128 ابارث شبابى مفيش شكلها فى مصر

بسم الله الرحمن الرحيم

← الماركة والموديل /128 ابارث موديل 1977
← اللون / احمر
← الكماليات / فى الاسفل كل الكماليات والمواصفات
← حالة رش الدواخل /طبعا راشه دى موديل 77 بس مش راشه حوادث لاقدر الله انا شاريها راشه وكانت بسبب بعض اجزاء فيها بارومه انتو عارفين ال 128 لو موديل 2006 حيكون فيها بارومه واتعملت كلها بكفائه وحاليا مفيهاش اى بارومه نهائى والقوائم من الداخل والصدر من الداخل فابريكه
← حالة رش الخوارج / دوكو فرن لسه من اسبوع
← حالة الموتور / جيد بجيب بيه 120 عادى وممكن اكتر على الصحراوى ماشاء الله
← حالة الكاوتش /4 جديد عاملين 5000 تقريبا وال 4 + الاستبن تيوبلس
← مكان المعاينة /الاسكندريه رقم تليفونى 0109333516
← السعر المبدئي / 17 الف قابل للتفاوض بعد المعاينه
← انتهاء الرخصة /8/2012 والفحص 2013
← الصور / موجوده فى الاسفل

مبدئيا العربيه 128 ابارث موديل 77 موتور 1290cc انا شاريها استوك مفيهاش اى تعديلات حتى الجنوط الاسبور بتاع الابارث والطاره الالمونيوم والسقف الجلد بتاع الابارث كانو فيها بس متبهدلين وانا فضيتها كلها وشديتها وعملتها على مزاجى من جوه ومن بره
الشكل بتاع العربيه ده كله من تصميمى وكان فيه اسبويلر طياره خلفى بس شيلته فيه ناس قالتلى شكله مش كويس :(


التعديلات اللى فيها

كساحه فيبر
شبكه اسبور
فوانيس شبوره اكسنت
ستائر كبس 3 قطع
سنتر تايوانى
انزار سيمفونى لسه فى الضمان
كاسيت usb +بورده للسماعات معموله جلد احمر زى السقف والقوائم
فتح الشنطه كهرباء بالريموت او بزرار داخلى
ورق عدادات اسبور
فوانيس ليدات
رينجات
جميع اضائه العربيه ليدات حتى نور التابلوه وتحت التابلوه والصالون
جنوط اسبور تايلاندى (ومعمول ليهم مسمار بمفتاح للامان ضد السرقه )+ رينجات تيفلون+نيتروجين
فلتر اسبور
ديفل اصلى ماركه باور فول
بار (شداد) علوى للبطاحات
مساعدين غاز على زيت اسبانى (ناشفين شويه بس ثبات كويس)
مووطى السوست من الامام والخلف تقريبا 5 سمم وده عامل ثبات جميل فى المنحنيات وعلى السرعات
معدل فى بك الكربراتير بواحد اوسع لتحسين التسارع وممكن ارجع القديم تانى بكل سهوله
زرار فصل لمنع السرقه
العربيه كلها فى مفتاح واحد بيعمل كل حاجه زى العربيات الحديثه
معمول عازل حرارى (لباد ) من تحت التابلوه لحد تحت الكنبه اللى ورا وطبعا تحتيه انتركوت

البطاريه جديده من شهرين ولسه فى الضمان
الكاوتش جديد عامل 5000 كيلو تقريبا والاستبن كمان تيوبلس

الموضوع ده فيه صور اكتر والتفاصيل برضه http://www.nilemotors.net/Nile/252240-128.html



http://i49.servimg.com/u/f49/12/09/09/85/110.jpg

http://i49.servimg.com/u/f49/12/09/09/85/210.jpg

http://i49.servimg.com/u/f49/12/09/09/85/310.jpg

http://i49.servimg.com/u/f49/12/09/09/85/410.jpg

http://i49.servimg.com/u/f49/12/09/09/85/510.jpg

http://i49.servimg.com/u/f49/12/09/09/85/610.jpg

http://i49.servimg.com/u/f49/12/09/09/85/710.jpg

http://i49.servimg.com/u/f49/12/09/09/85/810.jpg

http://i49.servimg.com/u/f49/12/09/09/85/910.jpg


http://i49.servimg.com/u/f49/12/09/09/85/99910.jpg

http://i49.servimg.com/u/f49/12/09/09/85/9999910.jpg


http://i49.servimg.com/u/f49/12/09/09/85/9910.jpg

بسم الله ما شاء الله عربيه تحفه وسعر رائع ربنا يحسنلك بيعها ان شاء الله ...ويبارك للى هياخدها

اقتباس:

---

المشاركة الأصلية كتبت بواسطة monermonerhutu

بسم الله ما شاء الله عربيه تحفه وسعر رائع ربنا يحسنلك بيعها ان شاء الله ...ويبارك للى هياخدها

---

الف شكر يا باشا وفعلا ربنا يبارك للى حياخدها
وانا الحمد لله بحب لما اركب عربيه تكون مميزه

بجد ذوقك حلو قوى ماشاء الله عليها لو ده تصميمك الشخصى انت ممكن تشتغل فى المجال ده عامل شغل كويس ومن غير بهرجة كتير

بس انت هتبيع ليه يا مسيو اليكس

اقتباس:

---

المشاركة الأصلية كتبت بواسطة aboomar22

بجد ذوقك حلو قوى ماشاء الله عليها لو ده تصميمك الشخصى انت ممكن تشتغل فى المجال ده عامل شغل كويس ومن غير بهرجة كتير

---

شكرا يا باشا على الكلام الجميل ده

وانا فعلا فكرت والله اشتغل فى المجال ده بس رجعت فى كلامى بسبب الصنايعيه والقرف بتاعهم ده غير عشان لو حد بوظ حاجه فى عربيه حد حتبقى مسؤلتى انا فالموضوع مش سهل وانا من النوع اللى مليش فى جو الصنايعيه والحوارات دى

بس دا ميمنعش ان اى حد من اصحابى بياخدو رأى فى اى تعديل عاوزين يعملوه وبحاول اقف معاهم كأنها عربيتى عشان انا برضه لما بحتاج حد بلاقيه

شكرا يا باشا

اقتباس:

---

المشاركة الأصلية كتبت بواسطة mohamed9999

بس انت هتبيع ليه يا مسيو اليكس

---

لو انت حتبيع عربيتك ال 128 حتبيعها ليه :)

عاوز اجيب حاجه حديثه ان شاء الله يا باشا عشان العائله لان العربيه دى بيتى

بسم الله الرحمن الرحيم
بالتوفيق فى البيع يا مسيو
و ان شاء الله ناوى على اية بعد كدة ؟؟؟؟
و مين عندنا فى الاسكندرية بيشد الشاسية
لان بتاع ظبط الزويا قالى عندى عجلة ماخرة درجة و نصف
لو تعرف قولى

اقتباس:

---

المشاركة الأصلية كتبت بواسطة ahmedzizo131

بسم الله الرحمن الرحيم
بالتوفيق فى البيع يا مسيو
و ان شاء الله ناوى على اية بعد كدة ؟؟؟؟
و مين عندنا فى الاسكندرية بيشد الشاسية
لان بتاع ظبط الزويا قالى عندى عجلة ماخرة درجة و نصف
لو تعرف قولى

---

والله انا مش عارف لسه حجيب ايه دماغى متشتته

انت عاوز حد بيعمل زرجينه وده المفروض سمكرى وفيه عفشجيه بيعملوها لكن اللى اعرفه ان السمكرى افضل واحد يعرف يظبطهالك لانها شغلته

عربيه واحد صاحبى بى ام كانت كده وعملها عند واحد بعد شارع القاهره حسأله وارد عليك

بس انت لو تعرف سمكرى كويس حيعملهالك وانت واقف وترجع لبتاع الزوايا تانى يقيسها

ياريت تبعتلى السعر النهائى نهائى على الخاص للجديه فى الشراء
وان شاء الله يحصلنا نصيب ونجيلك اسكندريه ونخلص فيها

اقتباس:

---

المشاركة الأصلية كتبت بواسطة misoalex

والله انا مش عارف لسه حجيب ايه دماغى متشتته

انت عاوز حد بيعمل زرجينه وده المفروض سمكرى وفيه عفشجيه بيعملوها لكن اللى اعرفه ان السمكرى افضل واحد يعرف يظبطهالك لانها شغلته

عربيه واحد صاحبى بى ام كانت كده وعملها عند واحد بعد شارع القاهره حسأله وارد عليك

بس انت لو تعرف سمكرى كويس حيعملهالك وانت واقف وترجع لبتاع الزوايا تانى يقيسها

---

بسم الله الرحمن الرحيم
متنسيش يا ميسو
و على فكرة انا ماشية بالعربية من اكتر من سنين و مفيش اى مشكلة فى المشي و الجرى لكن اول لما قالى بتاع الزويا يوم الجمعة اتعكننت اوى اوى
لكن الحمد لله
بصراحة بتاع الزويا كان عاوز يبعتنى لواحد نحية الفلكى لكن انا حسيت ان العملية انهم بيشغلوا بعض

اقتباس:

---

المشاركة الأصلية كتبت بواسطة ahmedzizo131

بسم الله الرحمن الرحيم
متنسيش يا ميسو
و على فكرة انا ماشية بالعربية من اكتر من سنين و مفيش اى مشكلة فى المشي و الجرى لكن اول لما قالى بتاع الزويا يوم الجمعة اتعكننت اوى اوى
لكن الحمد لله
بصراحة بتاع الزويا كان عاوز يبعتنى لواحد نحية الفلكى لكن انا حسيت ان العملية انهم بيشغلوا بعض

---

لا يبقى كده خلى بالك لان فيه كتييييييييير اوى من بتوع الزوايا والعفشه بيشتغلو الناس فى الموضوع ده ويقولك حعملهالك او يبعتك لحد يعملهالك وياخدو فلوس ويطلع فى الاخر عربيتك مفيهاش حاجه

روح لبتاع زوايا تانى يكون مشهور

فيه واحد فى بنزينه صبرى اللى فى طريق العوايد لو تعرفها اللى هى بعد صنيه المطافى بتاعه الساعه

وفيه واحد تانى جنب الشغل عندى مشهور اوى اسمه عصام ده بيبقى عنده ب 8 وال 9 عربيات واقفه وتقف تستنى دورك بالساعه عقبال ميدخل عربيتك وهو للامانه كويس ولو عربيتك فيها اى حاجه مبيشتغلش فيها ويكتبلك ورقه تروح تعملها ولو قولتله اعملها عند مين يقولك مليش دعوه شوف العفشجى بتاعك
هو مكانه فى شارع صلاح الدين فى شارع 16 اى حد هناك حتقوله فين عصام بتاع الزوايا حيقولك عليه

اقتباس:

---

المشاركة الأصلية كتبت بواسطة a77med

ياريت تبعتلى السعر النهائى نهائى على الخاص للجديه فى الشراء
وان شاء الله يحصلنا نصيب ونجيلك اسكندريه ونخلص فيها

---

النهائى بعد متتفرج على العربيه ان شاء الله

واتصل بيا ونتفق على الميعاد اللى يناسبك ويناسبنى

عربيه جميله ماشاءالله

اقتباس:

---

المشاركة الأصلية كتبت بواسطة misoalex

لا يبقى كده خلى بالك لان فيه كتييييييييير اوى من بتوع الزوايا والعفشه بيشتغلو الناس فى الموضوع ده ويقولك حعملهالك او يبعتك لحد يعملهالك وياخدو فلوس ويطلع فى الاخر عربيتك مفيهاش حاجه

روح لبتاع زوايا تانى يكون مشهور

فيه واحد فى بنزينه صبرى اللى فى طريق العوايد لو تعرفها اللى هى بعد صنيه المطافى بتاعه الساعه

وفيه واحد تانى جنب الشغل عندى مشهور اوى اسمه عصام ده بيبقى عنده ب 8 وال 9 عربيات واقفه وتقف تستنى دورك بالساعه عقبال ميدخل عربيتك وهو للامانه كويس ولو عربيتك فيها اى حاجه مبيشتغلش فيها ويكتبلك ورقه تروح تعملها ولو قولتله اعملها عند مين يقولك مليش دعوه شوف العفشجى بتاعك
هو مكانه فى شارع صلاح الدين فى شارع 16 اى حد هناك حتقوله فين عصام بتاع الزوايا حيقولك عليه

---

بسم الله الرحمن الرحيم
الف الف شكر على اهتمامك و ردك يا ميسو
بس انتى مجوبتنيش على السوال الاول
انتى ان شاء الله على اية بعد البيع بأذن الله ؟؟؟؟

معالى الباشا انت قاعد فى المعمورة الشاطئ؟
لو أيوه أجيلك بكره ان شاء الله

اقتباس:

---

المشاركة الأصلية كتبت بواسطة MOUSTAFA_SAAD

عربيه جميله ماشاءالله

---

شكرا يا مصطفى

اقتباس:

---

المشاركة الأصلية كتبت بواسطة abdou_elsakka

معالى الباشا انت قاعد فى المعمورة الشاطئ؟
لو أيوه أجيلك بكره ان شاء الله

---

لا يا باشا بس بروح هناك احيانا الخميس او الجمعه

اقتباس:

---

المشاركة الأصلية كتبت بواسطة ahmedzizo131

بسم الله الرحمن الرحيم
الف الف شكر على اهتمامك و ردك يا ميسو
بس انتى مجوبتنيش على السوال الاول
انتى ان شاء الله على اية بعد البيع بأذن الله ؟؟؟؟

---

والله مش مسأله مجاوبتش بس انا محتار بين كذا حاجه فاللى حيحدد هو النصيب لان المبلغ اللى معايا مش كتير فعلى حسب صاحب العربيه اللى حيوافق على اللى معايا فاهمنى

بس ان شاء الله شكلها حترسى على حاجه كورى لانه معروض كتير للبيع وقطع غيار اسعارها معقوله وسهوله فى الصيانه واعاده البيع سهله
بس الى مخوفنى من الكورى الثبات بتاعه مش اد كده زى الالمانى وقطع الغيار مش معمره زى الالمانى برضه

عشان كده محتار

اقتباس:

---

المشاركة الأصلية كتبت بواسطة misoalex

النهائى بعد متتفرج على العربيه ان شاء الله

واتصل بيا ونتفق على الميعاد اللى يناسبك ويناسبنى

---

استاذى الفاضل عاوزنى اجيلك من القاهرة مخصوص عشان اتفرج على العربية بدون لما اعرف السعر النهائى اللى انا نازل عشانه كام !!!!!!
افرض العربية عجبتنى ولكن السعر اللى انت بتقول عليه معجبنيش ايه الحل ياترى فى الموقف ده
بعد احترامى ليك واللى فهمته من اسلوبك انك ماعندكش نية للبيع ولكن الموضوع حضرتك عامله عشان الشهرة !!!!!!
اتمنى انه يخيب ظنى وعموما ربنا يباركلك ويعطيك على قد نيتك بأذن الله

اقتباس:

---

المشاركة الأصلية كتبت بواسطة a77med

استاذى الفاضل عاوزنى اجيلك من القاهرة مخصوص عشان اتفرج على العربية بدون لما اعرف السعر النهائى اللى انا نازل عشانه كام !!!!!!
افرض العربية عجبتنى ولكن السعر اللى انت بتقول عليه معجبنيش ايه الحل ياترى فى الموقف ده
بعد احترامى ليك واللى فهمته من اسلوبك انك ماعندكش نية للبيع ولكن الموضوع حضرتك عامله عشان الشهرة !!!!!!
اتمنى انه يخيب ظنى وعموما ربنا يباركلك ويعطيك على قد نيتك بأذن الله

---

شهره !!!!!!!!

العربيه معايا بقالها سنتين وانا معدل شكلها من اكتر من سنه والموضوع ده http://www.nilemotors.net/Nile/252240-128.html
انا حاطط فيه صوره وقولت انها من اكتر من سنه

وانا عضو فى المنتدى من سنين واغلب اللى يعرفونى فى المنتدى شافو عربيتى على الحقيقه وعارفينها

اشمعنى بعد كل ده حاجى اعرض صور عربيتى عشان شهره زى منت بتقول والعربيه اصلا الحمد لله مش محتاجه شهره كفايه اللى بيوقفونى فى الشارع وعاوزين يشتروها بس انا قولت مش حبيع لتاجر ولا سمسار او واحد شكله صايع يوجع دماغى انا ليا نظره فى الناس الحمد لله

يا باشا انت اصلا لو جاد فى الشراء حتكلف نفسك 20 قرش وتتصل بيا ونتفق زى الناس اللى اتصلت وببتصل بيا

ومع احترامى لحضرتك محدش قالك تيجى من القاهره على سعر انت متعرفهوش السعر مكتوب فوق واى تفاوض فى السعر حيبقى فى حدود المعقول اصل دى مش فيرنا ولا لانوس عشان ينزل فى تمنها 3 ولا 4 الاف هى كلها بكام اصلا
ويعنى تفتكر لو قولتلك مثلا النهائى 16 وحضرتك جيت مخصوص ولقيت حاجه مش عاجباك حتدفع ال 16 ولا حتفاصل برضه فى ال16 يبقى اظن مفيش حاجه اسمها نهائى الا لما تتفرج على العربيه عشان يبقى الكلام على الواقع

السعر موجود فوق لو حضرتك جاد فى الشراء وعاجبك السعر المبدئى تعالا اتفرج على العربيه والقاهره مش بعيده على فكره فيه واحد كلمنى من المنيا وناوى يشترى وان شاء الله جاى مخصوص عشانها

واظن معرفه الرجال كنوز ومتخافش حنعمل معاك الواجب

يبقى انا كده ظنى مطلعش فى محله والحمد لله و ده اللى كنت بتمناه واعزرنى ان لو كنت فهمتك غلط ولكن كلامى كله بناء على تجارب حصلتلى وحصلت لاصدقاء ليا وبالمناسبه انا مش تاجر ولاحاجه انا شاب عادى كان معايا قبل كده 128 برده ولكن بيعتها لظروف حصلتلى وبدور ومضطر اشوف عربية برده 128 تكون كويسة ومناسبه وعدم اتصالى بيك مش عشان الفلوس ولكن للاسف فيه ناس اجى استفسر منهم عن شىء معين بخصوص الشراء الاقى يتوهنى ويدخلى فى حوارات تانيه بعيده نهائى عن مضمون الموضوع وفى الاخر مستفادش برده بالمضمون فلذلك بتصل فى حاله واحده وهو لو العربية حالتها المبدئية والسعر عجبنى ولذلك اتصل عشان احدد ميعاد عشان نتقابل لكن انا ماكنتش اعرف التفاوض هيكون فى حدود كام بالظبط بس لما حضرتك وضحتلى ان العربية اخرها 16000 الف فا للاسف اعزرنى حرام عليا ادفع المبلغ ده فى موديل زى ده وفى الاخر لو حصلتلى ظروف لو جيت ابيعها على الاقل هخسر ربع اللى دفعته فا لو عاوز اقولك امكانياتى على الخاص عشان برده الكلام يبقى على نور مافيش مشاكل بس ياريت تتقبل كلامى بصدر رحب
وربنا يوفقك ياباشا وانت شرفنا بس فى القاهرة واحنا اللى نعمل معاك الواجب وتنورنا بأذن الله

اقتباس:

---

المشاركة الأصلية كتبت بواسطة a77med

يبقى انا كده ظنى مطلعش فى محله والحمد لله و ده اللى كنت بتمناه واعزرنى ان لو كنت فهمتك غلط ولكن كلامى كله بناء على تجارب حصلتلى وحصلت لاصدقاء ليا وبالمناسبه انا مش تاجر ولاحاجه انا شاب عادى كان معايا قبل كده 128 برده ولكن بيعتها لظروف حصلتلى وبدور ومضطر اشوف عربية برده 128 تكون كويسة ومناسبه وعدم اتصالى بيك مش عشان الفلوس ولكن للاسف فيه ناس اجى استفسر منهم عن شىء معين بخصوص الشراء الاقى يتوهنى ويدخلى فى حوارات تانيه بعيده نهائى عن مضمون الموضوع وفى الاخر مستفادش برده بالمضمون فلذلك بتصل فى حاله واحده وهو لو العربية حالتها المبدئية والسعر عجبنى ولذلك اتصل عشان احدد ميعاد عشان نتقابل لكن انا ماكنتش اعرف التفاوض هيكون فى حدود كام بالظبط بس لما حضرتك وضحتلى ان العربية اخرها 16000 الف فا للاسف اعزرنى حرام عليا ادفع المبلغ ده فى موديل زى ده وفى الاخر لو حصلتلى ظروف لو جيت ابيعها على الاقل هخسر ربع اللى دفعته فا لو عاوز اقولك امكانياتى على الخاص عشان برده الكلام يبقى على نور مافيش مشاكل بس ياريت تتقبل كلامى بصدر رحب
وربنا يوفقك ياباشا وانت شرفنا بس فى القاهرة واحنا اللى نعمل معاك الواجب وتنورنا بأذن الله

---

ربنا يكرمك يا باشا ويرزقك بعربيه كويسه

وانا عارف ان فيه ناس بتبقى عامله اعلانات ومش ناويه تبيع وبتشوف عربيتها حتجيب كام لكن انا جاد فى البيع ان شاء الله

اما عن الموديل فأحب اقول لحضرتك ان السعر مش كتير ولا فيه خساره عند اعاده البيع ولا حاجه بالعكس العربيه دى حتتباع فى القاهره بسهوووووله جدا انا متأكد انى لو نزلت بيها القاهره حتتباع هناك لكن السفر بالنسبالى صعب حاليا ممكن بعد العيد

واحب اهديك اللينكات دى وهى لعربيات ابارث كانت بتتباع هنا فى المنتدى وفاضيه مش زى عربيتى شوف كده مطلو فيهم كام

http://www.nilemotors.net/Nile/126841-128.html
اول واحده دى اتصلت بصاحبها السنه اللى فاتت وقالى اتباعت ب 15 وفى المنصوره ومفهاش شغل ولا كماليات زى عربيتى

وشوف دول اسعارهم ايه
http://www.nilemotors.net/Nile/199-128.html
http://www.nilemotors.net/Nile/47602...00-1978-a.html

http://www.nilemotors.net/Nile/7758-128.html


يا باشا اللى يتمن العربيه حسب الموديل يبقى بيظلم نفسه قبل ميظلم صاحب العربيه لان العربيه بالحاله مش الموديل
يا فرحتى ابقى راكب عربيه موديل تسعينات وتبقى رايحه فى داهيه ويجى واحد بعربيه سيات ولا 127 يعدى من جنبى ويطلعلى لسانه هههههههههه

على فكره انا كان ادامى عرض جااااااااااامد جدا انى ادخلها فى ابيزا 94 وعربيه كانت شبابى جدا جنوط 15وتكيف وديفل وحدفع 6 الاف جنيه وانا رفضت بعد تفكير كتير طبعا اى حد حيقول عليا عبيط
بس الابيزا دى كانت من جوه ضايعه عاوزه صالون كامل وتابلوه وعفشه كامله وشغل فى الموتور وكاوتشات ازاز وحبه مصاريف تانيه كل ده معقول لكن اللى مش معقول انى افتح الكبوت الاقى الفخده متشرخه وفيها كسور واضحه جدااااا يعنى كمان حتبقى راشه دواخل

قوللى بقى حعمل ايه بالموديل وانا عربيتى انضف منها حدفع 6 الاف عشان اركب عربيه شكل وموديل وهى ضايعه ؟؟ وحصرف عليها فلوس بالهبل طول منا راكبها


اسف انى طولت فى الكلام بس حبيت انى افضفض واتكلم عشان الناس اللى بتتكلم على موديل العربيه قديم مع ان الابارث اصلا نادره واللى فاهم فى ال 128 عارف انها اغلى من العاديه وفيه ناس بتدور عليها


عموما انا حبعتلك على الخاص رساله برضه

على فكره عمر الموديل ما كان مقياس فى العربيات الصغيره بدليل ان فى عربيه موديل 87 بسعر 12 بس علشان اى حد يركبها مش هايصرف عليها اقل من 5000ج فالعقل بيقول لازم تشوف العربيه وحالتها وانا عن نفسى باقيس وباقدر العربيات القديمه بحالتها وتحت حالتها 50 خط

اقتباس:

---

المشاركة الأصلية كتبت بواسطة أبو إياد

على فكره عمر الموديل ما كان مقياس فى العربيات الصغيره بدليل ان فى عربيه موديل 87 بسعر 12 بس علشان اى حد يركبها مش هايصرف عليها اقل من 5000ج فالعقل بيقول لازم تشوف العربيه وحالتها وانا عن نفسى باقيس وباقدر العربيات القديمه بحالتها وتحت حالتها 50 خط

---

لخصت اللى عاوز اقوله يا ابو اياد :S_thum1[1]::S_thum1[1]:

والله زعلتني ياميسو
بس ان شاء الله ربنا يبارك للي حيشتريها ويرزقك بحاجه احسن منها ان شاء الله
انا مش زعلان غير عالرينجات
ههههههههههههههه
تبيعها ياميسو

اقتباس:

---

المشاركة الأصلية كتبت بواسطة funnymickey

والله زعلتني ياميسو
بس ان شاء الله ربنا يبارك للي حيشتريها ويرزقك بحاجه احسن منها ان شاء الله
انا مش زعلان غير عالرينجات
ههههههههههههههه
تبيعها ياميسو

---

هههههههههههههههههههههههه رينجات رينجات المنتدى كله داخ بسبب الرينجات دى وانت اكتر واحد صعبان عليا بسبب الرينجات دى

بص اشترى العربيه وخد عليها الرينجات هديه هههههههههه عرض جامد اهو

ربنا يباركلك فى عربيتك يا ميكى