بسم الله
السلام عليكم ورحمة الله وبركاته
بداية وقبل القصه الى هاسردها ياريت اى حد يعرف يشور عليا اجيب باب سواق للعربيه الصنى النبيتى 2009 ( صاج بس) لأن الباب الحمد لله من جوه سليم يقولى منين اسم المحل وعنوانه والسعر تقريبا ياريت يبعتلى على الخاص او مشكورا يكلمنى على الموبايل
01002145567
01220062444
بس بالله عليكم الى يقدر يفيدنى يكلمنى بسرعه لأنى رايح بكره ادور على باب فى بورسعيد وبعدين هانزل على القاهره لو مالقيتش
وهى دى قصة الخبطه
امبارح وبفضل من الله ونعمه بفتح الباب يادوب فتحه صغيره وانا فى بنزيمة وطنية علشان اظبط هواء الكاوتش وواحد راكب جراند فيتارا ماكدبش خبر وخاد الباب بتاع السواق بتاعى فى طريقه والحمد لله دمر الباب تماما
الغريب انه كان طالع بسرعه غريبه من البنزبنه بس اكيد انا كنت غلطان علشان مش بصيت فى المرايه بس لثقتى انى فى بنزينه ومافيهاش جرى وبعدين انا مالحقتش فتحت الباب
بس قدر الله وماشاء الله فعل وانا لله وانا اليه راجعون
لطف ربنا بينزل مع قضاءه
الحمد لله هوا حصل عنده حكه بسيطه بس محتاجه اكيد سمكره وانا اعطيته 100 جنيه كتعويض وهوا استقلهم بس انا قولتله انا فعلا مش معايا غير 75 جنيه وانا فى القاهره ومسافر المنصوره وهوا لما شاف نمر العربيه دقهليه وشاف الباب عندى ادمر ومش راضى يقفل شكله اتكسف ورضى بال 100جنيه وخلع وسابنى مع مأساه بسيطه وهى ان الباب مش راضى يقفل لأن الصاج بتاعه كرمش واتقوس ومتداخل مع الرفرف
ربنا كرمنى بمجموعة من الشباب الجدعان لما شافوا المنظر وقفوا معايا وجابولى مفاتيح وقعدوا يفكوا الرفرف ويزقوا الباب لغاية الباب ما قرب من القايم وبعدين ربطنا الباب بحبل بالقايم وتوكلت على الله ورحت للسمكرى قالى لازم باب جديد وفيه تزميته فى القايم الامامى هاتيجى بزرجينه والرفرف الأمامى فيه شوية دق على البارد بس ارجع واقول الحمد لله
الحمد لله ان الباب راح لوحده ما اخدش ايدى ولا رجلى
الحمد لله ان القايم سليم
الحمد لله ان الزجاج وكرتونة الباب من جوه سليمه
الحمد لله ان العربيه بتمشى عادى ولم اضطر لحملها على سياره اخرى
الحمد لله ان ربنا هدى لى الشباب الى فضلوا معايا لغاية مادورت عربيتى ومشيت (اسأل الله ان يكون فى عونهم كما كانوا فى عونى) والله مصر بخير دول كانوا طالعين من الجيم ومارضيوش يسبونى على الرغم انهم مش عارفينى
الحمد لله ان ربنا كارمنى ومش هاستلف علشان اصلح العربيه
الحمد لله ان ربنا هدانى ل الحمد لله