-
عربيتى نيسان صنى 2009
السلام عليكم ورحمة الله وبركاتة أنا اسمى مؤمن حسن والحمد لله ربنا وفقنى وأشتريت عربية صنى 2009 و يشرفنى أن أشترك معكم فى المنتدى العظيم للسيارة نيسان وهو فعلان جميل جدا وربنا يكرمكم فى روح عائلية جميلة وأنا كنت فاكر قسم السيارت الدايو هو الوحيد الى فى كمية تواصل بحك انى كانت عندى سيارة لانوس ومتابع القسم طلع المنتدى كلة ناس محترمة وربنا يجمعنا جميعا على خير دائما
-
الف الف مبروك العربية الجميلة نيسان و ربنا يديك خيرها علي طول
عايزك بقي تلف شوية في القسم و خصوصا المواضيع المثبتة لأن في حاجات كتير هتعجبك في القسم
و اهلا بيك عضو جديد معانا في قسم نيسان
-
ألف مليون مبروك و ربنا يعطيك خيرها و يكفيك شرها
-
الف مبارك عليك الصني ... ومبارك علينا انضمامك لينا اخ و عضو محترم معانا
و مترحمناش من مشاركاتك الطيبة ومداخلاتك ... لان ده هو اللي عمل الجو اللي انت شوفته و حسيته
وان شاء الله نشوفك في اقرب مقابلة
وتبقي قولنا ايه رايك في الصني وايه اخبارها معاك ... وربنا ييسرلك كل خير يارب العالمين
-
ألف مبروك وربنا يباركلك فيها، ونورت القسم
-
مبروك عليك نيسان صنى الشرسه
يارب تتبسط بيها
وتشرفنا بوجودك معانا فى المنتدى
-
-
متشكر جدا ياجماعة على الردود وربنا يبارك لكم جميعا وأنا والحمد لله مبسوط جدا من العربية لانها والحمد للة تعتبر جديدة فبريكة من جوة وبرة وعملة 57000 كيل فقط ويدوبك عايز أعملها طقم السرفيس العادى وهى طبعا عربية جميلة للغاية وانا بقالى 3 اشهر بقارن بنها وبين اليارس والابتر والانسر والحمد للة ربنا وفقنى وجبت النيسان وطبعا فرق كبير جدا بينها وبين الانوس الى كانت معايا ومن كتر أعجابى بالعربية مراتى بدات تغير منها وربنا يكفينا شر الطرق جميعا
-
-
Content Relevant URLs by
vBSEO 3.6.0 PL2