر عيوب البنى آدم
فيه ناس كتير عاديه عايشه بينا لو مسكوا اى سلطه فى أى مكان
حتى ولو حاجه بسيطه زى دفتر حضور وانصراف مثلا فى شغل ما
هتلاقيهم مش مصدقين نفسهم
وعاملين فيها ياما هنا ياما هناك

ممكن تلاقى صديقك الضابط فى الجيش فى منتهى الذوق والجنتلة مع الناس
لما يدخل مكان نفوذه وسلطته بتلاقيه اتنفخ وظلم هذا وسب هذا الشخصية بتتغير 180 درجة
وظهرت كل عيوبه وامراضه النفسية والنقص فيه
ونفس الكلام بتوع الشرطة بس الشرطة نفوذهم كان اكبر
دلوقتى الآيه اتعكست والجيش بيحكم

ده مش معناه ان الجيش والشرطة كلهم غير أسوياء
التعميم خطأ كبير
فيهم المحترم والمهذب وفيهم السيئ

**mo3tazanas** · 23-10-2011 05:14 PM

واللهى انتوا ظالمين ضباط الجيش دول اغلب من الغلب واللا طايلين سما واللا ارض

**m_adeleid** · 24-10-2011 01:00 AM

يا فندم التعميم دا خطر جدا لأن حضرتك بتحكم علي فئه ما بأكملها من تصرف واحد
هوا حضرتك عرفت كتير من ضباط الجيش و لقيت اخلاقهم وحشه مثلا علشان تطلع بالاستنتاج دا