يا ريت لو حد يدلني علي طبيب بتاع امراض الجهاز الهضمي و يفضل يكون متخصص في القولون بس يا ريت يبقي عن تجربة و يبقي دكتور خبير بجد
شكرا جدا :)
يا ريت لو حد يدلني علي طبيب بتاع امراض الجهاز الهضمي و يفضل يكون متخصص في القولون بس يا ريت يبقي عن تجربة و يبقي دكتور خبير بجد
شكرا جدا :)
بص يا باشا .. بخصوص القولون بالذات .. 90% من أسبابه بتكون ناتجة من العصبية وضغوط الحياه .. الحل الوحيد في أيدك أنك تطنش الدنيا شوية والقولون حيبقى زي الفل .
أي دكتور باطنة حيديك أدوية للقولون وبعد فترة مفعولها مش حيجيب نتيجة ولازم يتغير الدواء .. هي دي خلاصة تجاربي مع القولون "أدي الدنيا صرمة .. القولون يبقى زي الفل" بس للأسف مبعملش كدة ... ههههههههههههه
فيه دكتور أسمه د. إبراهيم عبد النبي في شارع الطيران (فوق معرض سيارات الطيران) وده متخصص في جراحات الجهاز الهضمي وشاطر جداً .
بسم الله الرحمن الرحيم
في دكتور محترم جدا اسمه وحيد دوس بيكون موجود في ايام معينه في مستشفي الانجلو اميريكن اللي بجوار برج القاهره وعنده عياده خاصه بس مش عارف مكنها ممكن عن طريق الدليل 140 تجيب تليفون العياده او المستشفي وتاخد ميعاد لازم حجز.
وفي دكتور تاني ممتاز جدا اسمه محمد شعراوي ده موجود في مركز بني مزار محافظه المنيا وهو استاذ في جامعه المنيا وشاطر جدا ممكن تجيب تليفونه عن طريق الدليل برضه.
وطبعا في الدكتور محمد سراج اللي في المنيل ميدان الباشا.
شعراوي- دوس-سراج
وفي الاول والاخر الشافي هوالله تعالي وما الطبيب الا سبب ولازم ناخد بالاسباب
وربنا يعفو عنا وعن جميع المرضي
د/وحيد دوس موعيده مظبوطه وبيتهم بمرضاه اهتمام شخصي وشخصيه ظريفه جدا
د/سراج استاذ كبير بس ديما مشغول وديما بياخر في موعيده لو رحت العياده بيقابلك طبيب من تلاميذه يتكلم معال ويكشف عليك ويجهز تقرير ل د/سراج وبيقراء هو التقرير ويتكلم معاك ولو محتاج تحاليل او مناظير بيطلبها منك وكل ده موجود عنده في المركز
وكذلك د/وحيد لو احتاج تحاليل او غيره ممكن تعملها في المستشفي بس المستشفي اسعاره اهدي شويه من مركز د/سراج.
لو خت بالك انا في الاول قلت وحيد وبعدين سراج وبعد منه شعراوي
واخرت شعراوي علشان المشوار بس
وربنا يشفينا و يشفي مرضانا
فيه كمان أ.د احمد عبد السميع من اعلام الجهاز الهضمى والقاولون ورئيس وحدة المناظير بمستشفى مصر للطيران وعيادته شارع التحرير العمارة اللى جنب مقار على طول امام محطة مترو البحوث
بلاش دكتور سراج الدين وده عن تجربه مع والدتي
مش هتلاقي ادنى اهتمام ومواعيد في منتهى السوء واللا آدميه والمساعدين هما اللي بيتنقلوا على المريض والإسم دكتور كبير ومشهور وبيظهر في الفضائيات
في دكتور كويس جدا اسمه احمد طه وعيادته في المنيل ماما كملت علاجها عنده بعد سراج الدين وربنا كرمها بالشفاء
د حسنى سلامة
استاذ جهاز هضمى القصر العينى
العيادة امام القصر العينى الفرنساوى شارع الرشيدى
ت 223637820