سؤال حول طريقة طى الكنبة الخلفية للانوس 2011

**asom_6** · 23-10-2011 10:51 AM

بالرجوع الى دليل المالك للعربية لانوس 2011 موجود طريقة طى الكنبة الخلفية لزيادة مساحة التخزين فى الشنطة وده عن طريق رفع الكلبسات اللى ماسكة الكنبة .... وبما ان اساسا مفيش كلبسات ماسكة الكنبة فى الموديل ده فأنا مش عارف الحقيقة ألم الكنبة دى أزاى ؟؟؟

معروف طبعاً ان كتالوج الشيفرولية لانوس هو نسخة طبق الأصل من كتالوج الدايو لانوس بعد استبدال كلمة دايو بكلمة شيفرولية فى الطباعة وعند مراجعة الكتالوج يتضح بسهولة مقدار الاستخفاف وعدم الدقة فى المراجعة ووجود خواص ملغية زى مفتاح لمبة الشبورة الخلفية وزرار سخان الزجاج الخلفى ووووووو حاجات كتير بصراحة أتلغت من العربية والكتالوج هو هو بدون تغيير.

الرجاء من حضراتكم المساعدة فى العثور على الكلبسات الخفية بتاعة منصور دى ... او طريقة طى الكنبة بدون كلبسات .........وربنا يهدى خلقه علينا ... وشكراً

**Abdm** · 23-10-2011 11:56 AM

حضرتك أنا معايا شفرولية لانوس وما ينفعش نطوى الكنبة الخلفية لآنها متثبتة بمسامير ربط فى العربية . لآنى وأنا بركب فرش جلد للكنبة فكوها بمسامير ظهر وكمان كان فى ذى حديد بيركب فيها الكنبة وبتتعلق فيها قبل ما تثبت المسامير . ودة اللى أنا شفتة . ومش عارف هل بالشكل دة ممكن تتنى الكنبة على ما أعتقد مش هينفع بسبب التثبيت فى ظهر العربية .
وبردة لو فى حد يعرف طريقة أو حل تانى جايز يكون فى حل والواحد مش عارفة ..................
والله الموفق والمستعان